ಪೂಜಾರ ಶತಕದಾಟ
3 ದಿನಗಳ ಅಭ್ಯಾಸ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತಕ್ಕೆ ಪೂಜಾರ 187 ಎಸೆತಕ್ಕೆ 100 ರನ್ ಬಾರಿಸಿದರು. ರೋಹಿತ್ ಶರ್ಮಾ 68, ಕೆಎಲ್ ರಾಹುಲ್ 36, ಹನುಮ ವಿಹಾರಿ 37, ರಿಷಬ್ ಪಂತ್ 33 ರನ್ನೊಂದಿಗೆ ಕೊಹ್ಲಿ ಪಡೆ 88.5 ಓವರ್ಗೆ 5 ವಿಕೆಟ್ ಕಳೆದು 297 ರನ್ ಮಾಡಿತು.
ಹಾಡ್ಜ್ ಮಾತ್ರ ಆಡಿದ್ದು
ವೆಸ್ಟ್ ಇಂಡೀಸ್ ಪರ ಮೊದಲ ಇನ್ನಿಂಗ್ಸ್ನಲ್ಲಿ ಆಲ್ ರೌಂಡರ್ ಕವೆಮ್ ಹಾಡ್ಜ್ ಗಳಿಸಿದ 51 ರನ್ನೇ ಹೆಚ್ಚು. ಅದು ಬಿಟ್ಟರೆ ಜೋನಾಥನ್ ಕಾರ್ಟರ್ 26, ನಾಯಕ ಜಾಹ್ಮರ್ ಹ್ಯಾಮಿಲ್ಟನ್ 33 ರನ್ ಗಣನೀಯವೆನಿಸಿತು. ವಿಂಡೀಸ್ 56.1 ಓವರ್ಗೆ ಸರ್ವ ಪತನ ಕಂಡು 181 ರನ್ ಒಟ್ಟು ಸೇರಿಸಿತು. ಇಶಾಂತ್ ಶರ್ಮಾ, ಉಮೇಶ್ ಯಾದವ್ ಮತ್ತು ಕುಲದೀಪ್ ಯಾದವ್ ತಲಾ 3 ವಿಕೆಟ್ ಪಡೆದರು.
ರಹಾನೆ, ವಿಹಾರಿ ಆಟ
ಭಾರತದ ದ್ವಿತೀಯ ಇನ್ನಿಂಗ್ಸ್ನಲ್ಲಿ ರಹಾನೆ, 54, ವಿಹಾರಿ 64, ರಿಷಬ್ ಪಂತ್ 19 ರನ್ ಗಳಿಸಿದ್ದೇ ಹೆಚ್ಚು. 78 ಓವರ್ಗೆ ಭಾರತ 5 ವಿಕೆಟ್ ಕಳೆದು 188 ರನ್ ಗಳಿಸಿತು. ಎದುರಾಳಿ ತಂಡದ ಅಕಿಮ್ ಫ್ರೇಜರ್ 2, ರೊಮಾರಿಯೋ ಶೆಫರ್ಡ್, ಖಾರಿ ಪಿಯರೆ 1 ವಿಕೆಟ್ ಪಡೆದರು.
21 ಓವರ್ಗೆ ಆಟ ಕೊನೆ
ವೆಸ್ಟ್ ಇಂಡೀಸ್ ತಂಡ ದ್ವಿತೀಯ ಇನ್ನಿಂಗ್ಸನ್ನು 21 ಓವರ್ಗೆ ಮುಗಿಸಿತು. ಈ ವೇಳೆ ಕೆರಿಬಿಯನ್ನರು 3 ವಿಕೆಟ್ ಕಳೆದು 47 ರನ್ ಗಳಿಸಿದ್ದರು. ಭಾರತದ ಜಸ್ಪ್ರೀತ್ ಬೂಮ್ರಾ, ರವೀಂದ್ರ ಜಡೇಜಾ ಮತ್ತು ರವಿಚಂದ್ರನ್ ಅಶ್ವಿನ್ ತಲಾ 1 ವಿಕೆಟ್ ಪಡೆದರು.