ರಾಬಿನ್ ಸಿಂಗ್ 2010ರಲ್ಲಿ ಮುಂಬೈ ಇಂಡಿಯನ್ಸ್ ಕೋಚಿಂಗ್ ತಂಡ ಸೇರಿದರು
ಶೇನ್ ಬಾಂಡ್ 2015ರಲ್ಲಿ ಮುಂಬೈ ಇಂಡಿಯನ್ಸ್ಗೆ ಸೇರಿದ್ದರು. ಅಂದಿನಿಂದಲೂ ಅವರು 4 ಐಪಿಎಲ್ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಜಾಗತಿಕ ಹಂತದಲ್ಲಿ ಬೌಲರ್ಗಳು ತಮ್ಮ ಸಾಮರ್ಥ್ಯವನ್ನು ಅರಿತುಕೊಳ್ಳಲು ಅವರು ಸಹಾಯ ಮಾಡಿದ್ದಾರೆ. ರಾಬಿನ್ ಸಿಂಗ್ 2010ರಲ್ಲಿ ಮುಂಬೈ ಇಂಡಿಯನ್ಸ್ನ ಕೋಚಿಂಗ್ ತಂಡವನ್ನು ಸೇರಿಕೊಂಡರು ಮತ್ತು ಅಂದಿನಿಂದ 5 ಐಪಿಎಲ್ ಮತ್ತು 2 ಚಾಂಪಿಯನ್ಸ್ ಲೀಗ್ ಅಭಿಯಾನದ ಭಾಗವಾಗಿದ್ದಾರೆ.
ರಾಬಿನ್ ಸಿಂಗ್ ಅವರು ಶೇನ್ ಬಾಂಡ್ ಜೊತೆಗೂ ಕೆಲಸ ಮಾಡಿದ್ದಾರೆ. ಪಾರ್ಥಿವ್ ಪಟೇಲ್ ಈ ಹಿಂದೆ ಮುಂಬೈ ಇಂಡಿಯನ್ಸ್ ಅನ್ನು ಪ್ರತಿನಿಧಿಸಿದ್ದರು ಮತ್ತು 2020ರಿಂದ ಟ್ಯಾಲೆಂಟ್ ಸ್ಕೌಟಿಂಗ್ ತಂಡದ ಭಾಗವಾಗಿದ್ದಾರೆ ಮತ್ತು ಮಾಜಿ ಮುಂಬೈ ಇಂಡಿಯನ್ಸ್ ಆಟಗಾರರೂ ಆಗಿರುವ ವಿನಯ್ ಕುಮಾರ್ ಅವರು 2021ರಲ್ಲಿ ಸ್ಕೌಟಿಂಗ್ ತಂಡವನ್ನು ಸೇರಿಕೊಂಡರು.
ಜೇಮ್ಸ್ ಫ್ರಾಂಕ್ಲಿನ್ ಕೂಡ ಎಂಐ ಎಮಿರೇಟ್ಸ್ ಫೀಲ್ಡಿಂಗ್ ಕೋಚ್
ಪಾರ್ಥಿವ್ ಪಟೇಲ್ ಮತ್ತು ವಿನಯ್ ಕುಮಾರ್ ಇಬ್ಬರೂ 2015 ಮತ್ತು 2017ರಲ್ಲಿ ಐಪಿಎಲ್ ಟ್ರೋಫಿ ಗೆದ್ದಾಗ ಮುಂಬೈ ಇಂಡಿಯನ್ಸ್ನ ಭಾಗವಾಗಿದ್ದರು. ಮಾಜಿ ಮುಂಬೈ ಇಂಡಿಯನ್ಸ್ ಆಲ್ರೌಂಡರ್ ಮತ್ತು ತರಬೇತುದಾರ ಜೇಮ್ಸ್ ಫ್ರಾಂಕ್ಲಿನ್ ಕೂಡ ಎಂಐ ಎಮಿರೇಟ್ಸ್ಗೆ ಫೀಲ್ಡಿಂಗ್ ಕೋಚ್ ಆಗಿ ಸೇರಿಕೊಂಡಿದ್ದಾರೆ. MI ಎಮಿರೇಟ್ಸ್ ಅನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಲು ಈ ತಂಡವು ನೆರವಾಗಲಿದೆ.
ರಿಲಯನ್ಸ್ ಜಿಯೋ ಇನ್ಫೋಕಾಮ್ ಲಿಮಿಟೆಡ್ನ ಅಧ್ಯಕ್ಷ ಆಕಾಶ್ ಎಂ ಅಂಬಾನಿ ಮಾತನಾಡಿ, "ಎಂಐ ಎಮಿರೇಟ್ಸ್ನಲ್ಲಿ ಹೊಸ ಹುದ್ದೆಗಳಿಗೆ ಶೇನ್ ಬಾಂಡ್, ರಾಬಿನ್ ಸಿಂಗ್, ಪಾರ್ಥಿವ್ ಪಟೇಲ್, ವಿನಯ್ ಕುಮಾರ್ ಮತ್ತು ಜೇಮ್ಸ್ ಫ್ರಾಂಕ್ಲಿನ್ ಅವರನ್ನು ನಾನು ಸ್ವಾಗತಿಸುತ್ತೇನೆ. ಅಭಿಮಾನಿಗಳನ್ನು ಆಕರ್ಷಿಸುವ ಮತ್ತು ಪ್ರೀತಿಸುವ ತಂಡವಾಗಿ ಎಂಐ ಎಮಿರೇಟ್ಸ್ ಅನ್ನು ನಿರ್ಮಿಸಲು ಕೋಚಿಂಗ್ ತಂಡಕ್ಕೆ ಸಾಧ್ಯವಾಗುತ್ತದೆ ಎಂದು ನನಗೆ ಖಾತ್ರಿಯಿದೆ," ಎಂದಿದ್ದಾರೆ.
ಮುಖ್ಯ ಕೋಚ್ ಆಗಿರುವುದು ನನಗೆ ಸಂತಸ ತಂದಿದೆ
MI ಎಮಿರೇಟ್ಸ್ನ ಮುಖ್ಯ ತರಬೇತುದಾರ ಶೇನ್ ಬಾಂಡ್ ಮಾತನಾಡಿ, "MI ಎಮಿರೇಟ್ಸ್ನ ಮುಖ್ಯ ತರಬೇತುದಾರರಾಗಿ ನೇಮಕಗೊಂಡಿರುವುದು ನನಗೆ ಸಂತಸ ತಂದಿದೆ. ಹೊಸ ತಂಡವನ್ನು ರಚಿಸುವುದು ಯಾವಾಗಲೂ ಉತ್ತೇಜನಕಾರಿಯಾಗಿದೆ ಮತ್ತು MI ಪರಂಪರೆಯನ್ನು ಮುಂದುವರಿಸಲು ಮತ್ತು ಆಟವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಲು ನಮ್ಮ ಆಟಗಾರರನ್ನು ಪ್ರೇರೇಪಿಸಲು ನಾನು ಎದುರು ನೋಡುತ್ತಿದ್ದೇನೆ," ಎಂದರು.
ಎಂಐ ಎಮಿರೇಟ್ಸ್ ಯುಎಇ ಇಂಟರ್ನ್ಯಾಷನಲ್ ಲೀಗ್ ಟಿ20 ಉದ್ಘಾಟನಾ ಆವೃತ್ತಿಗೆ ಮುಂಚಿತವಾಗಿ ತನ್ನ ತಂಡವನ್ನು ಪ್ರಕಟಿಸಿದೆ. ತಂಡವು ಅಬುಧಾಬಿಯಲ್ಲಿ ನೆಲೆಸಿದೆ ಮತ್ತು ಪ್ರಸ್ತುತ ಮತ್ತು ಹಿಂದಿನ ಮುಂಬೈ ಇಂಡಿಯಾನ್ಸ್ ಆಟಗಾರರನ್ನು ಹೊರತುಪಡಿಸಿ ಹೊಸ ಸ್ಟಾರ್ಗಳನ್ನು ಒಳಗೊಂಡಿರುತ್ತದೆ.