ಮೊಹಾಲಿ, ಮಾರ್ಚ್ 11: ಮೊಹಾಲಿಯಲ್ಲಿ ನಡೆದ ಭಾರತ-ಆಸ್ಟ್ರೇಲಿಯಾ 4ನೇ ಏಕದಿನ ಪಂದ್ಯದಲ್ಲಿ ಭಾರತದ ಆರಂಭಿಕ ಆಟಗಾರರಾದ ರೋಹಿತ್ ಶರ್ಮಾ ಮತ್ತು ಶಿಖರ್ ಧವನ್ ದಾಖಲೆ ಬರೆದ್ದಾರೆ. ಏಕದಿನದಲ್ಲಿ ಉತ್ತಮ ಜೊತೆಯಾಟಕ್ಕಾಗಿ ಭಾರತೀಯರಲ್ಲಿ ದ್ವಿತೀಯ ಸ್ಥಾನದಲ್ಲಿ ರೋಹಿತ್-ಧವನ್ ಜೋಡಿ ಗುರುತಿಸಿಕೊಂಡಿದೆ (ಚಿತ್ರಕೃಪೆ: ಬಿಸಿಸಿಐ).
ಭಾರತ vs ಆಸ್ಟ್ರೇಲಿಯಾ: ದೀರ್ಘ ಕಾಲದ ಬಳಿಕ ಅಬ್ಬರಿಸಿದ ಶಿಖರ್ ಧವನ್
ಮೊಹಾಲಿಯ ಪಂಜಾಬ್ ಕ್ರಿಕೆಟ್ ಅಸೋಸಿಯೇಷನ್ ಇಂದರ್ಜಿತ್ ಸಿಂಗ್ ಸ್ಟೇಡಿಯಂನಲ್ಲಿ ಭಾನುವಾರ (ಮಾರ್ಚ್ 10) ನಡೆದ ಭಾರತ-ಆಸ್ಟ್ರೇಲಿಯಾ 4ನೇ ಏಕದಿನ ಪಂದ್ಯದಲ್ಲಿ ರೋಹಿತ್ 92 ಎಸೆತಗಳಿಗೆ 95 ರನ್ ಮತ್ತು ಧವನ್ 115 ಎಸೆತಗಳಿಗೆ 143 ರನ್ ಬಾರಿಸಿದರು. ಪಂದ್ಯದಲ್ಲಿ ಈ ಜೋಡಿ ಒಟ್ಟು 193 ರನ್ ಜೊತೆಯಾಟ ನೀಡಿತ್ತು.
ಮೊಹಾಲಿಯಲ್ಲಿ ಭಾರತಕ್ಕೆ ಮತ್ತೆ ಸೋಲು, ದಾಖಲೆ ಮುರಿಯುವಾಸೆ ಮಣ್ಣುಪಾಲು!
ಈ ಸಾಧನೆ ಏಕದಿನದಲ್ಲಿ ಅತ್ಯಧಿಕ ಜೊತೆಯಾಟ ನೀಡಿದ ಭಾರತ ಜೋಡಿಗಳಲ್ಲಿ ರೋಹಿತ್-ಧವನ್ ಅವರನ್ನು ದ್ವಿತೀಯ ಸ್ಥಾನದಲ್ಲಿ ತಂದು ನಿಲ್ಲಿಸಿದೆ. 47.55ರ ಸರಾಸರಿಯಂತೆ 8227 ರನ್ ಕಲೆ ಹಾಕಿದ ಸಚಿನ್ ತೆಂಡೂಲ್ಕರ್ ಮತ್ತು ಸೌರವ್ ಗಂಗೂಲಿ ಜೋಡಿ ಈ ಯಾದಿಯಲ್ಲಿ ಮೊದಲ ಸ್ಥಾನದಲ್ಲಿದೆ.
India's openers are still going strong in Mohali. At the midpoint of their innings both Shikhar Dhawan (82*) and Rohit Sharma (64*) have half-centuries, Australia yet to make a breakthrough with the hosts 148/0 after 25 overs.#INDvAUS LIVE ➡️ https://t.co/X4QGtIjbn2 pic.twitter.com/OB3mf4rCM1
— ICC (@ICC) March 10, 2019
ಏಕದಿನದಲ್ಲಿ ಅತ್ಯಧಿಕ ರನ್ ಬಾರಿಸಿದ ಭಾರತದ ಜೋಡಿ
ಸೌರವ್ ಗಂಗೂಲಿ, ಸಚಿನ್ ತೆಂಡುಲ್ಕರ್ (ಇಂಡಿಯಾ) - 176 ಇನ್ನಿಂಗ್ಸ್ಗಳಲ್ಲಿ 8227 ರನ್.
ಶಿಖರ್ ಧವನ್, ರೋಹಿತ್ ಶರ್ಮಾ (ಇಂಡಿಯಾ) - 102 ಇನ್ನಿಂಗ್ಸ್ಗಳಲ್ಲಿ 4571 ರನ್.
ವೀರೇಂದ್ರ ಸೆಹ್ವಾಗ್, - ಸಚಿನ್ ತೆಂಡುಲ್ಕರ್ (ಭಾರತ) - 114 ಇನ್ನಿಂಗ್ಸ್ಗಳಲ್ಲಿ 4387 ರನ್.
ರಾಹುಲ್ ದ್ರಾವಿಡ್, ಸೌರವ್ ಗಂಗೂಲಿ (ಇಂಡಿಯಾ) - 87 ಇನ್ನಿಂಗ್ಸ್ಗಳಲ್ಲಿ 4332 ರನ್.
ರೋಹಿತ್ ಶರ್ಮಾ - ವಿರಾಟ್ ಕೊಹ್ಲಿ (ಭಾರತ) - 72 ಇನ್ನಿಂಗ್ಸ್ಗಳಲ್ಲಿ 4328 ರನ್.
ಆರ್ಮಿ ಕ್ಯಾಪ್ ಧರಿಸಿದ ಟೀಮ್ ಇಂಡಿಯಾ ವಿರುದ್ಧ ಕ್ರಮಕ್ಕೆ ಪಾಕ್ ಒತ್ತಾಯ!
ರೋಹಿತ್-ಧವನ್ ಜೋಡಿ 102 ಇನ್ನಿಂಗ್ಸ್ಗಳಲ್ಲಿ 45.25ರ ಸರಾಸರಿಯಂತೆ 4571 ರನ್ ಬಾರಿಸಿದ್ದಾರೆ. ಇದು ವೀರೇಂದ್ರ-ಸಚಿನ್ ತೆಂಡೂಲ್ಕರ್ ಜೊತೆಯಾಟದ ದಾಖಲೆಯನ್ನು ಮೀರಿಸಿದೆ. ಸೆಹ್ವಾಗ್-ಸಚಿನ್ ಒಟ್ಟು 114 ಇನ್ನಿಂಗ್ಸ್ಗಳಲ್ಲಿ 39.16ರ ಸರಾಸರಿಯಂತೆ 4387 ರನ್ ಸಾಧನೆ ಮಾಡಿದ್ದರು.