ಗಿಲ್ ಹೆಸರಿಗೆ ದಾಖಲೆ
ರೋಹಿತ್ ಶರ್ಮಾ ಅವರ ಜೊತೆಗೆ ಎರಡನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದ ಶುಬ್ಮನ್ ಗಿಲ್, 50 ರನ್ ಬಾರಿಸಿ 32.1ನೇ ಓವರ್ನಲ್ಲಿ ಪ್ಯಾಟ್ ಕಮಿನ್ಸ್ ಓವರ್ನಲ್ಲಿ ಕ್ಯಾಮರಾನ್ ಗ್ರೀನ್ಗೆ ಕ್ಯಾಚಿತ್ತು ನಿರ್ಗಮಿಸಿದರು. ಆದರೆ ಅಷ್ಟರಲ್ಲಾಗಲೇ ಗಿಲ್ ಹೆಸರಿನಲ್ಲಿ ಏಷ್ಯಾ ಖಂಡದ ಹೊರತಾಗಿ ಬೇರೆ ದೇಶಗಳಲ್ಲಿ ಭಾರತೀಯ ಅತೀ ಕಿರಿಯ ಆರಂಭಿಕ ಬ್ಯಾಟ್ಸ್ಮನ್ ಒಬ್ಬ 50+ ರನ್ ಗಳಿಸಿದ ದಾಖಲೆ ಸೃಷ್ಠಿಯಾಗಿತ್ತು.
ರವಿ ಶಾಸ್ತ್ರಿ ಮೊದಲಿಗ
ಕ್ರಿಕೆಟ್ನಲ್ಲಿ ಆರಂಭಿಕರಾಗಿ ಆಡಿದ ಅತೀ ಕಿರಿಯ ಭಾರತೀಯ ಬ್ಯಾಟ್ಸ್ಮನ್ ಒಬ್ಬ 50ಕ್ಕೂ ಹೆಚ್ಚು ರನ್ ಗಳಿಸಿದ ದಾಖಲೆ ಪಟ್ಟಿಯಲ್ಲಿ ಈಗ ಭಾರತದ ಮುಖ್ಯ ಕೋಚ್ ಆಗಿರುವ ರವಿ ಶಾಸ್ತ್ರಿ ಮೊದಲಿಗ. 20 ವರ್ಷ 44 ದಿನ ಪ್ರಾಯದವರಾಗಿದ್ದ ಶಾಸ್ತ್ರಿ 1982ರಲ್ಲಿ ಇಂಗ್ಲೆಂಡ್ ವಿರುದ್ಧ 50+ ರನ್ ಗಳಿಸಿದ್ದರು. ಹೀಗಾಗಿ ಏಷ್ಯಾ ಹೊರತಾಗಿ ಬೇರೆ ದೇಶಗಳಿಗೆ ಪ್ರವಾಸ ಹೋಗಿದ್ದಾಗ ಭಾರತೀಯ ಕಿರಿಯ ಬ್ಯಾಟ್ಸ್ಮನ್ ಒಬ್ಬ 50+ ರನ್ ಬಾರಿಸಿದವರ ಪಟ್ಟಿಯಲ್ಲಿ ಶಾಸ್ತ್ರಿ ಮೊದಲ ಸ್ಥಾನದಲ್ಲಿದ್ದಾರೆ.
ಭಾರತೀಯ ಅತೀ ಕಿರಿಯ ಆರಂಭಿಕ ಬ್ಯಾಟ್ಸ್ಮನ್
(ಏಷ್ಯಾ ಖಂಡದ ಹೊರತಾಗಿ ಬೇರೆ ದೇಶಗಳಲ್ಲಿ ಭಾರತೀಯ ಅತೀ ಕಿರಿಯ ಆರಂಭಿಕ ಬ್ಯಾಟ್ಸ್ಮನ್ ಒಬ್ಬ 50+ ರನ್ ಗಳಿಸಿದ ದಾಖಲೆಗಳ ಪಟ್ಟಿ)
* ರವಿ ಶಾಸ್ತ್ರಿ, 20 ವರ್ಷ 44 ದಿನ, ಇಂಗ್ಲೆಂಡ್ನಲ್ಲಿ 1982.
* ಮಾಧವ್ ಆಪ್ಟೆ, 20 ವರ್ಷ, 108 ದಿನ, ವೆಸ್ಟ್ ಇಂಡೀಸ್ನಲ್ಲಿ 1952/53 (ಇವರು ಒಟ್ಟಿಗೆ 4 ಸಾರಿ ಈ ಸಾಧನೆ ಮಾಡಿದ್ದರು).
* ಪೃಥ್ವಿ ಶಾ, 20 ವರ್ಷ 112 ದಿನ, ನ್ಯೂಜಿಲೆಂಡ್, 2019/20
* ಶುಬ್ಮನ್ ಗಿಲ್, 21 ವರ್ಷ 122 ದಿನ, ಆಸ್ಟ್ರೇಲಿಯಾದಲ್ಲಿ 2020/21.