ಜಡ್ಡು ಕ್ಯಾಮೆರಾಗೆ ಫೋಸ್ ಕೊಟ್ಟ ವಿಶೇಷ ಗೆಳೆಯ ಯಾರು?

ರವೀಂದ್ರ ಜಡೇಜಾ ಕ್ರೀಡಾಂಗಣದಲ್ಲಿ ಆಲ್‌ರೌಂಡ್ ಪ್ರದರ್ಶನಕ್ಕೆ ಖ್ಯಾತರಾದವರು. ಸಮಯೋಚಿತ ಆಟದಿಂದ ಸಾಕಷ್ಟು ಬಾರಿ ಸುದ್ಧಿಯಾಗಿದ್ದಾರೆ ಜಡ್ಡು. ಅದರ ಜೊತೆಗೆ ತಮ್ಮ ಆಫ್‌ಫೀಲ್ಡ್‌ನ ಕೆಲವೊಂದು ವಿಶಿಷ್ಟ ಹವ್ಯಾಸದಿಂದಲೂ ಖ್ಯಾತರಾಗಿದ್ದಾರೆ. ತಮ್ಮ ವಿಶೇಷವಾದ ಗೆಳೆಯನೊಂದಿಗಿನ ಸಂಬಂಧದ ಬಗ್ಗೆ ಸಾಕಷ್ಟು ಬಾರಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕುವ ಮೂಲಕ ತಮ್ಮ ಪ್ರೀತಿಯನ್ನು ವ್ಯಕ್ತ ಪಡಿಸಿದ್ದಾರೆ.

ಹೌದು.. ರವೀಂದ್ರ ಜಡೇಜ ಅವರ ಪೀತಿಯ ಗೆಳೆಯ ಮತ್ಯಾರು ಅಲ್ಲ, ಅವರ ಮುದ್ದಿನ ಕುದುರೆ. ಹಲವು ಸಂದರ್ಭಗಳಲ್ಲಿ ರವೀಂದ್ರ ಜಡೇಜಾ ತಮ್ಮ ಕುದುರೆ ಮೇಲಿನ ಪ್ರೀತಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತಪಡಿಸಿದ್ದಾರೆ. ಫೋಟೋ ಹಾಗೂ ವೀಡಿಯೋಗಳೊಂದಿಗೆ ಇನ್ಸ್ಟಾಗ್ರಾಮ್, ಟ್ವಿಟರ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ.

ಪಿಚ್‌ನಲ್ಲಿ ಡ್ಯಾನ್ಸ್ ಮಾಡಿದ ರವೀಂದ್ರ ಜಡೇಜಾ: ವೈರಲ್ ವಿಡಿಯೋ

ಇಂದೂ ಕೂಡ ಜಡೇಜಾ ತಮ್ಮ ಪ್ರೀತಿಯ ಕುದುರೆಯ ಫೋಟೋವೊಂದನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಸುಂದರವಾಗಿ ಫೋಸ್ ಕೊಟ್ಟಿರುವ ಫೋಟೋಗೆ 'ಫೋಟೋ ತೆಗೆಯಲು ಹೇಗೆ ಫೋಸ್ ಕೊಟ್ಟಿದ್ದಾನೆ ನೋಡಿ' ಎಂದು ಬರೆದುಕೊಂಡಿದ್ದಾರೆ.

ವಿರಾಟ್ ಕೊಹ್ಲಿ ಮಿಮಿಕ್ ಮಾಡಿದ ರವೀಂದ್ರ ಜಡೇಜಾ: ಗಮ್ಮತ್ತಿನ ವಿಡಿಯೋ

ರವೀಂದ್ರ ಜಡೇಜಾಗೆ ಈ ಕುದುರೆಯ ಮೇಲೆ ಅದೆಷ್ಟು ಪ್ರೀತಿ ಅಂದರೆ ತಮ್ಮ ಕೈ ಮೇಲೆ ಇದರ ಟ್ಯಾಟೂವನ್ನೇ ಹಾಕಿಸಿಕೊಂಡಿದ್ದಾರೆ. ಐಪಿಎಲ್ ಪಂದ್ಯದ ಮಧ್ಯೆಯೂ ಕುದುರೆಯನ್ನು ನೋಡುವ ಸಲುವಾಗಿ ಬಿಡುವು ಮಾಡಿಕೊಂಡು ಜಡ್ಡು ಇದರ ಜೊತೆ ಕಾಲ ಕಳೆದುಬಂದಿದ್ದರು.