ನಾಟಿಂಗ್ಹ್ಯಾಮ್, ಮೇ 18: ಎದುರಾಳಿ ಔಟ್ ಮಾಡುವುದಕ್ಕೆ ಬದಲಾಗಿ ತಾನೇ ಔಟಾದ ಅಪರೂಪದ ಕ್ಷಣಕ್ಕೆ ಪಾಕಿಸ್ತಾನ ಬ್ಯಾಟ್ಸ್ಮನ್ ಶೋಯೆಬ್ ಮಲಿಕ್ ಕಾರಣರಾದರು. ನಾಟಿಂಗ್ಹ್ಯಾಮ್ ನಲ್ಲಿ ಶುಕ್ರವಾರ (ಮೇ 17) ನಡೆದ ಇಂಗ್ಲೆಂಡ್ ವಿರುದ್ಧ 4ನೇ ಏಕದಿನ ಪಂದ್ಯದಲ್ಲಿ ಮಲಿಕ್ ಹಿಟ್ ವಿಕೆಟ್ ಮೂಲಕ ಔಟಾದರು.
ವಿಶ್ವಕಪ್ 2019: ಅಭ್ಯಾಸವಿಲ್ಲ, ಬರೀ ಆರಾಮವಷ್ಟೇ ಎಂದ ಟೀಮ್ ಇಂಡಿಯಾ!
ಪಾಕ್ ಇನ್ನಿಂಗ್ಸ್ನ 47ನೇ ಓವರ್ನಲ್ಲಿ ಶೋಯೆಬ್ ಮಲಿಕ್ ಹೀಗೆ ಔಟ್ ಆಗಿ ನಿರ್ಗಮಿಸಿದ್ದು ಕಂಡುಬಂತು. ಇಂಗ್ಲೆಂಡ್ ಬೌಲರ್ ಮಾರ್ಕ್ವುಡ್ 46.4ನೇ ಓವರ್ ಎಸೆದಾಗ ಮಲಿಕ್ ಬ್ಯಾಟ್ ಬೀಸಿದರು. ಚೆಂಡಿಗೆ ಹೊಡೆಯುವ ತರಾತುರಿಯಲ್ಲಿ ಮಲಿಕ್ ವಿಕೆಟ್ಗೆ ಬ್ಯಾಟ್ ಬೀಸಿದರು. ವಿಕೆಟ್ ಎಗರಿತು; 41 ರನ್ ಬಾರಿಸಿದ್ದ ಮಲಿಕ್ ಪೆವಿಲಿಯನ್ ಕಡೆಗೆ ನಡೆದರು.
Don't see this too often!
— England Cricket (@englandcricket) May 17, 2019
Scorecard & Videos: https://t.co/A8uZh11q6U#EngvPak pic.twitter.com/HxUAK2A5qG
ಕ್ರಿಕೆಟ್ನಲ್ಲಿ ಹಿಟ್ ವಿಕೆಟ್ ಆಗೀಗ ನಡೆಯುತ್ತಿರುತ್ತದೆಯಾದರೂ ಇಂಥದ್ದು ನಡೆದಾಗೆಲ್ಲ ಸಾಮಾನ್ಯವಾಗಿ ಬ್ಯಾಟ್ಸ್ಮನ್ಗಳು ಸುದ್ದಿಯಾಗುತ್ತಾರೆ. ಕಾರಣ, ವಿಲಕ್ಷಣ ಹೊಡೆತಕ್ಕೆ ಪ್ರಯತ್ನಿಸಿ ತಾನಾಗಿಯೇ ವಿಕೆಟ್ ಉರುಳಿಸುವ ಅಪರೂಪದ ಕ್ಷಣವಿದು.
ವಿಶ್ವಕಪ್ 2019: ಭಾರತ ತಂಡದ ಶಕ್ತಿಯ ಗುಟ್ಟು ಬಿಚ್ಚಿಟ್ಟ ರಾಹುಲ್ ದ್ರಾವಿಡ್
ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕ್ ಬಾಬರ್ ಅಝಾಮ್ ಆಕರ್ಷಕ ಶತಕ (115 ರನ್) ದೊಂದಿಗೆ 340 ರನ್ ಬಾರಿಸಿತ್ತು. ಗುರಿ ಬೆನ್ನತ್ತಿದ ಇಂಗ್ಲೆಂಡ್, ಜೇಸನ್ ರಾಯ್ 114 ರನ್ ಕೊಡುಗೆಯೊಂದಿಗೆ 341 ರನ್ ಪೇರಿಸಿತು. ಈ ಗೆಲುವಿನೊಂದಿಗೆ ಇಂಗ್ಲೆಂಡ್, ಐದು ಪಂದ್ಯಗಳ ಏಕದಿನ ಸರಣಿಯನ್ನು 3-0ಯಿಂದ ಗೆದ್ದುಕೊಂಡಿದೆ.