ಕ್ರಿಕೆಟ್ ಫೀಲ್ಡ್ಗಿಳಿಯುವ ಆಸೆ
ಭಾರತಕ್ಕೆ ಬಂದಿದ್ದ ಯೋಹಾನ್ ಬ್ಲೇಕ್, ರೋಡ್ ಸೇಫ್ಟಿ ವರ್ಲ್ಡ್ ಸೀರೀಸ್ ಟಿ20 ಲೀಗ್ ಪ್ರಚಾರದಲ್ಲಿ ಪಾಲ್ಗೊಂಡಿದ್ದರು. ಈ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ್ದ ಅವರು, ತಾನು ಓಟಕ್ಕೆ ನಿವೃತ್ತಿ ನೀಡಿದ ಬಳಿಕ ಕ್ರಿಕೆಟ್ ರಂಗದಲ್ಲಿ ವೃತ್ತಿ ಬದುಕು ಕಂಡುಕೊಳ್ಳಲು ಬಯಸಿರುವುದಾಗಿ ಹೇಳಿದರು.
ವೆಸ್ಟ್ ಇಂಡೀಸ್ ಪರ ಆಡುತ್ತಿಲ್ಲ
ಆದರೆ ಈ ಜಮೈಕನ್ ಅಥ್ಲೀಟ್ ಬ್ಲೇಕ್ಗೆ ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡದಲ್ಲಿ ಆಡಲು ಆಸೆಯಿಲ್ಲ. ಬದಲಾಗಿ ಫ್ರಾಂಚೈಸಿ ಕ್ರಿಕೆಟ್ನಲ್ಲಿ ಆಡುವಾಸೆ. 'ಟ್ರ್ಯಾಕ್ ಆ್ಯಂಡ್ ಫೀಲ್ಡ್ನಲ್ಲಿ ನಾನು ಇನ್ನೊಂದೆರಡು ವರ್ಷ ಇರಲಿದ್ದೇನೆ. ಅನಂತರ ಕ್ರಿಕೆಟ್ಗೆ ಬರಲಿದ್ದೇನೆ. ಆದರೆ ನಾನು ವೆಸ್ಟ್ ಇಂಡೀಸ್ ಪರ ಆಡುತ್ತಿಲ್ಲ. ಬದಲಿಗೆ ಫ್ರಾಂಚೈಸಿ ಕ್ರಿಕೆಟ್ನಲ್ಲಿ ಆಡಬಯಸಿದ್ದೇನೆ,' ಎಂದು ಬ್ಲೇಕ್ ತಿಳಿಸಿದ್ದಾರೆ.
ಭಾರತದಲ್ಲಿ ಸ್ವಂತ ಫ್ರಾಂಚೈಸಿ?
'ಫ್ರಾಂಚೈಸಿ ಕ್ರಿಕೆಟ್ ಅಂದರೆ ಅದರಲ್ಲೂ ಭಾರತದಲ್ಲಿ ತನ್ನದೇ ಒಂದು ಕ್ರಿಕೆಟ್ ಫ್ರಾಂಚೈಸಿ ಹೊಂದಲು ಇಷ್ಟಪಟ್ಟಿದ್ದೇನೆ. ಮುಖ್ಯವಾಗಿ ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ಪರ ಅಥವಾ ರಾಯಲ್ ಚಾಲೆಂರ್ಸ್ ಬೆಂಗಳೂರು (ಆರ್ಸಿಬಿ) ಪರ ಆಡಲು ಬಯಸಿದ್ದೇನೆ,' ಎಂದು ಬ್ಲೇಕ್ 'ಮಿಡ್-ಡೇ' ಜೊತೆ ಹೇಳಿಕೊಂಡಿದ್ದಾರೆ.
ಬೆಂಗಳೂರು ತಂಡವೆಂದರೆ ಇಷ್ಟ
'ಕ್ರಿಸ್ ಗೇಲ್ ದೀರ್ಘ ಕಾಲದಿಂದ ಐಪಿಎಲ್ ನಲ್ಲಿ ಆಡುತ್ತಿದ್ದಾರೆ. ನನಗೆ ಬೆಂಗಳೂರು ತಂಡವೆಂದರೆ ಇಷ್ಟ. ಅದರಲ್ಲೂ ವಿರಾಟ್ ಕೊಹ್ಲಿ, ಎಬಿ ಡಿ ವಿಲಿಯರ್ಸ್ ಹೆಚ್ಚು ಅಚ್ಚುಮೆಚ್ಚು. ಹಾಗೇ ಕೋಲ್ಕತ್ತಾ ತಂಡವೂ ಇಷ್ಟ. ಯಾಕೆಂದರೆ ಗೇಲ್ ಆ ತಂಡದ ಪರವೂ ಆಡಿದ್ದರು,' ಎಂದು ಯೋಹಾನ್ ಹೇಳಿದ್ದಾರೆ.ಸದ್ಯ ಬ್ಲೇಕ್ ದೋಹಾ ವರ್ಲ್ಡ್ ಚಾಂಪಿಯನ್ಷಿಪ್ಗೆ ತಯಾರಿ ನಡೆಸುತ್ತಿದ್ದಾರೆ.