21ನೇ 50+ ರನ್ ದಾಖಲೆ
ಆಗಸ್ಟ್ 4ರ ಪಂದ್ಯಕ್ಕೂ ಮುನ್ನ ರೋಹಿತ್ ಅಂತಾರಾಷ್ಟ್ರೀಯ ಟಿ20ಯಲ್ಲಿ 20 ಸಾರಿ 50+ ರನ್ ದಾಖಲೆ ಹೊಂದಿದ್ದರು. ಭಾನುವಾರ ರೋಹಿತ್ 51 ಎಸೆತಗಳಿಗೆ 67 ರನ್ ಸೇರಿಸಿದರು. ಈಗ ರೋಹಿತ್ ಟಿ20ಐಯಲ್ಲಿ ಒಟ್ಟು 17 ಅರ್ಧ ಶತಕ ಮತ್ತು 4 ಶತಕಗಳನ್ನು ಬಾರಿಸಿದಂತಾಗಿದೆ. ಅಂದರೆ ರೋಹಿತ್ ಶತಕಗಳನ್ನು 50+ ರನ್ ಆಗಿ ಪರಿಗಣಿಸಿದರೆ ಒಟ್ಟು 21 ಸಾರಿ 50+ ರನ್ ಬಾರಿಸಿದಂತಾಗುತ್ತದೆ.
ಕೊಹ್ಲಿ ದಾಖಲೆ ಬದಿಗೆ
ಅಂತಾರಾಷ್ಟ್ರೀಯ ಟಿ20 ಶತಕಗಳನ್ನು ಪರಿಣಿಸಿದರೂ, 50+ ರನ್ ಪರಿಗಣಿಸಿದರೂ ರೋಹಿತ್ ಶರ್ಮಾ, ಕೊಹ್ಲಿಗಿಂತ ಮೇಲೆ ನಿಲ್ಲುತ್ತಾರೆ. ಕೊಹ್ಲಿ ಮಾತ್ರವಲ್ಲ ಈ ಸಾಧನೆಗಾಗಿ ವಿಶ್ವದಲ್ಲೇ ಮುಂಚೂಣಿ ಆಟಗಾರರಾಗಿ ರೋಹಿತ್ ಕಾಣಿಸುತ್ತಾರೆ. ಕೊಹ್ಲಿ 63 ಇನ್ನಿಂಗ್ಸ್ಗಳಲ್ಲಿ 0 ಶತಕ, 20 ಸಾರಿ 50+ ರನ್ ದಾಖಲೆ ಹೊಂದಿದ್ದರೆ, ರೋಹಿತ್ 87 ಇನ್ನಿಂಗ್ಸ್ಗಳಲ್ಲಿ 4 ಶತಕ, 17 ಅರ್ಧ ಶತಕ, 21 ಸಾರಿ 50+ ರನ್ ಮಾಡಿದ್ದಾರೆ.
3ನೇ ಸ್ಥಾನದಲ್ಲಿ ಗಪ್ಟಿಲ್
ಟಿ20ಐ ಅತ್ಯಧಿಕ 50+ ರನ್ ಸಾಲಿನಲ್ಲಿ ರೋಹಿತ್, ಕೊಹ್ಲಿ ಬಳಿಕ ಅನಂತರದ ಸ್ಥಾನದಲ್ಲಿರುವ ನ್ಯೂಜಿಲೆಂಡ್ನ ಮಾರ್ಟಿನ್ ಗಪ್ಟಿಲ್, 74 ಇನ್ನಿಂಗ್ಸ್ಗಳಲ್ಲಿ 2 ಶತಕಗಳು ಸೇರಿ 16 50+ ರನ್, ವೆಸ್ಟ್ ಇಂಡೀಸ್ನ ಕ್ರಿಸ್ಗೇಲ್ 54 ಇನ್ನಿಂಗ್ಸ್ಗಳಲ್ಲಿ 2 ಶತಕ ಸೇರಿ 15 50+ ರನ್, ನ್ಯೂಜಿಲೆಂಡ್ನ ಬ್ರೆಂಡನ್ ಮೆಕಲಮ್ 71 ಇನ್ನಿಂಗ್ಸ್ಗಳಲ್ಲಿ 2 ಶತಕ ಸೇರಿ 15 50+ ರನ್ ದಾಖಲೆ ಹೊಂದಿದ್ದಾರೆ.
ಪೊವೆಲ್ ಸ್ಫೋಟಕ ಅರ್ಧಶತಕ
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತ ತಂಡ, ರೋಹಿತ್ 67, ಶಿಖರ್ ಧವನ್ 23, ವಿರಾಟ್ ಕೊಹ್ಲಿ 28, ಕೃನಾಲ್ ಪಾಂಡ್ಯ 20 ರನ್ನೊಂದಿಗೆ 20 ಓವರ್ಗೆ 5 ವಿಕೆಟ್ ನಷ್ಟದಲ್ಲಿ 167 ರನ್ ಮಾಡಿತ್ತು. ರೋಮನ್ ಪೊವೆಲ್ 54 ರನ್ (34 ಎಸತ) ಕೊಡುಗೆಯೊಂದಿಗೆ ವೆಸ್ಟ್ ಇಂಡೀಸ್ 15.3ನೇ ಓವರ್ಗೆ 4 ವಿಕೆಟ್ ನಷ್ಟದಲ್ಲಿ 98 ರನ್ ಗಳಿಸಿತ್ತು. ಮಳೆ ತೊಂದರೆ ನೀಡಿದ್ದರಿಂದ ಪಂದ್ಯ ರದ್ದುಪಡಿಸಿ ಭಾರತವನ್ನು (ಡಿಎಲ್ಎಸ್ ನಿಯಮದ ಪ್ರಕಾರ) ವಿಜಯಿ ಎಂದು ಘೋಷಿಸಲಾಯ್ತು.