ಕೊಲಂಬೋ: ಇದೇ ವರ್ಷ ಜುಲೈ 30ರಿಂದ ಆಗಸ್ಟ್ 22ರ ವರೆಗೆ ಲಂಕಾ ಪ್ರೀಮಿಯರ್ ಲೀಗ್ (ಎಲ್ಪಿಎಲ್) ದ್ವಿತೀಯ ಆವೃತ್ತಿ ಆರಂಭವಾಗಲಿದೆ ಎಂದು ಶ್ರೀಲಂಕಾ ಕ್ರಿಕೆಟ್ ಬೋರ್ಡ್ (ಎಸ್ಎಲ್ಸಿ) ಮೇ 12ರ ಬುಧವಾರ ತಿಳಿಸಿದೆ.
ನಮ್ಮ ತಲೆಯನ್ನು ದ್ರಾವಿಡ್ ಭಾರತಕ್ಕೆ ಬಳಸಿಕೊಂಡರು: ಗ್ರೆಗ್ ಚಾಪೆಲ್
"ಈ ವರ್ಷದ ಆವೃತ್ತಿಯನ್ನು ನಡೆಸಲು ನಾವು ಸೂಕ್ತವಾದ ವೇಳಾಪಟ್ಟಿಯನ್ನು ಕಂಡುಕೊಂಡಿದ್ದೇವೆ. ಆದರೆ ಪ್ರಸ್ತುತ ನಾವು ಪಂದ್ಯಾವಳಿಯ ಇತರ ವಿವರಗಳನ್ನು ಅಂತಿಮಗೊಳಿಸುವ ಕೆಲಸ ಮಾಡುತ್ತಿದ್ದೇವೆ" ಎಂದು ಶ್ರೀಲಂಕಾ ಕ್ರಿಕೆಟ್ ಕಮಿಟಿಯ ಮುಖ್ಯಸ್ಥ ಪ್ರೊಫೆಸರ್ ಅರ್ಜುನ ಡೆ ಸಿಲ್ವಾ ಹೇಳಿದ್ದಾರೆ.
ಮೊದಲ ಆವೃತ್ತಿಯ ಲಂಕಾ ಪ್ರೀಮಿಯರ್ ಲೀಗ್ ಕಳೆದ ವರ್ಷ ಹಂಬಂತೋಟದಲ್ಲಿ ನಡೆದಿತ್ತು. ಶ್ರೀಲಂಕಾದ ದೊಡ್ಡ ಮಟ್ಟದ ಟೂರ್ನಿಯಾದ ಎಲ್ಪಿಎಲ್ನಲ್ಲಿ ಕಳೆದ ಸಾರಿ ಒಟ್ಟು 5 ತಂಡಗಳು ಸೆಣಸಾಡಿದ್ದವು. ಕಳೆದ ಸಾರಿ ಕೋವಿಡ್ ಇತ್ತಾದರೂ ಬಯೋ ಬಬಲ್ನಲ್ಲಿ ಟೂರ್ನಿ ಯಶಸ್ವಿಯಾಗಿ ನೆರವೇರಿತ್ತು.
ಐಪಿಎಲ್ : ಈ ವಿಶೇಷ ದಾಖಲೆಯಲ್ಲಿ ಎಬಿಡಿ - ಪೊಲಾರ್ಡ್ ನಡುವೆ ಭಾರೀ ಪೈಪೋಟಿ
ಕಳೆದ ವರ್ಷ ಎಲ್ಪಿಎಲ್ ಮೊದಲ ಆವೃತ್ತಿ ನವೆಂಬರ್ 26ರಿಂದ ಆರಂಭವಾಗಿತ್ತು. ಉದ್ಘಾಟನಾ ಆವೃತ್ತಿಯಲ್ಲಿ ಜಫ್ನಾ ಸ್ಟೇಲರ್ಸ್ ಚಾಂಪಿಯನ್ಸ್ ಆಗಿ ಹೊರಹೊಮ್ಮಿತ್ತು.