ಡೆಹ್ರಾಡೂನ್, ಫೆಬ್ರವರಿ 25: ಉತ್ತರಖಂಡದ ಡೆಹ್ರಾಡೂನ್ನಲ್ಲಿ ನಡೆದ ಪ್ರವಾಸಿ ಅಫ್ಘಾನಿಸ್ತಾನ ಮತ್ತು ಐರ್ಲೆಂಡ್ ತಂಡಗಳ ನಡುವಿನ 3ನೇ ಮತ್ತು ಅಂತಿಮ ಟಿ20 ಪಂದ್ಯದಲ್ಲೂ ಐರ್ಲೆಂಡ್ 32 ರನ್ ಸೋಲನುಭವಿಸುವುದರೊಂದಿಗೆ ಸರಣಿಯಲ್ಲಿ 3-0ಯ ಕ್ಲೀನ್ ಸ್ವೀಪ್ ಆಘಾತವನ್ನನುಭವಿಸಿತು. ರಶೀದ್ ಖಾನ್ ಮಾರಕ ಬೌಲಿಂಗ್ ಅಫ್ಘಾನ್ಗೆ ಗೆಲುವನ್ನು ತಂದಿತು.
ಭಾರತ vs ಆಸ್ಟ್ರೇಲಿಯಾ: ಟಿ20 ದಾಖಲೆ ಬರೆದ ವೇಗಿ ಜಸ್ಪ್ರೀತ್ ಬೂಮ್ರಾ
ಪಂದ್ಯದಲ್ಲಿ 27 ರನ್ನಿಗೆ 5 ವಿಕೆಟ್ ಕೆಡವಿ ಖಾನ್, ಐರ್ಲೆಂಡ್ ಸೋಲಿಗೆ ಕಾರಣವಾದರು. ಅದರಲ್ಲೂ ಕ್ರಮವಾಗಿ ಜಾರ್ಜ್ ಡಾಕ್ರೆಲ್, ಶೇನ್ ಗೆಕೆಟ್, ಸಿಮಿ ಸಿಂಗ್ ಮತ್ತು ಜೋಶುವಾ ಲಿಟಲ್ ವಿಕೆಟ್ಗಳನ್ನು ಪಡೆಯುವ ಮೂಲಕ ರಶೀದ್ ಹ್ಯಾಟ್ರಿಕ್ ಸಾಧನೆಗೂ ಕಾರಣವಾದರು.
Kevin O'Brien ☝️
— ICC (@ICC) February 24, 2019
George Dockrell ☝️
Shane Getkate ☝️
Simi Singh ☝️@rashidkhan_19 became the first player to take four in four balls in a T20 International! Is there anything he can't do?! #AFGvIRE pic.twitter.com/mcedaQxoOg
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಅಫ್ಘಾನಿಸ್ತಾನ ತಂಡ ಮೊಹಮ್ಮದ್ ನಬಿ 81 ರನ್ (36 ಎಸೆತ) ಕೊಡುಗೆಯೊಂದಿಗೆ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದು 210 ರನ್ ಗಳಿಸಿತ್ತು. ಗುರಿ ಬೆನ್ನಟ್ಟಿದ ಕೆವಿನ್ ಒ ಬ್ರಿಯಾನ್ 74, ಆಂಡ್ರ್ಯೂ ಬಾಲ್ಬಿರ್ನಿ 47 ರನ್ ಬೆಂಬಲದೊಂದಿಗೆ 20 ಓವರ್ಗೆ ಎಲ್ಲಾ ವಿಕೆಟ್ ಕಳೆದು 178 ರನ್ ಪೇರಿಸಿ ಶರಣಾಯಿತು.
ಮೊದಲ ಟಿ20: ಭಾರತ ವಿರುದ್ಧ ಆಸ್ಟ್ರೇಲಿಯಾಕ್ಕೆ 3 ವಿಕೆಟ್ ರೋಚಕ ಗೆಲುವು!
ಅಫ್ಘಾನ್ಸ್ತಾನ್ ಪರ ರಶೀದ್ ಖಾನ್ ಬಿಟ್ಟರೆ ಜಿಯಾರ್ ರಹಮಾನ್ 2 ವಿಕೆಟ್ ಪಡೆದರು. ಐರ್ಲೆಂಡ್ನಿಂದ ಬಾಯ್ಡ್ ರಾಂಕಿನ್ 3 ವಿಕೆಟ್ ಉರುಳಿಸಿ ಗಮನ ಸೆಳೆದರು. ಪಂದ್ಯಶ್ರೇಷ್ಠ ಮತ್ತು ಸರಣಿ ಶ್ರೇಷ್ಠ ಎರಡೂ ಪ್ರಶಸ್ತಿಗಳು ಅಫ್ಘಾನ್ ಅನುಭವಿ ಆಟಗಾರ ಮೊಹಮ್ಮದ್ ನಬಿ ಲಭಿಸಿದ್ದು ವಿಶೇಷವೆನಿಸಿತು.