ಸ್ವಲ್ಪ ಸಮಯ ಕಾದು ನಂತರ ಬಲವಾದ ಹೊಡೆತಗಳಿಗೆ ಮುಂದಾಗಲಿ
ರಿಷಭ್ ಪಂತ್ ಬ್ಯಾಟಿಂಗ್ ವೈಖರಿ ಕುರಿತು ಸಲಹೆ ನೀಡಿರುವ ಕಪಿಲ್ ದೇವ್ ಇಂಗ್ಲೆಂಡ್ ಪ್ರವಾಸದಲ್ಲಿ ಪಂತ್ ಕೆಲ ಸಮಯದವರೆಗೆ ನಿಧಾನಗತಿಯ ಬ್ಯಾಟಿಂಗ್ ನಡೆಸಿ ಭದ್ರವಾಗಿ ನೆಲೆಯೂರಿದ ಮೇಲೆ ದೊಡ್ಡ ಹೊಡೆತಗಳಿಗೆ ಮುಂದಾಗಬೇಕೆಂದು ಕಪಿಲ್ ದೇವ್ ಹೇಳಿದ್ದಾರೆ.
ಇಂಗ್ಲೆಂಡ್ ನೆಲ ತುಂಬಾ ಭಿನ್ನವಾಗಿರಲಿದೆ
ಇಂಗ್ಲೆಂಡ್ ಪಿಚ್ಗಳು ಇತರ ದೇಶದ ಪಿಚ್ಗಳಿಗಿಂತ ಬಹಳ ಭಿನ್ನವಾಗಿರಲಿದ್ದು ನಾವು ಊಹಿಸಿದ ರೀತಿ ವೇಗವಾಗಿ ಆಡುವುದು ಕಷ್ಟ. ಹೀಗಾಗಿ ಇಂಗ್ಲೆಂಡ್ ನೆಲದಲ್ಲಿ ತುಂಬಾ ಜಾಗರೂಕತೆಯಿಂದ ಬ್ಯಾಟಿಂಗ್ ಮಾಡಬೇಕಾಗುತ್ತದೆ, ಪಿಚ್ಗೆ ಸರಿ ಹೊಂದಿಕೊಳ್ಳುವವರೆಗೂ ದೊಡ್ಡ ಹೊಡೆತಗಳಿಗೆ ಕೈ ಹಾಕಬಾರದು ಎಂದು ಕಪಿಲ್ ದೇವ್ ಸಲಹೆ ನೀಡಿದ್ದಾರೆ.
ಸೀಮಿತ ಓವರ್ ಪಂದ್ಯಗಳಿಗಿಂತ ಟೆಸ್ಟ್ ಕ್ರಿಕೆಟ್ ಅಚ್ಚುಮೆಚ್ಚು
ಇದೇ ವೇಳೆ ಟಿ ಟ್ವೆಂಟಿ ಮತ್ತು ಏಕದಿನ ಪಂದ್ಯಗಳಿಗಿಂತ ಟೆಸ್ಟ್ ಪಂದ್ಯಗಳು ಅಚ್ಚುಮೆಚ್ಚು ಎಂಬ ವಿಷಯವನ್ನು ಕಪಿಲ್ ದೇವ್ ಹೊರಹಾಕಿದ್ದಾರೆ. ಸಮಯ ಸಿಕ್ಕಾಗ ಸೀಮಿತ ಓವರ್ ಪಂದ್ಯಗಳನ್ನು ವೀಕ್ಷಿಸುವುದಕ್ಕಿಂತ ಟೆಸ್ಟ್ ಪಂದ್ಯಗಳನ್ನು ಹೆಚ್ಚಾಗಿ ವೀಕ್ಷಿಸುತ್ತೇನೆ, ಏಕದಿನ ಮತ್ತು ಟಿ ಟ್ವೆಂಟಿ ಪಂದ್ಯಗಳಿಗಿಂತ ಟೆಸ್ಟ್ ಕ್ರಿಕೆಟ್ ಹೆಚ್ಚು ಇಷ್ಟ ಎಂದು ಕಪಿಲ್ ದೇವ್ ಹೇಳಿಕೊಂಡಿದ್ದಾರೆ.