ಹ್ಯಾಮಿಲ್ಟನ್, ಜನವರಿ 30: ಒಂದೇ ಇನ್ನಿಂಗ್ಸ್ನಲ್ಲಿ ಏಕದಿನ ಅತ್ಯಧಿಕ ರನ್ ಬಾರಿಸಿದ ಹಿರಿಮೆ ಈಗಲೂ ರೋಹಿತ್ ಶರ್ಮಾ ಅವರ ಹೆಸರಿನಲ್ಲಿದೆ. ಏಕದಿನ ಹೆಚ್ಚು ದ್ವಿಶತಕಗಳ ದಾಖಲೆಯೂ ರೋಹಿತ್ ಅವರದ್ದೇ. ಗುರುವಾರ (ಜನವರಿ 31) ನಡೆಯುವ ಭಾರತ-ನ್ಯೂಜಿಲ್ಯಾಂಡ್ 4ನೇ ಏಕದಿನದಿನ ರೋಹಿತ್ ಪಾಲಿಗೆ ಅವಿಸ್ಮರಣೀಯವೆನಿಸಲಿದೆ.
ಭಾರತ vs ನ್ಯೂಜಿಲ್ಯಾಂಡ್: 4ನೇ ಏಕದಿನಕ್ಕೆ ಭಾರತ ಸಂಭಾವ್ಯ ತಂಡ
ಹ್ಯಾಮಿಲ್ಟನ್ ಏಕದಿನ ಪಂದ್ಯ ಹಿಟ್ಮ್ಯಾನ್ ರೋಹಿತ್ ಪಾಲಿಗೆ ಯಾಕೆ ತುಂಬಾ ಪ್ರಮುಖವಾದರು ಎನ್ನುವುದಕ್ಕೆ ಎರಡು ಬಲವಾದ ಕಾರಣಗಳು ಸಿಕ್ಕುತ್ತವೆ. 1. ಈ ಪಂದ್ಯದಲ್ಲಿ ರೋಹಿತ್, ಟೀಮ್ ಇಂಡಿಯಾವನ್ನು ಮುನ್ನಡೆಸುತ್ತಿದ್ದಾರೆ. 2. (ಬಹು ಮುಖ್ಯವಾದುದು) ಇದು ರೋಹಿತ್ ಪಾಲಿನ 200ನೇ ಅಂತಾರಾಷ್ಟ್ರೀಯ ಏಕದಿನ ಪಂದ್ಯ.
ಟಿ20 ವಿಶ್ವಕಪ್ 2020ರ ವೇಳಾಪಟ್ಟಿ ಪ್ರಕಟ: ಕಠಿಣ ಗ್ರೂಪ್ನಲ್ಲಿ ಕೊಹ್ಲಿ ಬಳಗ!
ರೋಹಿತ್ಗೆ ಈ ಪಂದ್ಯ ಸ್ಪೆಷಲ್ ಅನ್ನುವುದಕ್ಕೆ ಇನ್ನೂ ಕಾರಣಗಳಿವೆ. ಭಾರತ ಒಂದುವೇಳೆ 4ನೇ ಪಂದ್ಯವನ್ನೂ ಗೆದ್ದರೆ ನ್ಯೂಜಿಲ್ಯಾಂಡ್ ವಿರುದ್ಧ ಭಾರತ 4-0ಯಿಂದ ಸರಣಿ ಜಯಿಸಿರುವ 52 ವರ್ಷಗಳ ಹಿಂದಿನ ದಾಖಲೆಯನ್ನು ಮರು ಸ್ಥಾಪಿಸಲಿದೆ. 1967ರಲ್ಲಿ ನ್ಯೂಜಿಲ್ಯಾಂಡ್ ಪ್ರವಾಸ ಕೈಗೊಂಡಿದ್ದ ಭಾರತ ಅಂದು 4-0ಯಿಂದ ಸರಣಿ ಗೆದ್ದುಕೊಂಡಿತ್ತು.
One and Only @ImRo45 - 62(77)💗😘✌ pic.twitter.com/Rjf6lrB5ul
— AMBARISH R (@AMBARISHR11) January 28, 2019
ಹಿಂದಿನ ಪಂದ್ಯಗಳಲ್ಲಿನ ಭಾರತದ ಪ್ರದರ್ಶನ ಗಮನಿಸಿದರೆ ಐದು ಪಂದ್ಯಗಳ ಏಕದಿನ ಸರಣಿಯನ್ನು ಭಾರತ 5-0ಯಿಂದ ಗೆದ್ದೇ ತೀರುವಂತೆ ಕಾಣುತ್ತಿದೆ. ಈ ಅಪರೂಪದ ಸಾಧನೆ ಸಾಧ್ಯತೆಯ ಹೊತ್ತಿನಲ್ಲಿ ಶರ್ಮಾ ತಂಡದ ನಾಯಕತ್ವ ವಹಿಸಿಕೊಂಡಿರುವುದರಿಂದ ಸಾಧನೆಯ ಗೌರವಕ್ಕೆ ರೋಹಿತ್ ಕೂಡ ಪಾಲುದಾರರಾಗಲಿದ್ದಾರೆ.
ಮಹಿಳಾ ಏಕದಿನ 2ನೇ ಪಂದ್ಯ: ಕಿವೀಸ್ ವಿರುದ್ಧ ಭಾರತ 8 ವಿಕೆಟ್ ಜಯಭೇರಿ
ಈವರೆಗೆ 199 ಏಕದಿನ ಪಂದ್ಯಗಳಲ್ಲಿ ರೋಹಿತ್ ಒಟ್ಟು 7799 ರನ್ ಕಲೆ ಹಾಕಿದ್ದಾರೆ. 264 ಅತ್ಯಧಿಕ ವೈಯಕ್ತಿಕ ರನ್ ಮಾಡಿದ್ದಾರೆ. 22 ಸಾರಿ ಶತಕ, 3 ಬಾರಿ ದ್ವಿಶತಕ ಮತ್ತು 39 ಅರ್ಧಶತಕದ ದಾಖಲೆ ರೋಹಿತ್ ಅವರದ್ದು. ಐಸಿಸಿ ಏಕದಿನ ರ್ಯಾಂಕಿಂಗ್ನಲ್ಲಿ ಶರ್ಮಾ ದ್ವಿತೀಯ ಸ್ಥಾನಿಗ.