ಶ್ರೀಲಂಕಾ ಸಾಧಾರಣ ಬ್ಯಾಟಿಂಗ್
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಶ್ರೀಲಂಕಾ ಲೆಜೆಂಡ್ಸ್ನಿಂದ ನಾಯಕ ತಿಲಕರತ್ನೆ ದಿಲ್ಶನ್ 23, ರೋಮೇಶ್ ಕಲುವಿತರಣ 21, ತಿಲಾನ್ ತುಷಾರ 10, ಚಮರ ಕಪುಗೆದೆರ 23, ಸಚಿತ್ರ ಸೇನಾನಾಯಕೆ 19, ಫರ್ವೀಜ್ ಮಹರೂಫ್ 10, ಅಜಂತ ಮೆಂಡಿಸ್ 9 ರನ್ ಸೇರಿಸಿದರು. ಲಂಕಾ 20 ಓವರ್ಗೆ 8 ವಿಕೆಟ್ ನಷ್ಟದಲ್ಲಿ 138 ರನ್ ಗಳಿಸಿತು.
ಭಾರತಕ್ಕೆ ಆರಂಭದಲ್ಲೇ ಆಘಾತ
ಶ್ರೀಲಂಕಾ ನೀಡಿದ್ದ 139 ಸುಲಭ ರನ್ ಗುರಿ ಬೆನ್ನತ್ತಿದ ಭಾರತಕ್ಕೆ ಆರಂಭದಲ್ಲೇ ಆಘಾತ ಎದುರಾಯಿತು. ಯಾಕೆಂದರೆ ಆರಂಭಿಕ ಬ್ಯಾಟ್ಸ್ಗಳಾದ ಸಚಿನ್ ತೆಂಡೂಲ್ಕರ್ 0, ವೀರೇಂದ್ರ ಸೆಹ್ವಾಗ್ 3 ರನ್ಗೆ ವಿಕೆಟ್ ಒಪ್ಪಿಸಿದರು. ಆ ಬಳಿಕ ಬಂದ ಸ್ಫೋಟಕ ಬ್ಯಾಟ್ಸ್ಮನ್ ಯುವರಾಜ್ ಸಿಂಗ್ ಕೂಡ ಚಮಿಂದ ವಾಸ್ ಓವರ್ನಲ್ಲಿ ವಿಕೆಟ್ ಒಪ್ಪಿಸಿ ನಿರ್ಗಮಿಸಿದರು.
ಪಠಾಣ್ ಸ್ಫೋಟಕ ಆಟ
ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಬಂದಿದ್ದ 'ಭಾರತದ ಜಾಂಟಿ ರೋಡ್ಸ್' ಮೊಹಮ್ಮದ್ ಕೈಫ್, ಕೊಂಚ ಕಾಲ ಕ್ರೀಸ್ನಲ್ಲಿ ನಿಂತಿದ್ದು ಭಾರತ ತಂಡಕ್ಕೆ ಬಲ ತಂದಿತು. ಕೈಫ್ 46 ರನ್ ಕೊಡುಗೆ ಕೊಟ್ಟು ನಿರ್ಗಮಿಸಿದರಾದರೂ ಅಷ್ಟರಲ್ಲೇ ಬ್ಯಾಟಿಂಗ್ಗೆ ಬಂದಿದ್ದ ಇರ್ಫಾನ್ ಪಠಾಣ್ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಲಾರಂಭಿಸಿದರು.
ಮುನಾಫ್ ಮಾರಕ ಬೌಲಿಂಗ್
ಕ್ರೀಸಿಗಂಟಿನಿಂತ ಪಠಾಣ್ 6 ಬೌಂಡರಿ, 3 ಸಿಕ್ಸರ್ಗಳೊಂದಿಗೆ ಅಜೇಯ 57 ರನ್ ಬಾರಿಸಿ ಇಂಡಿಯಾ ಲೆಜೆಂಡ್ಸ್ ತಂಡವನ್ನು ಗೆಲುವಿನ ದಡ ಸೇರಿಸಿದರು. 18.4ನೇ ಓವರ್ಗೆ 5 ವಿಕೆಟ್ ಕಳೆದು 139 ರನ್ ಪೇರಿಸಿ ಭಾರತ ಗೆಲುವನ್ನಾಚರಿಸಿತು. ಲಂಕಾ ಇನ್ನಿಂಗ್ಸ್ನಲ್ಲಿ ಭಾರತದ ಮುನಾಫ್ ಪಟೇಲ್ 19 ರನ್ಗೆ 4 ವಿಕೆಟ್ ಮುರಿದರೆ, ಭಾರತದ ಇನ್ನಿಂಗ್ಸ್ನಲ್ಲಿ ಶ್ರೀಲಂಕಾದ ಚಮಿಂದ ವಾಸ್ 5 ರನ್ಗೆ 2 ವಿಕೆಟ್ ಮುರಿದು ಗಮನ ಸೆಳೆದರು. ಇರ್ಫಾನ್ ಪಠಾಣ್ ಪಂದ್ಯಶ್ರೇಷ್ಠರೆನಿಸಿದರು.