|
75 ಎಸೆತಗಳಲ್ಲಿ ಶತಕ
ಚೇತೇಶ್ವರ್ ಪುಜಾರ ಈ ಪಂದ್ಯದಲ್ಲಿ ಕೇವಲ 7 ಎಸೆತಗಳಲ್ಲಿ ತಮ್ಮ ಶತಕವನ್ನು ಪೂರ್ಣಗೊಳಿಸಿದ್ದಾರೆ. ನಾಲ್ಕನೇ ಕ್ರಮಾಂಕದಲ್ಲಿ ಆಡಲಿಳಿದ ಅವರು ಒಟ್ಟು 20 ಬೌಂಡರಿ ಬಾರಿಸಿದ್ದು 2 ಸಿಕ್ಸರ್ ಸಿಡಿಸಿದ್ದಾರೆ. ಟಾಮ್ ಅಲ್ಸಪ್ ಅವರೊಂದಿಗೆ ಪೂಜಾರ ಬರೊಬ್ಬರಿ 240 ರನ್ಗಳ ಜೊತೆಯಾಟದಲ್ಲಿ ಭಾಗಿಯಾಗಿದ್ದಾರೆ.
|
ಟೂರ್ನಿಯಲ್ಲಿ 2ನೇ ಹೈಯೆಸ್ಟ್ ಸ್ಕೋರರ್
ಚೇತೇಶ್ವರ್ ಪೂಜಾರ ರಾಯಲ್ ಲಂಡನ್ ಕಪ್ ಟೂರ್ನಿಯಲ್ಲಿ ಪ್ರತಿ ಪಂದ್ಯದಲ್ಲಿಯೂ ಅದ್ಭುತ ಪ್ರದರ್ಶನ ನೀಡಿಕೊಂಡು ಮಿಂಚುತ್ತಿದ್ದಾರೆ. ಈ ಮೂಲಕ ಈ ಆವೃತ್ತಿಯ ಟೂರ್ನಿಯಲ್ಲಿ ಭಾರತದ ಹಿರಿಯ ಆಟಗಾರ ಎರಡನೇ ಅತಿ ಹೆಚ್ಚು ರನ್ಗಳಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ. 8 ಪಂದ್ಯಗಳನ್ನು ಆಡಿರುವ ಪೂಜಾರ 614 ರನ್ಗಳನ್ನು ಗಳಿಸಿದ್ದಾರೆ. 102.33ರಷ್ಟು ಅಮೋಘ ಸರಾಸರಿ ಹೊಂದಿದ್ದರೆ 116.28ರ ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟಿಂಗ್ ನಡೆಸಿದ್ದಾರೆ.
ಇಂಗ್ಲೆಂಡ್ನ ದೇಶೀಯ ಕ್ರಿಕೆಟ್ ರಾಯಲ್ ಲಂಡನ್ ಕಪ್ನಲ್ಲಿ ಪೂಜಾರ ಸಸ್ಸೆಕ್ಸ್ ತಂಡದ ಪರವಾಗಿ ಆಡುತ್ತಿದ್ದಾರೆ. ಈ ಟೂರ್ನಿಯಲ್ಲಿ ಮೂರನೇ ಶತಕ ಸಿಡಿಸಿರುವ ಪೂಜಾರ ಇದಕ್ಕೂ ಮುನ್ನ ಆಗಸ್ಟ್ 12 ಹಾಗೂ ಆಗಸ್ಟ್ 14ರಂದು ನಡೆದಿದ್ದ ಈ ಪಂದ್ಯದಲ್ಲಿಯೂ ಪೂಜಾರ ಅಮೋಘ ಶತಕವನ್ನು ಸಿಡಿಸಿದ್ದರು. ಈ ಮೂಲಕ ಟೂರ್ನಿಯಲ್ಲಿ3ನೇ ಶತಕದ ಸಾಧನೆ ಮಾಡಿದ್ದಾರೆ ಪೂಜಾರ.
ಕೌಂಟಿಯಲ್ಲಿಯೂ ಮಿಂಚಿ ಭಾರತಕ್ಕೆ ಕಮ್ಬ್ಯಾಕ್ ಮಾಡಿದ್ದ ಪೂಜಾರ
ಇನ್ನು ಇದಕ್ಕೂ ಮುನ್ನ ಚೇತೇಶ್ವರ್ ಪೂಜಾರ ಇಂಗ್ಲೆಂಡ್ನಲ್ಲಿ ಕೌಂಟಿ ಕ್ರಿಕೆಟ್ನಲ್ಲಿಯೂ ಆಡಿದ್ದರು. ಅಲ್ಲಿಯೂ ಶತಕದ ಮೇಲೆ ಶತಕವನ್ನು ಬಾರಿಸಿದ್ದ ಪೂಜಾರ ಟೆಸ್ಟ್ ತಂಡದಿಂದ ಹೊರಗಿಟ್ಟ ಆಯ್ಕೆ ಸಮಿತಿಗೆ ಇಂಗ್ಲೆಂಡ್ನಿಂದಲೇ ಸ್ಪಷ್ಟ ಸಂದೇಶವನ್ನು ನೀಡಿದ್ದರು. ಹೀಗಾಗಿ ಇತ್ತೀಚಿನ ಕೆಲ ಸಮಯಗಳಿಂದ ಟೆಸ್ಟ್ ಕ್ರಿಕೆಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ಟೆಸ್ಟ್ ತಂಡದಿಂದ ಹೊರಬಿದ್ದಿದ್ದ ಪೂಜಾರ ಇಂಗ್ಲೆಂಡ್ ಪ್ರವಾಸದ ಪೂಲಕ ತಂಡಕ್ಕೆ ಕಮ್ಬ್ಯಾಕ್ ಮಾಡಲು ಯಶಸ್ವಿಯಾಗಿದ್ದರು.