ಯಾವ ಆಟಗಾರರು ಫೇಲ್?
ಬಲ್ಲ ಮಾಹಿತಿಯ ಪ್ರಕಾರ, ಯುವ ವಿಕೆಟ್ ಕೀಪರ್/ಬ್ಯಾಟ್ಸ್ಮನ್ ಸಂಜು ಸ್ಯಾಮ್ಸನ್, ಇಶಾನ್ ಕಿಶನ್, ಬ್ಯಾಟ್ಸ್ಮನ್ ನಿತೀಶ್ ರಾಣಾ, ಆಲ್ ರೌಂಡರ್ ರಾಹುಲ್ ತೆವಾಟಿಯಾ, ವೇಗಿ ಸಿದ್ಧಾರ್ಥ್ ಕೌಲ್, ಜಯದೇವ್ ಉನಾದ್ಕತ್ 2 ಕಿ.ಮೀ. ರನ್ ಫಿಟ್ನೆಸ್ ಟೆಸ್ಟ್ನಲ್ಲಿ ಪಾಸಾಗಿಲ್ಲ.
ಟೆಸ್ಟ್ ಫೇಲಾದರೆ ಏನಾಗುತ್ತದೆ?
'2 ಕಿ.ಮೀ ರನ್ ಫಿಟ್ನೆಸ್ ಟೆಸ್ಟ್ ನೂತನ ಫಿಟ್ನೆಸ್ ಟೆಸ್ಟ್ ಆಗಿರುವುದರಿಂದ ಫೇಲ್ ಆದ ಆಟಗಾರರಿಗೆ ಕೊಂಚ ದಿನ ಬಿಡುವಿನ ಬಳಿಕ ಎರಡನೇ ಅವಕಾಶ ನೀಡಲಾಗುತ್ತದೆ,' ಎಂದು ಬಿಸಿಸಿಐ ಮೂಲ ತಿಳಿಸಿದೆ. ಎರಡನೇ ಪರೀಕ್ಷೆಯಲ್ಲೂ ಫೇಲ್ ಆದರೆ ಇಂಗ್ಲೆಂಡ್ ವಿರುದ್ಧ ಮುಂಬರಲಿರುವ ನಿಯಮಿತ ಓವರ್ಗಳ ಸರಣಿಯಲ್ಲಿ (5 ಟಿ20ಐ ಮತ್ತು 3 ಏಕದಿನ) ಆಟಗಾರರು ಆಡುವ ಅವಕಾಶ ಕಳೆದುಕೊಳ್ಳುವ ಸಾಧ್ಯತೆಯಿರುತ್ತದೆ. ಅಂದ್ಹಾಗೆ ಈ ಟೆಸ್ಟ್ ಬೆಂಗಳೂರಿನ ನ್ಯಾಷನಲ್ ಕ್ರಿಕೆಟ್ ಅಕಾಡೆಮಿ (ಎನ್ಸಿಎ)ಯಲ್ಲಿ ನಡೆಯುತ್ತದೆ.
2018ರಲ್ಲೂ ಟೆಸ್ಟ್ನಲ್ಲಿ ಫೇಲ್
ಸಂಜು ಸ್ಯಾಮ್ಸನ್, ವೇಗಿ ಮೊಹಮ್ಮದ್ ಶಮಿ ಮತ್ತು ಬ್ಯಾಟ್ಸ್ಮನ್ ಅಂಬಾಟಿ ರಾಯುಡು 2018ರಲ್ಲೂ ಯೋ-ಯೋ ಟೆಸ್ಟ್ನಲ್ಲಿ ಫೇಲ್ ಆಗಿದ್ದರು. ಆ ಬಳಿಕ ನಡೆದ ಇಂಗ್ಲೆಂಡ್ ಪ್ರವಾಸ ಸರಣಿಯಲ್ಲಿ ಈ ಮೂವರೂ ಆಟಗಾರರು ಟೀಮ್ ಇಂಡಿಯಾದ ಭಾಗವಾಗಿರಲಿಲ್ಲ. ಮೂವರನ್ನೂ ತಂಡದಿಂದ ಹೊರಗಿಡಲಾಗಿತ್ತು.