Click it and Unblock the Notifications
Sporting Buzz
-
ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು? -
ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್‌ ಇಂಡಿಯಾ ವೇಗಿ ಟಿ20 ವಿಶ್ವಕಪ್‌ ಆಡುತ್ತಾರಾ?: ಆಟಗಾರ ಹೇಳಿದ್ದೇನು? -
DC vs SRH: ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿಹಾಕಲಿದ್ದಾರಾ ಡೆಲ್ಲಿ ಬೌಲರ್ಸ್?; ಸಂಭಾವ್ಯ ಆಡುವ 11ರ ಬಳಗ -
LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ -
RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ -
ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು? -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ -
LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್‌ ವರದಿ, ಆಡುವ 11ರ ಬಳಗ -
Rishabh Pant: ಟಿ20 ವಿಶ್ವಕಪ್ಗೆ ರಿಷಭ್ ಪಂತ್ ಭಾರತ ತಂಡದಲ್ಲಿರಬೇಕು
ಮ್ಯಾಂಚೆಸ್ಟರ್‌, ಜೂನ್‌ 27: ಟೀಮ್‌ ಇಂಡಿಯಾದ ಉಪನಾಯಕ ಹಾಗೂ ಆರಂಭಿಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ ವೆಸ್ಟ್‌ ಇಂಡೀಸ್‌ ವಿರುದ್ಧದ ವಿಶ್ವಕಪ್‌ ಪಂದ್ಯದಲ್ಲಿ ಔಟ್ ಆದ ರೀತಿ ಸಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ರೋಹಿತ್ ಅವರ ಪತ್ನಿ ಕೂಡ ಡಿಆರ್‌ಎಸ್‌ನಲ್ಲಿ ರೋಹಿತ್ ಅವರನ್ನು ಔಟ್ ಎಂದು ತೀರ್ಮಾನಿಸಿದ್ದಕ್ಕೆ ಶಾಕ್‌ ಆಗಿದ್ದಾರೆ.
ವಿಶ್ವಕಪ್‌ ವೇಳಾಪಟ್ಟಿ / ಮುಖಾಮುಖಿ ದಾಖಲೆಗಳು / ಅಂಕಪಟ್ಟಿ
ವೆಸ್ಟ್‌ ಇಂಡೀಸ್‌ ವಿರುದ್ಧ ಟಾಸ್‌ ಗೆದ್ದ ಭಾರತ ಮೊದಲು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಇನಿಂಗ್ಸ್‌ ಆರಂಭಿಸಿದ ರೋಹಿತ್, ಕಳೆದ ಪಂದ್ಯದಲ್ಲಿ ಅಫಘಾನಿಸ್ಥಾನ ವಿರುದ್ಧ ಅನುಭವಿಸಿದ ವೈಫಲ್ಯವನ್ನು ಮರೆತು ದೊಡ್ಡ ಇನಿಂಗ್ಸ್‌ ಆಡುವ ಲೆಕ್ಕಾಚಾರದಲ್ಲಿ 22 ಎಸೆತಗಳಲ್ಲಿ 18 ರನ್‌ಗಳನ್ನು ಗಳಿಸಿದ್ದರು.
ಈ ಸಂದರ್ಭದಲ್ಲಿ ದಾಳಿಗಿಳಿದ ವೆಸ್ಟ್‌ ಇಂಡೀಸ್‌ನ ವೇಗಿ ಕೆಮಾರ್‌ ರೋಚ್‌ ಅವರ ಗುಡ್‌ ಲೆನ್ತ್‌ ಎಸೆತವು ತೀಕ್ಷಣವಾಗಿ ಒಳಗೆ ನುಗ್ಗಿತ್ತು. ಚೆಂಡು ರೋಹಿತ್ ಅವರ ಬ್ಯಾಟ್‌ ಮತ್ತು ಪ್ಯಾಡ್‌ ಮಧ್ಯದಲ್ಲಿ ನುಸುಳಿ ವಿಕೆಟ್‌ಕೀಪರ್‌ ಶೇಯ್‌ ಹೋಪ್‌ ಕೈ ಸೇರಿತ್ತು. ವಿಂಡೀಸ್‌ ಆಟಗಾರರ ಮನವಿಗೆ ಆನ್‌ಫೀಲ್ಡ್‌ ಅಂಪೈರ್‌ ಮಣೆ ಹಾಕಲಿಲ್ಲ. ಬಳಿಕ ನಾಯಕ ಜೇಸನ್‌ ಹೋಲ್ಡರ್‌ ಡಿಆರ್‌ಎಸ್‌ ಮೊರೆ ಹೋದರು.
ಮೈರನೇ ಅಂಪೈರ್‌ ವಿಡಿಯೊ ಪರಿಶೀಲನೆ ನಡೆಸಿದಾಗ ಚೆಂಡು ಬ್ಯಾಟ್‌ ಮತ್ತು ಪ್ಯಾಡ್‌ ಎರಡದ ಮಧ್ಯದಲ್ಲಿ ಏಕಕಾಲದಲ್ಲಿ ನುಸುಳಿರುವುದು ತಿಳಿದುಬಂದಿತು. ಆದರೆ ಚೆಂಡು ಬ್ಯಾಟ್‌ಗೆ ತಾಗಿದೆಯೇ ಅಥವಾ ಪ್ಯಾಡ್‌ಗೆ ತಾಗಿದೆಯೇ ಎಂಬುದು ಸ್ಪಷ್ಟವಾಗಿರಲಿಲ್ಲ. ಬ್ಯಾಟ್‌ ಮತ್ತು ಪ್ಯಾಡ್‌ ಎರಡಕ್ಕೂ ಚೆಂಡು ತಾಗಿರುವ ಸಾಧ್ಯತೆ ಇತ್ತು. ಹೀಗಿರುವಾಗ ಯಾವುದೇ ರೀತಿಯ ನಿರ್ಧಾರ ಹೊರಬರುವ ಸಾಧ್ಯತೆ ಇತ್ತು.
ಅಂತಿಮವಾಗಿ ಮೂರನೇ ಅಂಪೈರ್‌ ಆನ್‌ಫೀಲ್ಡ್‌ ಅಂಪೈರ್‌ನ ನಿರ್ಧಾರ ಬದಲಾಯಿಸುವಂತೆ ಸೂಚಿಸಿದರು. ಔಟ್ ನಿರ್ಧಾರಕ್ಕೆ ಸಮ್ಮತಿಸದವರಂತೆ ರೋಹಿತ್ ಕೂಡ ತಲೆ ಅಲ್ಲಾಡಿಸುತ್ತಾ ನಿರಾಸೆಯಿಂದ ಪೆವಿಲಿಯನ್‌ ಕಡೆಗೆ ಹೆಜ್ಜೆ ಹಾಕಿದರು. ಗ್ಯಾಲರಿಯಲ್ಲಿ ಕುಳಿತಿದ್ದ ರೋಹಿತ್ ಶರ್ಮಾ ಅವರ ಪತ್ನಿ ಅಚ್ಚರಿಯಿಂದ "ವಾಟ್‌'' ಎಂದು ದಿಗ್ಭ್ರಮೆ ವ್ಯಕ್ತ ಪಡಿಸಿದ ವಿಡಿಯೊವನ್ನು ಟೆಲಿವಿಷನ್‌ ಪರದೆಯ ಮೇಲೆ ಇದೇ ವೇಳೆ ತೋರಿಸಲಾಯಿತು.
ಡಿಆರ್‌ಎಸ್‌ನಲ್ಲಿ ಈ ರೀತಿಯ ಗೊಂದಲದ ನಿರ್ಧಾರಗಳು ಹೊರ ಬೀಳುತ್ತಿರುವ ಸಂಖ್ಯೆ ಹೆಚ್ಚಾಗುತ್ತಿದ್ದು, ಡಿಆರ್‌ಎಸ್‌ ವಿಶ್ವಾಸಾರ್ಹತೆ ಬಗ್ಗೆ ಪ್ರಶ್ನೆ ಮೂಡುವಂತಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿಯು ಕೂಡ ಈ ಕುರಿತಾಗಿ ಪರ ವಿರೋಧಗಳ ಚರ್ಚೆ ಜೋರಾಗಿದೆ.
ಬಳಿಕ ಭಾರತ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಕೇದಾರ್‌ ಜಾಧವ್‌ ಕೂಡ ಇದೇ ರೀತಿಯಲ್ಲಿ ಔಟಾದರು.
