ಡೆಹ್ರಾಡೂನ್, ಜೂ. 4: ರಶೀದ್ ಖಾನ್ ಅಮೋಘ ಬೌಲಿಂಗ್ ನೆರವಿನೊಂದಿಗೆ ಭಾರತಕ್ಕೆ ಬಾಂಗ್ಲಾ ಪ್ರವಾಸದ ಟಿ20 ಪಂದ್ಯಾಟದಲ್ಲಿ ಅಫ್ಘಾನಿಸ್ತಾನ್ ತಂಡ ಬಾಂಗ್ಲಾದೆದುರು 45 ರನ್ ಜಯ ಗಳಿಸಿದೆ. ಡೆಹ್ರಾಡೂನ್ ರಾಜೀವ್ ಗಾಂಧಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಬಾಂಗ್ಲಾ 19 ಓವರ್ ಗಳಲ್ಲಿ 122 ರನ್ ಪೇರಿಸಿ ಶರಣಾಯಿತು.
ಟಾಸ್ ಸೋತು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಅಫ್ಘಾನಿಸ್ತಾನ್ ತಂಡ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 167 ರನ್ ಪೇರಿಸಿ ಬಾಂಗ್ಲಾ ತಂಡಕ್ಕೆ 168 ರನ್ ಟಾರ್ಗೆಟ್ ನೀಡಿತ್ತು. ಮೊಹಮ್ಮದ್ ಶಹಜಾದ್ 40 (37), ಉಸ್ಮಾನ್ ಘನಿ 26 (24), ಅಸ್ಗರ್ ಸ್ತಾನಿಕ್ ಝೈಯ್ 25 (24), ಸಮೀಉಲ್ಲಾ ಶೆನ್ವಾರಿ 36 (18), ಶಫಿಕುಲ್ಲಾ 24 (8) ರನ್ ಮೂಲಕ ತಂಡದ ಮೊತ್ತವನ್ನು ಹೆಚ್ಚಿಸಲು ನೆರವಾದರು.
Rashid Khan leads Afghanistan to comfortable win
— Taya Amritsaria (@TayaAmritsaria2) June 4, 2018
https://t.co/VPN2C5mycb
ಬಾಂಗ್ಲಾ ಪರ ಬೌಲಿಂಗ್ ದಾಳಿ ನಡೆಸಿದ ಅಬ್ದುಲ್ ಹಸನ್ 40 ರನ್ನಿಗೆ 2, ಮೊಹಮದುಲ್ಲ 1 ರನ್ನಿಗೆ 2 ವಿಕೆಟ್ ಕಬಳಿಸಿ ಅಫ್ಘಾನಿಸ್ತಾನ್ ತಂಡವನ್ನು ಕಾಡಿದರು.
ಆದರೆ ಚೇಸಿಂಗ್ ಗೆ ಇಳಿದ ಬಾಂಗ್ಲಾ ಪದ ಬ್ಯಾಟ್ಸ್ಮನ್ ಗಳು ಅಂಥದ್ದೇನೂ ಪ್ರದರ್ಶನ ತೋರಲಿಲ್ಲ. ಲಿಟಾನ್ ದಾಸ್ 30 (20), ಮುಷ್ಫಿಕರ್ ರಹ್ಮಾನ್ 20 (17), ಮೊಹಮ್ಮದುಲ್ಲ 29 (25), ಶಕೀಬ್ ಅಲ್ ಹಸನ್ 15 (15) ರನ್ ಗಳಿಸಿದ್ದು ಬಿಟ್ಟರೆ ಬೇರೆ ಯಾರೂ 15 ರನ್ ಗೆರೆ ದಾಟಿಸಲಿಲ್ಲ. ಇದೇ ಬಾಂಗ್ಲಾ ಸೋಲಿಗೆ ಕಾರಣವಾಯಿತು.
Afghanistan's spin trio inspired them to their maiden T20I victory against Bangladesh in Dehradun, number one bowler Rashid Khan once again the star man.#AFGvBAN REPORT ➡️ https://t.co/URLGnyHzmj pic.twitter.com/3KLr2xAV2A
— ICC (@ICC) June 3, 2018
ಜೊತೆಗೆ ಅಪ್ಘಾನಿಸ್ತಾನ್ ಸ್ಟಾರ್ ಬೌಲರ್ ರಶೀದ್ ಖಾನ್ ಅವರು ಮಾರಕ ಸ್ಪಿನ್ ದಾಳಿ ನಡೆಸಿದ್ದು ಬಾಂಗ್ಲಾ ಹಿನ್ನಡೆಗೆ ಮತ್ತೊಂದು ಕಾರಣವಾಯಿತು. ಶಪೂರ್ ಝದ್ರನ್ ಅವರೂ ರಶೀದ್ ಗೆ ಸಾಥ್ ನೀಡಿದರು.
40 ರನ್ನಿಗೆ ಶಪೂರ್ 3 ವಿಕೆಟ್ ಕಬಳಿಸಿದರೆ, ರಶೀದ್ ಕೇವಲ 13 ರನ್ನಿಗೆ 3 ವಿಕೆಟ್ ಕೆಡವಿದರು. ಬಾಂಗ್ಲಾ 19 ಓವರ್ ಗಳಲ್ಲೇ ಎಲ್ಲಾ ವಿಕೆಟ್ ಕಳೆದು 45 ರನ್ ಹಿನ್ನೆಡೆಯಿಂದ ಶರಣಾಯಿತು.