ಹೆಸರು ಬಹಿರಂಗಗೊಳಿಸಿಲ್ಲ
ತನ್ನ ಮೇಲೆ ಅತ್ಯಾಚಾರ ಆರೋಪ ಬರಲು ಕಾರಣವಾಗಿದ್ದ ತಂಡದ ಆ ಸಹ ಆಟಗಾರನ ಹೆಸರನ್ನು ಅಖ್ತರ್ ಬಹಿರಂಗಪಡಿಸಿಲ್ಲ. ಆದರೆ 2005ರಲ್ಲಿ ಪಾಕ್ ತಂಡ ಆಸ್ಟ್ರೇಲಿಯಾಕ್ಕೆ ಪ್ರವಾಸ ಹೋಗಿದ್ದಾಗ, ತನ್ನ ತಂಡದ ಆಟಗಾರನೊಬ್ಬ ಹುಡುಗಿಯೊಬ್ಬಳ ಜೊತೆ ಅಪಾರ್ಥ ಮಾಡಿಕೊಂಡಿದ್ದ. ಹೀಗಾಗಿ ಹುಡುಗಿ ಮೇಲೆ ದೈಹಿಕ ದೌರ್ಜನ್ಯ ಮೆರೆದ ಆರೋಪ ವಿನಾಕಾರಣ ನನ್ನ ವಿರುದ್ಧ ಕೇಳಿಬಂದಿತ್ತು ಎಂದು ಅಖ್ತರ್ ಹೇಳಿಕೊಂಡಿದ್ದಾರೆ.
ಹುಡುಗನ ತಪ್ಪು ಮರೆಮಾಚಲಾಗಿತ್ತು
ಘಟನೆ ಸ್ಮರಿಸಿ ಮಾತನಾಡಿದ ಅಖ್ತರ್, 'ಆವತ್ತು ನನ್ನ ವಿರುದ್ಧ ಅತ್ಯಾಚಾರದ ಆರೋಪ ಮಾಡಲಾಗಿತ್ತು. ಪಾಕಿಸ್ತಾನ ತಂಡದಲ್ಲಿದ್ದ ಬೇರೊಬ್ಬ ಆಟಗಾರ ಹುಡುಗಿಯೊಬ್ಬಳ ಜೊತೆ ಅಪಾರ್ಥ ಮಾಡಿಕೊಂಡಿದ್ದ. ಪಾಕಿಸ್ತಾನ ಟೀಮ್ ಮ್ಯಾನೇಜ್ಮೆಂಟ್ ಹುಡುಗ ಮಾಡಿದ್ದನ್ನು ಮರೆಮಾಚಿತ್ತು. ಹೀಗಾಗಿ ಎಲ್ಲರೂ ನನ್ನನ್ನು ತಪ್ಪಿತಸ್ಥ ಅಂದುಕೊಂಡಿದ್ದರು,' ಎಂದರು.
ಹೆಸರು ಬಹಿರಂಗಪಡಿಸದಂತೆ ಹೇಳಿದ್ದೆ
'ಆ ಬಳಿಕ, ಹುಡುಗನ ಹೆಸರು ಬಹಿರಂಗಪಡಿಸದಂತೆ ನಾನು ಕ್ರಿಕೆಟ್ ಬೋರ್ಡ್ನಲ್ಲಿ ಕೇಳಿಕೊಂಡೆ. ಘಟನೆ ನಡೆಯುವಾಗ ಆ ಜಾಗದಲ್ಲಿ ಶೋಯೆಬ್ ಅಖ್ತರ್ ಇರಲಿಲ್ಲ ಎಂದು ಘೋಷಿಸುವಂತೆ ಬೋರ್ಡ್ ಜೊತೆ ಹೇಳಿದೆ. ಯಾಕೆಂದರೆ ಘಟನೆ ನಡೆದಾಗ ಎಲ್ಲರೂ ನನ್ನನ್ನೇ ತಪ್ಪಿತಸ್ಥನೆನ್ನುವಂತೆ ನೋಡುತ್ತಿದ್ದರು,' ಎಂದು ಅಖ್ತರ್ ಘಟನೆ ವಿವರಿಸಿದ್ದಾರೆ.
ಉರಿಯೋ ಬೆಂಕಿಗೆ ತುಪ್ಪ
ಘಟನೆ ಸಮಯದಲ್ಲೇ ಆಸ್ಟ್ರೇಲಿಯಾ ಪ್ರವಾಸದ ಅರ್ಧದಿಂದಲೇ ಅಖ್ತರ್ ಅವರನ್ನು ಪಾಕ್ಗೆ ವಾಪಸ್ ಕರೆಸಿಕೊಳ್ಳಲಾಗಿತ್ತು. ಇದು ಉರಿಯೋ ಬೆಂಕಿಗೆ ತುಪ್ಪ ಸುರಿದಂತೆ ಆಗಿತ್ತು. ಮುಂಬರಲಿರುವ ಭಾರತದ ಪ್ರವಾಸ ಸರಣಿಗೆ ಫುಲ್ ಫಿಟ್ನೆಸ್ ಕಾಯ್ದುಕೊಳ್ಳುವುದಕ್ಕೋಸ್ಕರ ಅಖ್ತರ್ ಅವರನ್ನು ಪಾಕ್ಗೆ ವಾಪಸ್ ಕರೆಸಿಕೊಳ್ಳಲಾಗಿದೆ ಎಂದು ಆನಂತರ ಪಾಕ್ ಕ್ರಿಕೆಟ್ ಬೋರ್ಡ್ ಎಂದು ಸ್ಪಷ್ಟನೆ ನೀಡಬೇಕಾಗಿ ಬಂದಿತ್ತು ಎಂದು ಅಖ್ತರ್ ಹೇಳಿಕೊಂಡಿದ್ದಾರೆ.