11,400 ಅಭಿಮಾನಿಗಳು ಭಾಗಿ
ಪೋಲ್ನ ಅಂತಿಮ ಸುತ್ತಿನ ಮತದಲ್ಲಿ ಸುಮಾರು 11,400 ಅಭಿಮಾನಿಗಳು ಪಾಲ್ಗೊಂಡಿದ್ದರು. ಇದರಲ್ಲಿ ದ್ರಾವಿಡ್ 52 ಶೇ. ಮತ ಪಡೆದಿದ್ದಾರೆ. ಸಚಿನ್ ತೆಂಡೂಲ್ಕರ್ 48 ಶೇ. ಮತ ಪಡೆದಿದ್ದಾರೆ. ಸಚಿನ್, ದ್ರಾವಿಡ್ ಬಿಟ್ಟರೆ ಮೂರನೇ ಅತ್ಯಧಿಕ ಮತ ಲಭಿಸಿದ್ದು ಮಾಜಿ ಆಟಗಾರ ಸುನಿಲ್ ಗವಾಸ್ಕರ್ಗೆ.
ದ್ರಾವಿಡ್ ಬ್ಯಾಟಿಂಗ್ ಇಷ್ಟವಾಗುತ್ತಿತ್ತು
'ತನ್ನ ವೃತ್ತಿ ಜೀವನದಲ್ಲಿ ಆಡುತ್ತಿದ್ದಾಗ ದ್ರಾವಿಡ್ ಬ್ಯಾಟಿಂಗ್ ಹೆಚ್ಚು ಇಷ್ಟವಾಗುತ್ತಿತ್ತು. ಪೋಲ್ನಲ್ಲೂ ದ್ರಾವಿಡ್ ಭರ್ಜರಿ ಪೈಪೋಟಿ ನೀಡಿ ಕೊನೆಯಲ್ಲಿ ಉತ್ತಮ ಲೀಡ್ನಲ್ಲಿ ಗೆಲುವಿನ ಗೆರೆ ದಾಟಿದ್ದಾರೆ,' ಎಂದು ವಿಸ್ಡನ್ ಇಂಡಿಯಾ ತನ್ನ ವರದಿಯಲ್ಲಿ ಹೇಳಿದೆ.
16 ಬ್ಯಾಟ್ಸ್ಮನ್ಗಳ ಹೆಸರು
ಭಾರತದ ಶ್ರೇಷ್ಠ ಟೆಸ್ಟ್ ಬ್ಯಾಟ್ಸ್ಮನ್ ಯಾರು ಅನ್ನೋ ಪ್ರಶ್ನೆ ಮುಂದಿಟ್ಟು 16 ಬ್ಯಾಟಿಂಗ್ ದಂತಕತೆಗಳ ಹೆಸರುಗಳನ್ನು ಪೋಲ್ನಲ್ಲಿ ನೀಡಲಾಗಿತ್ತು. ಇದರಲ್ಲಿ ಸುನಿಲ್ ಗವಾಸ್ಕರ್ ಮತ್ತು ಟೀಮ್ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಸೆಮಿಫೈನಲ್ಸ್ ವರೆಗೂ ಬಂದಿದ್ದರು. ಆದರೆ ಸ್ವಲ್ಪದರಲ್ಲಿ ಕೊಹ್ಲೀನ ಸೋಲಿಸಿದ ಗವಾಸ್ಕರ್ ಪ್ಲೇ ಆಫ್ನಲ್ಲಿ 3ನೇ ಸ್ಥಾನ ಪಡೆದುಕೊಂಡಿದ್ದಾರೆ.
ಅವಿರತ ಶ್ರಮದಿಂದ ಸಾಧನೆ
ಸಚಿನ್ ತೆಂಡೂಲ್ಕರ್ 200 ಟೆಸ್ಟ್ ಪಂದ್ಯಗಳಲ್ಲಿ 15,921 ರನ್ ಗಳಿಸಿದ್ದರೆ, ರಾಹುಲ್ ದ್ರಾವಿಡ್ 164 ಟೆಸ್ಟ್ ಪಂದ್ಯಗಳಲ್ಲಿ 13,288 ರನ್ ಗಳಿಸಿದ್ದಾರೆ. ಇತ್ತೀಚೆಗೆ ದ್ರಾವಿಡ್ ಮತ್ತು ತೆಂಡೂಲ್ಕರ್ ಬಗ್ಗೆ ಮಾತನಾಡಿದ್ದ ಅವರ ಜೊತೆ ಆಟಗಾರ ವಿವಿಎಸ್ ಲಕ್ಷ್ಮಣ್, ದ್ರಾವಿಡ್ ತನ್ನ ಅವಿರತ ಶ್ರಮದಿಂದ ಸಚಿನ್ ತೆಂಡೂಲ್ಕರ್ ಸಮೀಪಕ್ಕೆ ಬಂದಿದ್ದರು ಎಂದು ಹೇಳಿದ್ದರು.