ಕೊಹ್ಲಿ ಜಾಗಕ್ಕೆ ಶ್ರೇಯಸ್
'ವಿರಾಟ್ ಕೊಹ್ಲಿ ಭಾರತಕ್ಕೆ ವಾಪಸ್ಸಾಗುತ್ತಿರುವುದರಿಂದ ಅವರ ಜಾಗಕ್ಕೆ ಶ್ರೇಯಸ್ ಐಯ್ಯರ್ ತರಲು ಯೋಚಿಸುತ್ತಿದ್ದೇವೆ. ಆಸ್ಟ್ರೇಲಿಯಾದಲ್ಲಿ 14 ದಿನಗಳ ಕಡ್ಡಾಯ ಕ್ವಾರಂಟೈನ್ ಇರುವುದೂ ರೋಹಿತ್, ಇಶಾಂತ್ಗೆ ಸಮಸ್ಯೆಯಾಗಿದೆ,' ಎಂದು ಬಿಸಿಸಿಐ ಹೇಳಿದೆ.
ಆಸ್ಟ್ರೇಲಿಯಾ ಸರಣಿಗೆ ರೋಹಿತ್ ಇಲ್ಲ?!
'ಡಿಸೆಂಬರ್ 12ಕ್ಕೆ ರೋಹಿತ್ಗೆ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸಲು ಅವಕಾಶ ನೀಡಿದರೂ ಅವರು ಪ್ರಯಾಣಿಸುತ್ತಾರೆಯೇ? ಅಲ್ಲಿ ಯಾವುದೇ ವಾಣಿಜ್ಯ ವಿಮಾನಗಳಿಲ್ಲ. ಹಾಗೂ ರೋಹಿತ್ ಆಸ್ಟ್ರೇಲಿಯಾಕ್ಕೆ ಹೋದರೂ ಮತ್ತೆ ಎರಡು ವಾರಗಳ ಕ್ವಾರಂಟೈನ್ ಪಾಲಿಸಬೇಕು. ಕ್ವಾರಂಟೈನ್ ಪಾಲಿಸಿದ ಮೇಲೆ ಪ್ಲೇಯಿಂಗ್ 11ನಲ್ಲಿ ಕಾಣಿಸಿಕೊಳ್ಳಬೇಕಾದರೆ ಫಿಟ್ನೆಸ್ ಸಂಗತಿಯಾಗುತ್ತದೆ,' ಎಂದು ಬಿಸಿಸಿಐ ತಿಳಿಸಿದೆ.
ಡಿಸೆಂಬರ್ 11ಕ್ಕೆ ಪರೀಕ್ಷೆ
ಮಾಹಿತಿಯ ಪ್ರಕಾರ, ಗಾಯಕ್ಕೀಡಾಗಿ ಸದ್ಯ ಬೆಂಗಳೂರಿನ ನ್ಯಾಷನಲ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಚೇತರಿಸಿಕೊಳ್ಳುತ್ತಿರುವ ರೋಹಿತ್ ಫಿಟ್ನೆಸನ್ನು ಡಿಸೆಂಬರ್ 11ರಂದು ಪರೀಕ್ಷಿಸಲಾಗುತ್ತದೆ. ಆ ಬಳಿಕ ಟೆಸ್ಟ್ಗೆ ರೋಹಿತ್ ಸೂಕ್ತವೇ ಎಂದು ನಿರ್ಧರಿಸಲಾಗುತ್ತದೆ. ಆದರೆ ಬಿಸಿಸಿಐ ನೀಡಿರುವ ಸುಳಿವಿನ ಪ್ರಕಾರ ರೋಹಿತ್ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸುವ ಸಾಧ್ಯತೆ ತುಂಬಾ ಕಡಿಮೆ.
ಭಾರತ-ಆಸ್ಟ್ರೇಲಿಯಾ ಸರಣಿ
ನವೆಂಬರ್ 27ರಿಂದ ಭಾರತ-ಆಸ್ಟ್ರೇಲಿಯಾ ಸರಣಿ ಆರಂಭವಾಗಲಿದ್ದು, ಡಿಸೆಂಬರ್ 17ರಿಂದ ಟೆಸ್ಟ್ ಸರಣಿ ಶುರುವಾಗಲಿದೆ. ಅಲ್ಲಿಂದ ಜನವರಿ 19ರ ವರೆಗೆ ಟೆಸ್ಟ್ ಸರಣಿ ನಡೆಯಲಿದೆ. ಭಾರತ-ಆಸ್ಟ್ರೇಲಿಯಾ ಸರಣಿ 3 ಏಕದಿನ, 3 ಟಿ20ಐ ಮತ್ತು 4 ಟೆಸ್ಟ್ ಪಂದ್ಯಗಳನ್ನು ಒಳಗೊಂಡಿದೆ. ಇದರಲ್ಲಿ ಒಂದು ಡೇ-ನೈಟ್ ಟೆಸ್ಟ್ ಕೂಡ ಸೇರಿದೆ.