ಸ್ಮೃತಿ ಹೆಸರಿಗೆ ವಿಶ್ವದಾಖಲೆ
ಏಕದಿನ ಕ್ರಿಕೆಟ್ನಲ್ಲಿ ಪುರುಷರು ಅಥವಾ ಮಹಿಳೆಯರಲ್ಲಿ ಚೇಸಿಂಗ್ ವೇಳೆ ಸತತ 10ಕ್ಕೂ ಹೆಚ್ಚು ಪಂದ್ಯಗಳಲ್ಲಿ 50+ ರನ್ ದಾಖಲೆ ಮಾಡಿದವರು ಇರಲಿಲ್ಲ. ಆದರೆ ಈಗ ಸ್ಮೃತಿ ಈ ಮೈಲಿಗಲ್ಲು ಸ್ಥಾಪಿಸಿದ್ದಾರೆ. ಲಕ್ನೋ ಪಂದ್ಯದೊಂದಿಗೆ ಸ್ಮೃತಿ ಏಕದಿನದಲ್ಲಿ ಚೇಸಿಂಗ್ ವೇಳೆ ಸತತ 10 ಪಂದ್ಯಗಳಲ್ಲಿ 50+ ರನ್ ರನ್ ಬಾರಿಸಿದ್ದಾರೆ. ಸ್ಮೃತಿಯ ಬ್ಯಾಟಿಂಗ್ ವಿಡಿಯೋವನ್ನು ಐಪಿಎಲ್ ಫ್ರಾಂಚೈಸಿ ರಾಜಸ್ಥಾನ್ ರಾಯಲ್ಸ್ ತನ್ನ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದೆ.
|
ದಾಖಲೆ ಶುರುವಾಗಿದ್ದು..
ಏಕದಿನದಲ್ಲಿ ಚೇಸಿಂಗ್ ವೇಳೆ ಸ್ಮೃತಿ ಮಂಧಾನ 50+ ಗಳಿಸಲು ಆರಂಭಿಸಿದ್ದು 2018ರಿಂದ. ಆವತ್ತು ಆಸ್ಟ್ರೇಲಿಯಾ ವನಿತೆಯರ ವಿರುದ್ಧ ವಡೋದರದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಸ್ಮೃತಿ ಚೇಸಿಂಗ್ ವೇಳೆ ಮೊದಲ ಬಾರಿಗೆ 50+ ರನ್ ಗಳಿಸಿದ್ದರು. ಅಲ್ಲಿಂದ ಇಲ್ಲೀವರೆಗೆ ಚೇಸಿಂಗ್ ವೇಳೆ ಎಲ್ಲಾ ಪಂದ್ಯಗಳಲ್ಲೂ ಸ್ಮೃತಿ 50+ ರನ್ ಗಳಿಸಿದ್ದಾರೆ. ಹಿಂದಿನ 10 ಏಕದಿನ ಪಂದ್ಯಗಳಲ್ಲಿ ಚೇಸಿಂಗ್ ವೇಳೆ ಸ್ಮೃತಿ ಗಳಿಸಿದ ರನ್ ಗಮನಿಸಿದರೆ 67, 52, 86, 53*, 73*, 105, 90*, 63, 74 ಮತ್ತು 80* ಹೀಗಿದೆ.
ಭಾರತಕ್ಕೆ ಭರ್ಜರಿ ಜಯ
* ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ದಕ್ಷಿಣ ಆಫ್ರಿಕಾ ವನಿತಾ ತಂಡ 41 ಓವರ್ಗೆ ಎಲ್ಲಾ ವಿಕೆಟ್ ಕಳೆದು 157 ರನ್ ಗಳಿಸಿತ್ತು.
* ಗುರಿ ಬೆನ್ನತ್ತಿದ ಭಾರತದ ವನಿತಾ ತಂಡ, 28.4 ಓವರ್ಗೆ 1 ವಿಕೆಟ್ ನಷ್ಟದಲ್ಲಿ 160 ರನ್ ಬಾರಿಸಿ 9 ವಿಕೆಟ್ ಗೆಲುವನ್ನಾಚರಿಸಿತು.
* ಭಾರತ ಪರ ಜೂಲನ್ ಗೋಸ್ವಾಮಿ 4, ಮಾನ್ಸಿ ಜೋಶಿ 2, ರಾಜೇಶ್ವರಿ ಗಾಯಕ್ವಾಡ್ 3, ಹರ್ಮನ್ಪ್ರೀತ್ ಕೌರ್ 1 ವಿಕೆಟ್ ಪಡೆದು ಮಿಂಚಿದರು.