ಜಾದೂಗಾರನಾಗಿ ಬದಲಾದ ಶ್ರೇಯಸ್ ಐಯ್ಯರ್: ವೈರಲ್ ವೀಡಿಯೋ

ನವದೆಹಲಿ, ಮಾರ್ಚ್ 21: ಟೂರ್ನಿಗಳಲ್ಲಿ ಬ್ಯುಸಿಯಾಗಿರಬೇಕಾದ ಕ್ರಿಕೆಟಿಗರೆಲ್ಲ ಅನಿವಾರ್ಯ ಬಿಡುವನ್ನು ಅನುಭವಿಸುತ್ತಿದ್ದಾರೆ. ಕೊರೊನಾವೈರಸ್‌ನಿಂದಾಗಿ ವಿಶ್ವದಾದ್ಯಂತ ಯಾವುದೇ ಕ್ರೀಡಾಸ್ಪರ್ಧೆಗಳೂ ನಡೆಯುತ್ತಿಲ್ಲವಾದ್ದರಿಂದ ಬಹುತೇಕ ಕ್ರೀಡಾಪಟುಗಳು ಬಿಡುವನ್ನು ವಿಭಿನ್ನವಾಗಿ ಕಳೆಯುತ್ತಿದ್ದಾರೆ.

ಕ್ರಿಕೆಟ್‌ ಆಡುವಂತಿದ್ದರೆ ಐಪಿಎಲ್‌ನಲ್ಲಿ ಸುನಿಲ್ ಛೆಟ್ರಿ ಈ ತಂಡಕ್ಕೆ ಆಡುತ್ತಿದ್ದರಂತೆ!

ಮೂರು ಪಂದ್ಯಗಳ ಏಕದಿನ ಸರಣಿಗಾಗಿ ಭಾರತಕ್ಕೆ ಪ್ರವಾಸ ಬಂದಿದ್ದ ದಕ್ಷಿಣ ಆಫ್ರಿಕಾ ತಂಡ, ಆತಿಥೇಯ ಭಾರತದ ವಿರುದ್ಧ ಒಂದೇ ಒಂದು ಪಂದ್ಯವನ್ನಾಡಲಾಗಿರಲಿಲ್ಲ. ಆರಂಭಿಕ ಪಂದ್ಯ ಮಳೆಯಿಂದಾಗಿ ರದ್ದಾದ ಬೆನ್ನಲ್ಲೇ ಕೊರೊನಾವೈರಸ್‌ನಿಂದಾಗಿ ಇನ್ನೆರಡು ಪಂದ್ಯಗಳೂ ರದ್ದಾಗಿಬಿಟ್ಟವು.

ಜನತಾ ಕರ್ಫ್ಯೂ ಸಾಲಲ್ಲ: ಮೋದಿಗೆ ಭಾರತದ ಮಾಜಿ ಆಟಗಾರನ ಸಲಹೆ

ಹಾಗಾದರೆ ಬಿಡುವಿನಲ್ಲಿರುವ ಟೀಮ್ ಇಂಡಿಯಾ ಆಟಗಾರರು ಏನು ಮಾಡುತ್ತಿದ್ದಾರೆ?. ಬಹುತೇಕ ಕ್ರಿಕೆಟಿಗರು ಕೊರೊನಾವೈರಸ್‌ ಬಗ್ಗೆ ಮುನ್ನೆಚ್ಚರಿಕೆ ವಹಿಸುವಂತೆ ಸೂಚಿಸುತ್ತಿದ್ದರೆ, ಯುವ ಬ್ಯಾಟ್ಸ್‌ಮನ್ ಶ್ರೇಯಸ್ ಐಯ್ಯರ್ ಮಾತ್ರ ಮಾಂತ್ರಿಕನಾಗಿ ಬದಲಾಗಿಬಿಟ್ಟಿದ್ದಾರೆ.

'ಆತ ಅದ್ಭುತ ಬ್ಯಾಟ್ಸ್‌ಮನ್': ತನ್ನ ನೆಚ್ಚಿನ ಕ್ರಿಕೆಟಿಗನ ಹೆಸರಿಸಿದ ಡೇಲ್ ಸ್ಟೇನ್

ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಬಿಸಿಸಿಐ ಒಂದು ವೀಡಿಯೋವನ್ನು ಶೇರ್ ಮಾಡಿಕೊಂಡಿದೆ. ಸುಮಾರು 91 ಸೆಕೆಂಡ್‌ಗಳ ಈ ವಿಡಿಯೋದಲ್ಲಿ ಶ್ರೇಯಸ್ ಇಸ್ಪೀಟ್ ಕಾರ್ಡ್‌ಗಳನ್ನು ಬಳಸಿ ಮ್ಯಾಜಿಕ್ ಮಾಡುವ ಪ್ರಯತ್ನ ಮಾಡಿದ್ದಾರೆ. ಶ್ರೇಯಸ್ ಐಯ್ಯರ್ ಜೊತೆಯಲ್ಲಿ ಅವರ ಸಹೋದರಿ ನತಾಶಾ ಕೂಡ ಇದ್ದಾರೆ.

Trust our in-house magician @ShreyasIyer15 to keep us entertained when we are all indoors 😉👌🎩

Thanks for bringing smiles champ! #TeamIndia 😎 pic.twitter.com/wqusOQm68D

— BCCI (@BCCI) March 21, 2020

ವೀಡಿಯೋ ಜೊತೆಗೆ, 'ನಾವೆಲ್ಲ ಒಳಾಂಗಣದಲ್ಲಿದ್ದಾಗ ನಮ್ಮನ್ನು ಮನರಂಜಿಸೋಕೆ ನಮ್ಮ ಮನೆಯ ಜಾದೂಗಾರ ಶ್ರೇಯಸ್ ಐಯ್ಯರ್ ಇದ್ದಾರೆ ಅನ್ನೋದನ್ನು ನಂಬಿರಿ. ನಮ್ಮ ಮುಖದಲ್ಲಿ ನಗು ತಂದಿದ್ದಕ್ಕೆ ಧನ್ಯವಾದಗಳು ಚಾಂಪಿಯನ್,' ಎಂದು ಬಿಸಿಸಿಐ ಬರೆದುಕೊಂಡಿದೆ.