ಸಮಯ ಬೇಕಾಗುತ್ತದೆ
ಮತ್ತೆ ಕ್ರಿಕೆಟ್ ಆರಂಭಕ್ಕೂ ಮುನ್ನ ಖಂಡಿತವಾಗಿಗೂ ಒಂದಷ್ಟು ನೆಟ್ ಅಭ್ಯಾಸಗಳು ಅಗತ್ಯವಾಗಿರುತ್ತದೆ. 140 ಕಿ.ಮೀ ವೇಗದಲ್ಲಿ ಬೌಲರ್ಗಳು ಬೌಲಿಂಗ್ ಮಾಡುವಾಗ ಸುತ್ತಲೂ ಫೀಲ್ಡರ್ಗಳಿರುವಾಗ ಆ ವೇಗಕ್ಕೆ ಹೊಂದಿಕೊಳ್ಳಲು ಸಮಯ ತೆಗೆದುಕೊಳ್ಳುತ್ತದೆ. ಅದಕ್ಕೆ ಹೊಂದಿಕೊಳ್ಳುವುದು ಅಷ್ಟು ಸುಲಭವಲ್ಲ. ಒಂದಷ್ಟು ತರಬೇತಿ ಹಾಗೂ ಮಾನಸಿಕ ಸಿದ್ಧತೆಗಳೂ ಅವಶ್ಯಕವಿರುತ್ತದೆ ಎಂದು ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ.
ಹೆಚ್ಚಿನ ಸಮಯ ತೆಗೆದುಕೊಳ್ಳಲಾರದು
ಇದೆಲ್ಲಾ ಸುಲಭವಲ್ಲ, ಹಾಗಿದ್ದರೂ ನಾವೆಲ್ಲಾ ವೃತ್ತಿಪರರಾಗಿದ್ದೇವೆ, ಹಲವಾರು ವರ್ಷಗಳಿಂದ ಕ್ರಿಕೆಟ್ ಆಡುತ್ತಿದ್ದೇವೆ. ಹಾಗಿ ಈ ಹಂತಕ್ಕೆ ತಲುಪಿದ್ದೇವೆ. ಹಾಗಾಗಿ ನಮಗೆ ಇದು ತುಂಬಾ ಸಮಯ ತೆಗೆದುಕೊಳ್ಳಲಾರದು. ನಮಗೂ ಇದೊಂದು ಉತ್ತಮ ಸವಾಲಾಗಿದೆ ಎಂದು ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ.
ಕ್ರೀಡಾಪಟುಗಳಿಗೆ ಕಠಿಣ ಸಂದರ್ಭ
ಪ್ರತಿಯೊಬ್ಬರಿಗೂ ಇದು ಹೊಸ ರೀತಿಯ ಸವಾಲಾಗಿದೆ. ಕ್ರೀಡಾಪಟುವಾಗಿ ಇದೊಂದು ಕಠಿಣ ಸಂದರ್ಭ. ಈ ರೀತಿಯ ಸಂದರ್ಭ ಹಿಂದೆಂದೂ ಆಗಿರಲಿಲ್ಲ. ಕ್ರಿಕೆಟ್ನಿಂದ ನಾವು ಇಷ್ಟು ಸುದೀರ್ಘವಾಗಿ ಯಾವತ್ತೂ ದೂರವಿರಲಿಲ್ಲ. ಆದರೆ ದಿನಚರಿಯ ಜೊತೆಗೆ ಸ್ಪಷ್ಟ ಮನಸ್ಥಿತಿ ಹೊಂದಿದ್ದರೆ ಮತ್ತೆ ಸಾಮಾನ್ಯ ಆಟದ ಸ್ಥಿತಿಗೆ ಬರಲು ತುಂಬಾ ಸಮಯ ತೆಗದುಕೊಳ್ಳಲಾರದು ಎನಿಸುತ್ತಿದೆ ಎಂದು ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ.
ಹೇಗಿತ್ತೋ ಹಾಗೆಯೇ ಇರಲಿ
ಮತ್ತೆ ಕ್ರಿಕೆಟ್ ಆರಂಭವಾದಾಗ ಯಾವುದೇ ಹೊಸ ಬದಲಾವಣೆಯನ್ನು ತಾನು ಬಯಸುವುದಿಲ್ಲ ಎಂದು ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ. ಹೊಸದಾಗಿ ಯಾವುದೇ ನಿರ್ಬಂಗಳನ್ನು ಹೊಂದುವುದು ಇಷ್ಟವಿಲ್ಲ. ಕೊರೊನ ವೈರಸ್ಗೂ ಮುನ್ನ ಕ್ರಿಕೆಟ್ ಹೇಗೆ ಇತ್ತೋ ಹಾಗೆಯೇ ಮುಂದುವರಿಯಲಿ ಎಂದು ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ.