ಟಿಕ್ ಟಾಕ್ ಬ್ಯಾನ್: ಡೇವಿಡ್ ವಾರ್ನರ್ ಕಾಲೆಳೆದ ರವಿಚಂದ್ರನ್ ಅಶ್ವಿನ್

ನವದೆಹಲಿ, ಜೂನ್ 30: ಭಾರತದ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಆಗೀಗ ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ತರ್ಲೆ, ತಮಾಷೆಯಲ್ಲೂ ಪಾಲ್ಗೊಳ್ಳುತ್ತಿರುತ್ತಾರೆ. ಈ ಬಾರಿ ಅಶ್ವಿನ್, ಆಸ್ಟ್ರೇಲಿಯಾ ಆರಂಭಿಕ ಬ್ಯಾಟ್ಸ್‌ಮನ್ ಡೇವಿಡ್ ವಾರ್ನರ್ ಕಾಲೆಳೆದಿದ್ದಾರೆ.

ರಾಹುಲ್ ದ್ರಾವಿಡ್, ಸೌರವ್ ಗಂಗೂಲಿಯನ್ನೇ ತಂಡದಿಂದ ಹೊರಗಿಟ್ಟಿದ್ದರು ಧೋನಿ!

ಭಾರತ ಸರ್ಕಾರ ಚೀನಾ ಮಾಲೀಕತ್ವದ 59 ಆ್ಯಪ್‌ಗಳನ್ನು ಬ್ಯಾನ್ ಮಾಡಿತ್ತು. ಇದನ್ನೇ ಮುಂದಿಟ್ಟುಕೊಂಡು ಆಶ್ವಿನ್, ವಾರ್ನರ್ ಅವರನ್ನು ಟ್ರೋಲ್ ಮಾಡಿದ್ದಾರೆ. ಡೇವಿಡ್ ಮತ್ತವರ ಕುಟುಂಬ ಇತ್ತೀಚೆಗೆ ಟಿಕ್‌ ಟಾಕ್‌ನಲ್ಲಿ ಅನೇಕ ವೀಡಿಯೋಗಳನ್ನು ಮಾಡಿ ರಂಜಿಸಿದ್ದರು. ಈ ವಿಚಾರ ಗೊತ್ತಿರುವ ಅಶ್ವಿನ್, ವಾರ್ನರ್‌ಗೆ ತಮಾಷೆ ಮಾಡಿದ್ದಾರೆ.

ಆಸ್ಟ್ರೇಲಿಯಾಕ್ಕೆ ಭಾರತ: ಕುತೂಹಲಕಾರಿ ಸರಣಿಗಳ ಸಂಪೂರ್ಣ ವೇಳಾಪಟ್ಟಿ

Appo Anwar? @davidwarner31 😉 https://t.co/5slRjpmAIs

— Ashwin (During Covid 19)🇮🇳 (@ashwinravi99) June 29, 2020

ಟಿಕ್ ಟಾಕ್ ಸೇರಿದಂತೆ ಬೇರೆ ಬೇರೆ ಆ್ಯಪ್‌ಗಳನ್ನು ಭಾರತ ಬ್ಯಾನ್ ಬ್ಯಾನ್ ಮಾಡಿರುವುದನ್ನು ಮುಂದಿಟ್ಟುಕೊಂಡು ಆಶ್ವಿನ್, ವಾರ್ನರ್ ಅವರ ಕಾಲೆಳೆದಿದ್ದಾರೆ. ಟ್ವಿಟರ್‌ನಲ್ಲಿ ಅಶ್ವಿನ್, 'Appo Anwar' ಎಂದು ಬರೆದುಕೊಂಡಿದ್ದಾರೆ. ಯಾಕೆ ಡೇವಿಡ್ ವಾರ್ನರ್ ಅವರನ್ನೇ ಅಶ್ವಿನ್ ತಮಾಷೆ ಮಾಡಿದ್ದೆಂದರೆ; ವಾರ್ನರ್ ಅವರು ಭಾರತೀಯರಿಗೆ ಸಂಬಂಧಿಸಿದ ಟಿಕ್ ಟಾಕ್ ವೀಡಿಯೋಗಳನ್ನೇ ಹೆಚ್ಚಾಗಿ ಮಾಡುತ್ತಿದ್ದರು.

ಆವತ್ತು ಇದೇ ದಿನ ಸಚಿನ್ ತೆಂಡೂಲ್ಕರ್ ಏಕದಿನ ವಿಶ್ವದಾಖಲೆ ನಿರ್ಮಿಸಿದ್ದರು

ಅಶ್ವಿನ್ ಬರೆದಿರುವ ಈ ಡೈಲಾಗ್, 1995ರಲ್ಲಿ ತೆರೆ ಕಂಡಿದ್ದ, ತಮಿಳು ನಟ-ಸೂಪರ್ ಸ್ಟಾರ್ ರಜಿನಿಕಾಂತ್ ಅವರ 'ಬಾಶಾ' ಸಿನಿಮಾದ್ದು. ಈ ಡೈಲಾಗ್ ಪ್ರಕಾರ, 'ಹಾಗಾದರೆ, ಈಗ ಡೇವಿಡ್ ವಾರ್ನರ್ ಏನು ಮಾಡುತ್ತಾರೆ?,' ಎಂದು ಅಶ್ವಿನ್, ವಾರ್ನರ್ ಅವರನ್ನು ಅಣಕಿಸಿದಂತಾಗುತ್ತದೆ.