ನವದೆಹಲಿ, ಜೂನ್ 3: ಟೀಮ್ ಇಂಡಿಯಾ ನಾಯಕ ಎಂಎಸ್ ಧೋನಿಗೆ ಬೈಕ್-ಕಾರ್ಗಳೆಂದರೆ ಇಷ್ಟ ಅಂತ ಹೆಚ್ಚಿನವರಿಗೆ ಗೊತ್ತಿರಬಹುದು. ಧೋನಿ ತನ್ನ ಪುತ್ರಿ ಝೀವಾಳನ್ನು ಬೈಕ್ ರೈಡಿಂಗ್ಗೆ ಕರೆದೊಯ್ದಿರುವ ವೀಡಿಯೋವನ್ನು ಸೆರೆ ಹಿಡಿದಿರುವ ಧೋನಿ ಪತ್ನಿ ಸಾಕ್ಷಿ ಧೋನಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ನೆಚ್ಚಿನ ಆಲ್ ಟೈಮ್ ಒಡಿಐ ತಂಡ ಪ್ರಕಟಿಸಿದ ಶ್ರೀಶಾಂತ್, ದಾದಾ ನಾಯಕ
ಸಾಕ್ಷಿ ಸೆರೆಹಿಡಿದಿರುವ ಈ ವೀಡಿಯೋವನ್ನು ಐಪಿಎಲ್ ಫ್ರಾಂಚೈಸಿ, ಚೆನ್ನೈ ಸೂಪರ್ ಕಿಂಗ್ಸ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದೆ. 'ಕ್ರೇಝಿ ಮಿಂಚು ಮತ್ತು ಖುಷಿ ಜೊತೆಯಲ್ಲಿರುವಾಗ,' ಎಂದು ವೀಡಿಯೋ ಜೊತೆಗೆ ಸಾಲನ್ನು ಬರೆದುಕೊಳ್ಳಲಾಗಿದೆ.
ಏಕದಿನದಲ್ಲಿ ವೇಗದ 10,000 ರನ್ ದಾಖಲೆ ಬರೆದ ಟಾಪ್ 5 ಬ್ಯಾಟ್ಸ್ಮನ್ಗಳು
ಕೊರೊನಾವೈರಸ್ನಿಂದಾಗಿ ಕ್ರಿಕೆಟ್ ಚಟುವಟಿಕೆಗಳು ನಿಲುಗಡೆಯಾಗಿದ್ದರಿಂದ ಬಹುತೇಕ ಕ್ರಿಕೆಟ್ ಸ್ಟಾರ್ಗಳು ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ ಧೋನಿ ಸಾಮಾಜಿಕ ಜಾಲತಾಣದಲ್ಲಿ ಅಷ್ಟೇನೂ ಕಾಣಿಸಿಕೊಳ್ಳುತ್ತಿಲ್ಲ, ಆಗೀಗ ಸೋಶಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಳ್ಳುವ ಸಾಕ್ಷಿ, ಈ ವೀಡಿಯೋವನ್ನು ತನ್ನ ಇನ್ಸ್ಟಾಗ್ರಾಮ್ನಲ್ಲಿ ಹಾಕಿಕೊಂಡಿದ್ದಾರೆ.
When 'crazy lightning' and 'happiness' are rolled into one! 😍 #VaaMaaMinnal #ThalaDharisanam VC: @SaakshiSRawat pic.twitter.com/y1OkWBjl4o
— Chennai Super Kings (@ChennaiIPL) June 2, 2020
ಧೋನಿ ಕ್ರಿಕೆಟ್ ಪಂದ್ಯಗಳನ್ನಾಡದೆ ಹತ್ತಿರ ವರ್ಷವೇ ಆಗುತ್ತಿದೆ. ಸಿಎಸ್ಕೆಯಲ್ಲಿ ಧೋನಿಯ ಸಹ ಆಟಗಾರರಾಗಿರುವ ಸುರೇಶ್ ರೈನಾ, 2020ರ ಇಂಡಿಯನ್ ಪ್ರೀಮಿಯರ್ ಲೀಗ್ಗಾಗಿ ಕೂಲ್ ಕ್ಯಾಪ್ಟನ್ ಧೋನಿ ವಿಭಿನ್ನವಾಗಿ ತಯಾರಾಗುತ್ತಿದ್ದಾರೆ ಎಂದು ಹೇಳಿದ್ದಾರೆ.