ಕೊಲಂಬೋ, ಫೆಬ್ರವರಿ 5: ಪ್ರಥಮದರ್ಜೆ ಕ್ರಿಕೆಟ್ನ ಒಂದೇ ಪಂದ್ಯದಲ್ಲಿ ಎರಡೆರಡು ದ್ವಿಶತಕ ಬಾರಿಸಿದ ಅಪರೂಪದ ದಾಖಲೆಯನ್ನು ಶ್ರೀಲಂಕಾ ಆಟಗಾರ ಏಂಜೆಲೋ ಪೆರೆರಾ ಅವರು ಮಾಡಿದ್ದಾರೆ. ನಂದಿಸ್ಕ್ರಿಪ್ಟ್ಸ್ ಕ್ರಿಕೆಟ್ ಕ್ಲಬ್ (ಎಸ್ಸಿಸಿ) ತಂಡದ ನಾಯಕರಾಗಿರುವ ಏಂಜೆಲೋ, ವಿಶಿಷ್ಟ ದಾಖಲೆಗೆ ಕಾರಣರಾಗಿದ್ದಾರೆ.
ಐಪಿಎಲ್: ಆರ್ಸಿಬಿ ಆಟಗಾರರಿಗೆ ಕಂಡೀಷನಿಂಗ್ ಕ್ಯಾಂಪ್, ಯೋ ಯೋ ಟೆಸ್ಟ್!
ಏಂಜೆಲೋ ಪೆರೆರಾ ಅವರು ಸಿಂಹಳೀಸ್ ಸ್ಪೋರ್ಟ್ಸ್ ಕ್ಲಬ್ (ಎಸ್ಎಸ್ಸಿ) ವಿರುದ್ಧದ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ನಲ್ಲಿ 201, ದ್ವಿತೀಯ ಇನ್ನಿಂಗ್ಸ್ನಲ್ಲಿ 231 ರನ್ ಬಾರಿಸಿದರು. ಇದರೊಂದಿಗೆ ಈ ಅಪರೂಪದ ಸಾಧನೆ ಮೆರೆದ ಶ್ರೀಲಂಕಾದ ಮೊದಲನೇ ಬ್ಯಾಟ್ಸ್ಮನ್ ಮತ್ತು ವಿಶ್ವದ ಎರಡನೇ ಆಟಗಾರ ಹಿರಿಮೆಗೆ ಪೆರೆರಾ ಪಾತ್ರರಾಗಿದ್ದಾರೆ.
Record Alert : NCC Captain Angelo Perera becomes the first Sri Lankan first class cricketer to score 2 Double hundreds in the same match. 201 & 213* (still batting) against SSC. He is also possibly the 2nd Cricketer ever to achieve this stupendous feat in First Class Cricket pic.twitter.com/nXVs0Vg3fM
— Azzam Ameen (@AzzamAmeen) February 3, 2019
ಇದಕ್ಕೂ ಮುನ್ನ 1938ರಲ್ಲಿ ಕೆಂಟ್ ಕೌಂಟಿ ಕ್ರಿಕೆಟ್ ಕ್ಲಬ್ ಪ್ರತಿನಿಧಿಸಿದ್ದ ಇಂಗ್ಲೆಂಡ್ನ ಆರ್ಥರ್ ಫ್ಯಾಗ್ ಅವರು ಎಸೆಕ್ಸ್ ತಂಡದ ವಿರುದ್ಧ ಎರಡು ದ್ವಿಶತಕಗಳನ್ನು ಬಾರಿಸಿದ್ದರು. ಆರ್ಥರ್ ಅವರು ಮೊದಲ ಇನ್ನಿಂಗ್ಸ್ನಲ್ಲಿ 244 ರನ್ ಮತ್ತು ದ್ವಿತೀಯ ಇನ್ನಿಂಗ್ಸ್ನಲ್ಲಿ ಅಜೇಯ 202 ರನ್ ಬಾರಿಸಿದ್ದರು.
ಶ್ರೀಲಂಕಾದ 10 ವಿಕೆಟ್ ಮುರಿದ ಸ್ಟಾರ್ಕ್, ಆಸೀಸ್ ಮಡಿಲಿಗೆ ಟೆಸ್ಟ್ ಸರಣಿ!
ಜನವರಿ 31ರಿಂದ ಫೆಬ್ರವರಿ 3ರ ವರೆಗೆ ನಡೆದ ಎನ್ಸಿಸಿ vs ಎಸ್ಎಸ್ಸಿ ಪ್ರಥಮದರ್ಜೆ ಪಂದ್ಯದಲ್ಲಿ ಏಂಜೆಲೋ ಈ ದಾಖಲೆ ಮಾಡಿದ್ದಾರೆ. ಪಂದ್ಯ ಡ್ರಾದೊಂದಿಗೆ ಅಂತ್ಯಗೊಂಡಿತಾದರೂ 28ರ ಹರೆಯದ ಏಂಜೆಲೋ ಪೆರೆರಾ ಇತಿಹಾಸ ಪುಸ್ತಕದಲ್ಲಿ ಹೆಸರು ಗಿಟ್ಟಿಸಿಕೊಂಡಿದ್ದಾರೆ.