ಜಯಸೂರ್ಯ ಆಕರ್ಷಕ ಬ್ಯಾಟಿಂಗ್
ಫೈನಲ್ ಪಂದ್ಯದಲ್ಲಿ ಶ್ರೀಲಂಕಾ ಲೆಜೆಂಡ್ಸ್ ಪರ ಆರಂಭಿಕರಾಗಿ ಬಂದಿದ್ದ ಸನತ್ ಜಯಸೂರ್ಯ 35 ಎಸೆತಗಳಿಗೆ 43 ರನ್ ಸೇರಿಸಿದ್ದರು. ಇದರಲ್ಲಿ 5 ಫೋರ್, 1 ಸಿಕ್ಸರ್ ಕೂಡ ಸೇರಿತ್ತು. ಆರಂಭಿಕ ಇನ್ನಿಂಗ್ಸ್ ಆಡಿದ್ದ ಇಂಡಿಯಾ ಲೆಜೆಂಡ್ಸ್ ಸವಾಲಿನ ಗುರಿ ನೀಡಿದ್ದರಿಂದ ಫೈನಲ್ನಲ್ಲಿ ಲಂಕಾ ಲೆಜೆಂಡ್ಸ್ 14 ರನ್ಗಳ ಸೋಲನುಭವಿಸಿತ್ತು.
|
ಲಂಕಾ ದಿಗ್ಗಜನ ಸ್ಫೂರ್ತಿಯ ಕತೆ
ಈಗ 51ರ ವಯಸ್ಸಿನವರಾದ ಸನತ್ ಜಯಸೂರ್ಯ ಎರಡು ಬಾರಿ ಮೊಣಕಾಲಿನ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಂಡಿದ್ದರು. ಅಲ್ಲದೆ ಒಂದು ಬಾರಿ ಹೃದಯದ ಶಸ್ತ್ರ ಚಿಕಿತ್ಸೆಗೂ ಒಳಗಾಗಿದ್ದರು. ಅಷ್ಟಾಗಿಯೂ ಜನಸೂರ್ಯ ಅವರಿಗೆ ಕ್ರಿಕೆಟ್ ಮೇಲಿನ ಪ್ರೀತಿ ಕಡಿಮೆಯಾಗಿಲ್ಲ ನೋಡಿ. ಕ್ರಿಕೆಟ್ ಬ್ಯಾಟು, ಕೇಕೆ ಹಾಕುವ ಅಭಿಮಾನಿಗಳ ಮೇಲಿನ ಪ್ರೀತಿಗಾಗಿ ಜಯಸೂರ್ಯ ಮತ್ತೆ ಬ್ಯಾಟ್ ಬೀಸಿದರು. ನಮ್ಮೆಲ್ಲರನ್ನು ರಂಜಿಸಿ ಕಳೆದ ಆ ಬಂಗಾರದ ಕ್ರಿಕೆಟ್ ದಿನಗಳನ್ನು ಕಣ್ಣಮುಂದೆ ತಂದಿದ್ದರು.
ಸನತ್ ದಾಖಲೆ/ಪಂದ್ಯದ ಸ್ಕೋರ್ಕಾರ್ಡ್
ಸನತ್ ಜಯಸೂರ್ಯ ಕ್ರಿಕೆಟ್ ವೃತ್ತಿ ಬದುಕಿನಲ್ಲಿ ಸಾಕಷ್ಟು ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಅವುಗಳಲ್ಲಿ ಈಗಲೂ ಕೆಲವು ದಾಖಲೆಗಳು ಮುರಿಯಲಾಗಿಲ್ಲ. 110 ಟೆಸ್ಟ್ ಪಂದ್ಯಗಳನ್ನಾಡಿರುವ ಸನತ್ 6973 ರನ್, 98 ವಿಕೆಟ್, 445 ಏಕದಿನ ಪಂದ್ಯಗಳಲ್ಲಿ 13430 ರನ್, 323 ವಿಕೆಟ್, 31 ಟಿ20ಐ ಪಂದ್ಯಗಳಲ್ಲಿ 629 ರನ್, 19 ವಿಕೆಟ್ ದಾಖಲೆ ಹೊಂದಿದ್ದಾರೆ.
* ಸಂಕ್ಷಿಪ್ತ ಸ್ಕೋರ್ಕಾರ್ಡ್: ಇಂಡಿಯಾ ಲೆಜೆಂಡ್ಸ್- 181-4 (20 Ov), ಶ್ರೀಲಂಕಾ ಲೆಜೆಂಡ್ಸ್-167-7 (20 Ov)