ಭಾರತದ ಪ್ರತಿಭಾನ್ವಿತ ಆಟಗಾರ
ಯೂಟ್ಯೂಬ್ ಶೋ ಕಾಟ್ ಬಿಹೈಂಡ್ ನಲ್ಲಿ ಮಾತನಾಡಿದ ಪಾಕಿಸ್ತಾನ ಮಾಜಿ ನಾಯಕ ರಶೀದ್ ಲತೀಫ್, ತಂಡದ ವೇಗಿ ತನ್ವೀರ್ ಅಹ್ಮದ್ ಅವರು ಭಾರತದ ಮಾಜಿ ನಾಯಕ ಎಂಎಸ್ ಧೋನಿಯನ್ನು ಪರಿಚಯಿಸಿದ ಬಗೆ ವಿವರಿಸಿದರು. ಫೋನ್ ಕಾಲ್ನಲ್ಲಿ ತನ್ವೀರ್ ಅವರು ಧೋನಿ ಬಗ್ಗೆ ಮಾತನಾಡಿದ್ದಾಗಿ ಹೇಳಿದ್ದಾರೆ.
ಕ್ಷಣ ಸ್ಮರಿಸಿದ ರಶೀದ್
'2004ರ ಕೀನ್ಯಾ ಪ್ರವಾಸಕ್ಕೆ ಹೋಗಿದ್ದ ತನ್ವೀರ್ ನನಗೆ ಫೋನ್ ಮಾಡಿದರು. ನಾನಾಗ ಇಂಗ್ಲೆಂಡ್ನಲ್ಲಿದ್ದೆ. ಆಗ ತನ್ವೀರ್ ನನ್ನ ಬಳಿ, ಸಚಿನ್ ಅವರನ್ನು ಜನ ಮರೆಯಬಲ್ಲ ಆಟಗಾರ ಭಾರತದಲ್ಲಿದ್ದಾರೆ. ಧೋನಿ ಅವರ ಹೆಸರು,' ಎಂದಿದ್ದರು ಎಂದು ತನ್ವೀರ್ ಅವರು ಧೋನಿಯನ್ನು ಪರಿಚಯಿಸಿದ ಕ್ಷಣವನ್ನು ರಶೀದ್ ಸ್ಮರಿಸಿಕೊಂಡರು (ಚಿತ್ರದಲ್ಲಿ ಲತೀಫ್).
ಸಚಿನ್ಗೆ ಸಚಿನೇ ಸಾಟಿ
ಮಾತು ಮುಂದುವರೆಸಿದ ಲತೀಫ್, 'ಅದು ಸಾಧ್ಯವಿಲ್ಲ. ಸಚಿನ್ಗೆ ಸಚಿನೇ ಸಾಟಿ. ನೀನು ಅದು ಹೇಗೆ ಧೋನಿಯನ್ನು ಸಚಿನ್ಗೆ ಹೋಲಿಸುತ್ತೀಯ ಎಂದು ಲತೀಪ್ಗೆ ಆವತ್ತು ಪ್ರಶ್ನಿಸಿದ್ದೆ. ಆದರೆ ಧೋನಿ ತನ್ನ ವೃತ್ತಿ ಬದುಕು ಮತ್ತು ಬ್ರ್ಯಾಂಡ್ ಮೌಲ್ಯದ ವಿಚಾರದಲ್ಲಿ ಸಚಿನ್ಗೆ ತೀರಾ ಹತ್ತಿರ ಬಂದಿದ್ದಾರೆ,' ಎಂದರು.
ಅಪರೂಪದ ದಾಖಲೆಗಳು
ಧೋನಿ ಹೆಸರಿನಲ್ಲಿ ಅಪರೂಪದ ದಾಖಲೆಗಳಿವೆ. ಟೀಮ್ ಇಂಡಿಯಾಕ್ಕೆ ಐಸಿಸಿ ಪ್ರಮುಖ ಟ್ರೋಫಿಗಳನ್ನು (ಏಕದಿನ, ಟಿ20 ವಿಶ್ವಕಪ್ ಮತ್ತು ಚಾಂಪಿಯನ್ಸ್ ಟ್ರೋಫಿ) ಗೆಲ್ಲಿಸಿಕೊಟ್ಟ ಒಬ್ಬನೇ ಒಬ್ಬ ನಾಯಕ ಧೋನಿ. ವಿಶ್ವದಲ್ಲಿ ಈ ದಾಖಲೆಯಿರುವುದು ಧೋನಿ ಹೆಸರಲ್ಲಿ ಮಾತ್ರ. ಅಷ್ಟೇ ಅಲ್ಲ, 2009ರಲ್ಲಿ ಧೋನಿ ನಾಯಕತ್ವದಲ್ಲಿ ಭಾರತ ತಂಡ ಚೊಚ್ಚಲ ಬಾರಿ ಐಸಿಸಿ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ನಂ.1 ಸ್ಥಾನ ಗಳಿಸಿತ್ತು.