ಸಾಮಾಜಿಕ ಜಾಲತಾಣದಲ್ಲಿ ನಂ.1
ಐಪಿಎಲ್ ಆರಂಭವಾಗಿ ಅಮಾನತಾಗುವವರೆಗೆ ಅಂದರೆ ಏಪ್ರಿಲ್ 9ರಿಂದ ಮೇ 3ರ ವರೆಗಿನ ಟೂರ್ನಿಯ ವೇಳೆ ಸಾಮಾಜಿಕ ಜಾಲತಾಣಗಳಲ್ಲಿ ಆರ್ಸಿಬಿ ದಾಖಲೆಗಳನ್ನು ಸೃಷ್ಟಿಸಿದೆ. ಐಪಿಎಲ್ ಎಲ್ಲಾ ಎಂಟು ತಂಡಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ನಂ.1 ತಂಡವಾಗಿ ಆರ್ಸಿಬಿ ಗುರುತಿಸಿಕೊಂಡಿದೆ. ಸಾಮಾಜಿಕ ಜಾಲತಾಣದಲ್ಲಿ ಆರ್ಸಿಬಿ ಪೋಸ್ಟ್ಗಳಿಗೆ 150.40 ಮಿಲಿಯನ್ ಎಂಗೇಜ್ಮೆಂಟ್ ಸಿಕ್ಕಿದೆ. ಇನ್ನು 149.94 ಮಿಲಿಯನ್ ಲೈಕ್ಸ್, 452.2K ಕಾಮೆಂಟ್ಸ್ಬಿದ್ದಿವೆ. ಈ ಯಾದಿಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಚೆನ್ನೈ ಒಟ್ಟಾರೆ 126.09 ಮಿಲಿಯನ್ ಎಂಗೇಜ್ಮೆಂಟ್ಸ್ ಇವೆ.
ವಿಶ್ವದಲ್ಲಿ ಆರ್ಸಿಬಿ ಟಾಪರ್
ಐಪಿಎಲ್ ಅವಧಿಯಲ್ಲಿ ವಿಶ್ವದ ಬೇರೆ ಬೇರೆ ಕ್ರೀಡಾ ತಂಡಗಳಿಗೆ ಸಾಮಾಜಿಕ ಜಾಲತಾಣದಲ್ಲಿ ಲಭಿಸಿದ ಅಂಕಿ-ಅಂಶಗಳನ್ನು ಗಮನಿಸಿದರೆ ಇದರಲ್ಲಿ ಆರ್ಸಿಬಿ ನಂ.1 ಸ್ಥಾನ ಪಡೆದುಕೊಂಡಿದೆ. ಈ ಬಾರಿಯ ಐಪಿಎಲ್ ವೇಳೆ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಜನಪ್ರಿಯತೆ ಪಡೆದಿದ್ದ ವಿಶ್ವದ ಕ್ರೀಡಾ ತಂಡಗಳ ಪಟ್ಟಿ ತೆಗೆದರೆ ಅದರಲ್ಲಿ ಆರ್ಸಿಬಿ ಮೊದಲ ಸ್ಥಾನದಲ್ಲಿ, ಚೆನ್ನೈ ಸೂಪರ್ ಕಿಂಗ್ಸ್ ದ್ವಿತೀಯ ಸ್ಥಾನದಲ್ಲಿ, ಬಾರ್ಸಿಲೋನಾ ಎಫ್ಸಿ ತೃತೀಯ ಸ್ಥಾನದಲ್ಲಿ ಮತ್ತು ಮುಂಬೈ ಇಂಡಿಯನ್ಸ್ 4ನೇ ಸ್ಥಾನದಲ್ಲಿದೆ.
ಯೂಟ್ಯೂಬ್ನಲ್ಲೂ ಅಗ್ರ ಸ್ಥಾನ
ಐಪಿಎಲ್ ವೇಳೆ ಯೂಟ್ಯೂಬ್ನಲ್ಲಿ ಅತೀ ಹೆಚ್ಚು ಸಾರಿ ವೀಕ್ಷಣೆಗೆ ಒಳಪಟ್ಟ ಐಪಿಎಲ್ ತಂಡಗಳ ಸಾಲಿನಲ್ಲಿಯೂ ಆರ್ಸಿಬಿ ಮೊದಲ ಸ್ಥಾನದಲ್ಲಿದೆ. ಆರ್ಸಿಬಿಗೆ 2.6 ಮಿಲಿಯನ್ ಸಬ್ಸ್ಕ್ರೈಬರ್ ಇದ್ದರೆ, 93 ವಿಡಿಯೋಗಳಿಗೆ 37.7K ಎಂಗೇಜ್ಮೆಂಟ್ ಲಭಿಸಿವೆ. ಇನ್ನು ಈ ದಾಖಲೆ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಚೆನ್ನೈ ಸೂಪರ್ ಕಿಂಗ್ಸ್ (1.8 ಸಬ್ಸ್ಕ್ರೈಬರ್), 61 ವಿಡಿಯೋಗಳಿಗೆ 25.6K ಎಂಗೇಜ್ಮೆಂಟ್ ಲಭಿಸಿದೆ.