ಸತತ 6 ಬಾರಿ 50+ ರನ್
ಭರ್ಜರಿ ಶತಕದಿಂದಾಗಿ ಏಕದಿನ ಕ್ರಿಕೆಟ್ನಲ್ಲಿ 20ನೇ ಶತಕ ಪೂರೈಸಿದ ಮೊದಲ ನ್ಯೂಜಿಲ್ಯಾಂಡ್ ಆಟಗಾರ ಹಿರಿಮೆಗೆ ಟೇಲರ್ ಪಾತ್ರರಾಗಿದ್ದಾರೆ. ಜೊತೆಗೆ ಹಿಂದಿನ ಆರು ಏಕದಿನ ಇನ್ನಿಂಗ್ಸ್ಗಳಲ್ಲೂ 50+ ರನ್ ಬಾರಿಸಿದ ಅಪರೂಪದ ದಾಖಲೆಗೂ ರಾಸ್ ಕಾರಣರಾಗಿದ್ದಾರೆ.
ಬದಿಗೆ ಸರಿದ ಸಚಿನ್-ಕೊಹ್ಲಿ
ಏಕದಿನ ಕ್ರಿಕೆಟ್ನಲ್ಲಿ ಸತತ 5 ಇನ್ನಿಂಗ್ಸ್ಗಳಲ್ಲಿ 50+ ರನ್ ಸಾಧನೆ ತೋರಿಸಿದ್ದಕ್ಕಾಗಿ ಭಾರತದ ಮಾಜಿ ಆಟಗಾರ ಸಚಿನ್ ಮತ್ತು ಈಗಿನ ತಂಡದ ನಾಯಕ ಕೊಹ್ಲಿ ದಾಖಲೆ ನಿರ್ಮಿಸಿದ್ದರು. ಆದರೆ ಟೇಲರ್ ಸತತ 6 ಇನ್ನಿಂಗ್ಸ್ಗಳಲ್ಲಿ ಅರ್ಧಶತಕಕ್ಕಿಂತ ಹೆಚ್ಚಿನ ರನ್ ಬಾರಿಸಿ ಕೊಹ್ಲಿ-ಸಚಿನ್ ದಾಖಲೆ ಮೀರಿ ಮೇಲಕ್ಕೇರಿದ್ದಾರೆ.
ಅದ್ಭುತ ಬ್ಯಾಟಿಂಗ್
34ರ ಅನುಭವಿ ಬ್ಯಾಟ್ಸ್ಮನ್ ರಾಸ್, ಹಿಂದಿನ ಬಾರಿ ಆರೂ ಏಕದಿನ ಇನ್ನಿಂಗ್ಸ್ಗಳಲ್ಲಿ ಅರ್ಶಶತಕಕ್ಕೂ ಮೀರಿದ ರನ್ ಗಳಿಸಿದ್ದಾರೆ. ಆರು ಇನ್ನಿಂಗ್ಸ್ಗಳಲ್ಲಿ ಟೇಲರ್ ಕ್ರಮವಾಗಿ ಅಜೇಯ 181, 80, ಅಜೇಯ 86, 54, 90 ಮತ್ತು 137 ರನ್ ಬಾರಿಸಿದ ಸಾಧನೆ ಹೊಂದಿದ್ದಾರೆ.
ಸಾಧನೆ ಬಮಬಲ
ರಾಸ್ ಸಾಧನೆ ತನ್ನದೇ ದೇಶದ ನಾಯಕ ಕೇನ್ ವಿಲಿಯಮ್ಸನ್ 2015ರಲ್ಲಿ ನಿರ್ಮಿಸಿದ್ದ ದಾಖಲೆ ಮತ್ತು ಆ್ಯಡ್ರ್ಯೂ ಜೋನ್ಸ್ ಬರೆದಿದ್ದ ದಾಖಲೆಯನ್ನು ಸರಿದೂಗಿಸಿಕೊಂಡಿದ್ದಾರೆ. ಜೊತೆಗೆ ಪಾಕಿಸ್ತಾನ ಮಾಜಿ ಆಟಗಾರ ಮೊಹಮ್ಮದ್ ಯೂಸುಫ್, ವೆಸ್ಟ್ ಇಂಡೀಸ್ನ ಗಾರ್ಡನ್ ಗ್ರೀನಿಡ್ಜ್, ಆಸ್ಟ್ರೇಲಿಯಾದ ಮಾರ್ಕ್ ವಾ ದಾಖಲೆಗಳಿಗೆ ಸಮವೆನಿಸಿದೆ. ಆದರೆ 1987ರಲ್ಲಿ ಸತತ 9 ಇನ್ನಿಂಗ್ಸ್ಗಳಲ್ಲಿ 50+ ರನ್ ದಾಖಲೆ ಹೊಂದಿರುವ ಪಾಕಿಸ್ತಾನ ದೈತ್ಯ ಜಾವೆದ್ ಮಿಯಾಂದಾದ್ ಈ ಯಾದಿಯಲ್ಲಿ ಇಂದಿಗೂ ಮುಂಚೂಣಿಯಲ್ಲಿದ್ದಾರೆ (ಚಿತ್ರದಲ್ಲಿ ಜಾವೆದ್, ಕೃಪೆ: ಗೆಟ್ಟಿ ಇಮೇಜಸ್).