ಮೂರೂ ಮಾದರಿಯ ಆಟಗಾರ
ರೋಹಿತ್ ಶರ್ಮಾ ಮೂರು ಮಾದರಿಯ ಆಟಗಾರ. ಆತನ ಆಟವನ್ನು ಮೂರು ಮಾದರಿಯಲ್ಲೂ ಪರಿಪೂರ್ಣವಾಗಿ ಬಳಸಿಕೊಳ್ಳಲು ಅರಿತುಕೊಂಡಿದ್ದಾರೆ. ಆದರಲ್ಲೂ ರೋಹಿತ್ ಶರ್ಮಾ 50 ರನ್ ಗಳಿಸಿದ ಬಳಿಕ ಬಲುಬೇಗನೇ ಮೂರಂಕಿಯತ್ತ ತಲುಪುತ್ತಾರೆ. ಅದಾದ ಬಳಿಕ ಅವರ ಗುರಿ 150 ಜೊತೆಗೆ 200ರ ಬಗ್ಗೆಯೂ ಆಲೋಚಿಸುತ್ತಾರೆ ಎಂದು ಹೈದರ್ ಹೇಳಿದ್ದಾರೆ.
ರೋಹಿತ್ ಶರ್ಮಾ ಮ್ಯಾಚ್ವಿನ್ನರ್
ರೋಹಿತ್ ಶರ್ಮಾ ಅವರ ಈ ಆಟದ ರೀತಿಯಲ್ಲೇ ನಾನು ಆಡಲು ಬಯಸುತ್ತೇನೆ. ದೊಡ್ಡ ಮೊತ್ತವನ್ನು ಗುರಿಯಾಗಿಟ್ಟುಕೊಂಡು ಅದು ಸಾಧ್ಯವಾದಾಗ ಇನ್ನಷ್ಟು ಗುರಿಯನ್ನು ಹೆಚ್ಚಿಸಿಕೊಳ್ಳುತ್ತಾ ಹೋಗಬೇಕು. ಅಂತಿಮವಾಗಿ ಇನ್ನಿಂಗ್ಸ್ ಮುಕ್ತಾಯಕ್ಕೆ ಪಂದ್ಯವನ್ನು ತಮ್ಮ ಕಡೆಗೆ ಎಳೆದುಕೊಂಡಿರುತ್ತಾರೆ ರೋಹಿತ್ ಶರ್ಮಾ. ಆ ಮನಸ್ಥಿತಿಯನ್ನು ಹೊಂದಲು ನಾನು ಬಯಸುತ್ತೇನೆ. ಆತನೋರ್ವ ದೊಡ್ಡ ಮ್ಯಾಚ್ ವಿನ್ನರ್ ಎಂದು ರೋಹಿತ್ ಶರ್ಮಾ ಆಟದ ಬಗ್ಗೆ ಹೈದರ್ ಅಲಿ ಹೇಳಿದ್ದಾರೆ.
ಅದ್ಭುತ ಪ್ರದರ್ಶನದ ಮೂಲಕ ಸೆಳೆದ ಹೈದರ್
ಹೈದರ್ ಈ ಹಿಂದಿನ ವರ್ಷ ಅದ್ಭುತವಾಗಿ ಪ್ರದರ್ಶನವನ್ನು ನೀಡಿದ್ದಾರೆ. ಈ ಮೂಲಕ ಹೈದರ್ 2020-21ರ ಋತುವಿನ ಉದಯೋನ್ಮುಖ ಆಟಗಾರನಾಗಿ ಪಾಕಿಸ್ತಾನ ಕ್ರಿಕೆಟ್ನ ಕಾಂಟ್ರಾಕ್ಟ್ ಗಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಪಾಕಿಸ್ತಾನ ಸೂಪರ್ ಲೀಗ್ನಲ್ಲೂ ಹೈದರ್ ಅದ್ಭುತ ಪ್ರದರ್ಶನವನ್ನು ನೀಡಿ ಗಮನ ಸೆಳೆದಿದ್ದಾರೆ. ಈ ಮೂಲಕ ಪಾಕಿಸ್ತಾನ ಹಿರಿಯರ ತಂಡದ ಮೊದಲ ಬಾರಿಗೆ ಆಯ್ಕೆಯಾಗಿದ್ದಾರೆ.