187 ಇನ್ನಿಂಗ್ಸ್ಗಳಲ್ಲಿ ದಾಖಲೆ
ಐಪಿಎಲ್ನಲ್ಲಿ 187 ಇನ್ನಿಂಗ್ಸ್ಗಳನ್ನು ಆಡಿರುವ ರೋಹಿತ್ 5000 ರನ್ ಪೂರೈಸಿದ್ದಾರೆ. ಇದರಲ್ಲಿ 1 ಶತಕ ಮತ್ತು 37 ಅರ್ಧ ಶತಕಗಳು ಸೇರಿವೆ. ಐಪಿಎಲ್ನಲ್ಲಿ ರೋಹಿತ್ ಬಾರಿಸಿದ ಅತ್ಯಧಿಕ ವೈಯಕ್ತಿಕ ರನ್ ಎಂದರೆ 109 ರನ್.
ಅಗ್ರ ಸ್ಥಾನದಲ್ಲಿ ಕೊಹ್ಲಿ
ಐಪಿಎಲ್ನಲ್ಲಿ ಅತ್ಯಧಿಕ ರನ್ ಬಾರಿಸಿದ ಭಾರತೀಯರ ಪಟ್ಟಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ವಿರಾಟ್ ಕೊಹ್ಲಿ ಇದ್ದಾರೆ. ಕೊಹ್ಲಿ 172 ಇನ್ನಿಂಗ್ಸ್ಗಳಲ್ಲಿ 5430 ರನ್ ಬಾರಿಸಿದ್ದಾರೆ. ಇದರಲ್ಲಿ 5 ಶತಕ, 36 ಅರ್ಧ ಶತಕಗಳು ಸೇರಿವೆ. 113 ಕೊಹ್ಲಿ ಬಾರಿಸಿರುವ ಅತ್ಯಧಿಕ ರನ್.
ರೈನಾಗೆ ದ್ವಿತೀಯ ಸ್ಥಾನ
ಐಪಿಎಲ್ 5000+ ರನ್ ಪಟ್ಟಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ನ ಸುರೇಶ್ ರೈನಾ ದ್ವಿತೀಯ ಸ್ಥಾನದಲ್ಲಿದ್ದಾರೆ. 189 ಇನ್ನಿಂಗ್ಸ್ಗಳನ್ನಾಡಿರುವ ರೈನಾ 5368 ರನ್ ಬಾರಿಸಿದ್ದಾರೆ. ಈ ಬಾರಿಯ ಐಪಿಎಲ್ನಲ್ಲಿ ರೈನಾ ಆಡುತ್ತಿಲ್ಲವಾದ್ದರಿಂದ ರೈನಾ ಹಿಂದಿಕ್ಕಲು ರೋಹಿತ್ಗೆ ಅವಕಾಶವಿದೆ.
ಮುಂಬೈಗೆ ಭರ್ಜರಿ ಜಯ
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಮುಂಬೈ ಇಂಡಿಯನ್ಸ್ ತಂಡ, ರೋಹಿತ್ ಶರ್ಮಾ 70 (45 ಎಸೆತ), ಕೀರನ್ ಪೊಲಾರ್ಡ್ 47 (20 ಎಸೆತ), ಹಾರ್ದಿಕ್ ಪಾಂಡ್ಯ 30 (11 ಎಸೆತ) ರನ್ನೊಂದಿಗೆ 20 ಓವರ್ಗೆ 4 ವಿಕೆಟ್ ಕಳೆದು 191 ರನ್ ಗಳಿಸಿತ್ತು. ಪಂಜಾಬ್ ತಂಡ 20 ಓವರ್ಗೆ 8 ವಿಕೆಟ್ ಕಳೆದು 143 ರನ್ ಪೇರಿಸುವುದರೊಂದಿಗೆ 48 ರನ್ಗಳ ಸೋಲನುಭವಿಸಿತು.