ಪ್ರೇಕ್ಷಕರಿಲ್ಲದೆ ನಡೆಯಲಿದೆ ಐಪಿಎಲ್
ಈ ಬಾರಿಯ ಐಪಿಎಲ್ ಟೂರ್ನಿ ಪ್ರೇಕ್ಷಕರಿಲ್ಲದೆ ನಡೆಯುವುದು ಬಹುತೇಕ ಪಕ್ಕಾ ಆಗಿದೆ. ಯಾವಾಗಲೂ ಕ್ರೀಡಾಂಗಣದಲ್ಲಿ ತುಂಬಿ ತುಳುಕುತ್ತಾ ಪ್ರೇಕ್ಷಕರ ಕರತಾಡನದೊಂದಿಗೆ ನಡೆಯುತ್ತಿದ್ದ ಐಪಿಎಲ್ಗೆ ಈ ಬಾರಿ ಆ ಕಳೆಯೇ ಇರಲಾರದು. ಇದು ಆಟಗಾರರ ಉತ್ಸಾಹ ಕಡಿಮೆಯಾಗಲು ಕಾರಣವಾಗಬಹುದು ಎಂಬುದು ಸ್ಕಾಟ್ ಸ್ಟೈರಿಸ್ ವಿಶ್ಲೇಷಣೆ
ವಿದೇಶಿ ಆಟಗಾರರಿಗೆ ಅಭ್ಯಾಸವಿದೆ
ಭಾರತೀಯ ಕ್ರಿಕೆಟಿಗರನ್ನು ಹೊರತು ಪಡಿಸಿ ವಿದೇಶಿ ಕ್ರಿಕೆಟಿಗರಿಗೆ ಪ್ರೇಕ್ಷಕರಿಲ್ಲದೆ ಕ್ರಿಕೆಟ್ ಆಡಿ ಅನುಭವವಿದೆ. ಕಡಿಮೆ ಪ್ರಮಾಣದ ಪ್ರೇಕ್ಷಕರನ್ನು ಅಥವಾ ಪ್ರೇಕ್ಷಕರ ಅಲಭ್ಯತೆ ಹಲವು ದೇಶಗಳಲ್ಲಿ ಸಾಮಾನ್ಯವೇ ಆಗಿದೆ. ಹೀಗಾಗಿ ಈ ಬಾರಿ ಐಪಿಎಲ್ನಲ್ಲಿ ಪ್ರೇಕ್ಷಕರ ಅಲಭ್ಯತೆ ವಿದೇಶಿ ಆಟಗಾರರಿಗೆ ಪರಿಣಾಮ ಬೀರದು ಎಂದು ಸ್ಕಾಟ್ ಸ್ಟೈರಿಸ್ ಹೇಳಿದ್ದಾರೆ
ಭಾರತೀಯ ಕ್ರಿಕೆಟಿಗರಿಗೆ ಇದು ಸವಾಲು
ಆದರೆ ಭಾರತೀಯ ಕ್ರಿಕೆಟಿಗರು ಈ ರೀತಿಯ ಸ್ಥಿತಿಯಲ್ಲಿ ಕ್ರಿಕೆಟ್ ಆಡಿಯೇ ಇಲ್ಲ. ಪ್ರೇಕ್ಷಕರ ಕರತಾಡನ, ಅಬ್ಬರದಲ್ಲೆ ಆಟವಾಡಿ ಅವರಿಗೆ ಅಭ್ಯಾಸ. ಪ್ರೇಕ್ಷಕರ ಪ್ರೋತ್ಸಾಹದಿಂದ ಮತ್ತಷ್ಟು ಉತ್ತೇಜಿತರಾಗಿ ಉತ್ತಮ ಪ್ರದರ್ಶನವನ್ನು ನೀಡುತ್ತಾರೆ. ಆದರೆ ಈ ಬಾರಿ ಪ್ರೇಕ್ಷಕರಿಲ್ಲದೆ ಆಡುವ ಕಾರಣ ಭಾರತೀಯ ಆಟಗಾರರಿಗೆ ಸವಾಲೆನಿಸಲಿದೆ ಎಂದಿದ್ದಾರೆ.
ದೊಡ್ಡ ಸಂಖ್ಯೆಯ ಅಭಿಮಾನಿಗಳು ಇರುತ್ತಾರೆ
'ಭಾರತೀಯ ಕ್ರಿಕೆಟಿಗರು ಪ್ರೇಕ್ಷಕರಿಲ್ಲದ ಆಡಿರುವ ಬಗ್ಗೆ ನನಗಂತೂ ನೆನಪಿಲ್ಲ. ಅವರ ಸುತ್ತ ಯಾವಾಗಲೂ ದೊಡ್ಡ ಸಂಖ್ಯೆಯಲ್ಲಿ ಅಭಿಮಾನಿಗಳು ಇರುತ್ತಾರೆ. ಆಟದಲ್ಲಿ ಅವರು ಹೆಣಗಾಡಲಾರರು, ಆದರೆ ಪ್ರೇಕ್ಷಕರ ಸಮ್ಮುಖದಲ್ಲಿ ದೊರೆಯುತ್ತಿದ್ದ ಆ ಶಕ್ತಿ ಬೇರೆ ಯಾವ ಮಾರ್ಗದಿಂದ ದೊರೆಯಬಹುದು ಎಂಬ ಹುಡುಕಾಟದಲ್ಲಿರುತ್ತಾರೆ' ಎಂದು ಸದಕಾಟ್ ಸ್ಟೈರಿಸ್ ಹೇಳಿದ್ದಾರೆ.