ಅಪಾಯಕಾರಿಯಾಗಿ ಬದಲಾಗುತ್ತಾರೆ
ಸಂದರ್ಶನದಲ್ಲಿ ಮಾತು ಮುಂದುವರೆಸಿದ ಫಾರ್ಗುಸನ್, 'ರೋಹಿತ್ ವಿರುದ್ಧ ಆಡುವಾಗ ನೀವು ಅವರನ್ನು ಬೇಗನೆ ಔಟ್ ಮಾಡದಿದ್ದರೆ ಅವರು ಖಂಡಿತಾ ದೊಡ್ಡ ರನ್ ಗಳಿಸುತ್ತಾರೆ. ತುಂಬಾ ಅಪಾಯಕಾರಿಯಾಗಿ ಬದಲಾಗುತ್ತಾರೆ. ಅವರು ಬೇಗನೇ ಬೌಲಿಂಗ್ ಲೆಂತ್ಗೆ ಅಡ್ಜಸ್ಟ್ ಆಗುತ್ತಾರೆ. ಇಲ್ಲೇ ನಾನು ಸೋಲುತ್ತೇನೆ,' ಎಂದರು.
ವಿಶ್ವಕಪ್ನಲ್ಲಿ ಅದ್ಭುತ ಬೌಲಿಂಗ್
2019ರಲ್ಲಿ ನಡೆದಿದ್ದ ಐಸಿಸಿ ವಿಶ್ವಕಪ್ನಲ್ಲಿ, ನ್ಯೂಜಿಲೆಂಡ್ ತಂಡ ಇಂಗ್ಲೆಂಡ್ ವಿರುದ್ಧ ಫೈನಲ್ನಲ್ಲಿ ಸೆಣಸಾಡುವಲ್ಲಿ ಫಾರ್ಗುಸನ್ ಪ್ರಮುಖ ಕೊಡುಗೆ ನೀಡಿದ್ದರು. ಅಂದು 9 ಪಂದ್ಯಗಳನ್ನಾಡಿದ್ದ ಫಾರ್ಗುಸನ್ 19.48ರ ಸರಾಸರಿಯಂತೆ 21 ವಿಕೆಟ್ ಪಡೆದಿದ್ದರು. ಇದು ಟೂರ್ನಿಯಲ್ಲಿ ಬೌಲರ್ ಪಡೆದ 2ನೇ ಅತ್ಯಧಿಕ ವಿಕೆಟ್ ಸಾಧನೆ. ಮೊದಲ ಸ್ಥಾನದಲ್ಲಿ ಆಸ್ಟ್ರೇಲಿಯಾ ವೇಗಿ ಮಿಚೆಲ್ ಸ್ಟಾರ್ಕ್ (27 ವಿಕೆಟ್) ಇದ್ದರು.
ಶರ್ಮಾ ಅಸಾಧಾರಣ ಬ್ಯಾಟ್ಸ್ಮನ್
'ನಾನು ರೋಹಿತ್ ಅವರ ದೊಡ್ಡ ಅಭಿಮಾನಿ. ಶರ್ಮಾ ಒಬ್ಬರು ಅಸಾಧಾರಣ ಬ್ಯಾಟ್ಸ್ಮನ್ ಎಂದು ನನಗನ್ನಿಸುತ್ತದೆ,' ಎಂದು ಫಾರ್ಗುಸನ್ ಹಿಟ್ಮ್ಯಾನ್ ರೋಹಿತ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಫಾರ್ಗುಸನ್, ಕಿವೀಸ್ ಪರ 37 ಏಕದಿನ ಪಂದ್ಯಗಳಲ್ಲಿ 69 ವಿಕೆಟ್, 8 ಟಿ20ಐ ಪಂದ್ಯಗಳಲ್ಲಿ 14 ವಿಕೆಟ್ ಪಡೆದಿದ್ದಾರೆ.
ವಿಶ್ವ ದಾಖಲೆಯ ದಾಂಡಿಗ
ಏಕದಿನದ ಮೂಲಕ ರೋಹಿತ್ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದು 2007ರಲ್ಲಿ. ಆದರೆ ರೋಹಿತ್ ಆರಂಭಿಕರಾಗಿ ಬಡ್ತಿ ಪಡೆದಿದ್ದು 2013ರಲ್ಲಿ. ಏಕದಿನದಲ್ಲಿ 224 ಪಂದ್ಯಗಳನ್ನಾಡಿರುವ ರೋಹಿತ್, 9115 ರನ್ ಗಳಿಸಿದ್ದಾರೆ. ಇದರಲ್ಲಿ 29 ಶತಕ, 3 ದ್ವಿಶತಕ ಮತ್ತು 43 ಅರ್ಧಶತಕಗಳೂ ಸೇರಿವೆ. ಅಲ್ಲದೆ ಏಕದಿನದಲ್ಲಿ ವೈಯಕ್ತಿಕ ಅತ್ಯಧಿಕ ರನ್ (264) ವಿಶ್ವದಾಖಲೆಯೂ ಶರ್ಮಾ ಹೆಸರಿನಲ್ಲಿದೆ.