ಲಂಡನ್, ಮೇ 18: ಮೇ 30ರಿಂದ ಜುಲೈ 14ರ ವರೆಗೆ ಇಂಗ್ಲೆಂಡ್ ಮತ್ತು ವೇಲ್ಸ್ ನಲ್ಲಿ ನಡೆಯಲಿರುವ ವಿಶ್ವಕಪ್ ಕ್ರಿಕೆಟ್ಗಾಗಿ ಇಂಟರ್ ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಅಧಿಕೃತ ಗೀತೆಯನ್ನು ಬಿಡುಗಡೆಗೊಳಿಸಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಹರಿದಾಡುತ್ತಿದೆ.
ಕುಂಬ್ಳೆ ಪ್ರಕಾರ ವಿಶ್ವಕಪ್ನಲ್ಲಿ ಈ ತಂಡ ಖಂಡಿತಾ ಸೆ.ಫೈನಲ್ ಪ್ರವೇಶಿಸಲಿದೆ!
ಲಾರಿನ್ ಮತ್ತು ಯುನೈಟೆಡ್ ಕಿಂಗ್ಡಮ್ನ ಯಶಸ್ವಿ ಬ್ಯಾಂಡ್ ರೂಡಿಮೆಂಟಲ್ ಸಹಯೋಗದಲ್ಲಿ 'ಸ್ಟ್ಯಾಂಡ್ ಬೈ' ಹೆಸರಿನ ಅಧಿಕೃತ ಗೀತೆಯನ್ನು 'ಕ್ರಿಕೆಟ್ ವರ್ಲ್ಡ್ ಕಪ್' ಮೇ 17ರಂದು ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದೆ. ಟೂರ್ನಿಯುದ್ದಕ್ಕೂ ಕೇಳಿಬರಲಿರುವ ಈ ಗೀತೆ, ಮಂದಿಯನ್ನು ಕ್ರಿಕೆಟ್ ಗುಂಗಿನತ್ತ ಎಳೆಯಲಿದೆ.
🎶 The Official #CWC19 Song is here! 🎶
— Cricket World Cup (@cricketworldcup) May 17, 2019
'Stand By' from @thisisloryn & @Rudimental is out now!https://t.co/6cgKKOOpBY
ಮೇ 30ರಂದು ಆರಂಭಗೊಳ್ಳುವ ವಿಶ್ವಕಪ್ ಟೂರ್ನಿ, ಜುಲೈ 14ರಂದು ಫೈನಲ್ನೊಂದಿಗೆ ಅಂತ್ಯ ಹಾಡಲಿದೆ. ಸೆಮಿಫೈನಲ್ ಪಂದ್ಯಗಳು ಮ್ಯಾನ್ಚೆಸ್ಟರ್ನ ಓಲ್ಡ್ ಟ್ರ್ಯಾಫೋರ್ಡ್ ಮತ್ತು ಬರ್ಮಿಂಹ್ಯಾಮ್ನ ಎಜ್ಬಾಸ್ಟನ್ನಲ್ಲಿ ಜುಲೈ 9 ಮತ್ತು 11ರಂದು ನಡೆಯಲಿದೆ. ಪ್ರಶಸ್ತಿ ಪಂದ್ಯ ಲಾರ್ಡ್ಸ್ನಲ್ಲಿ ನಡೆಯಲಿದೆ.
ವಿಶ್ವಕಪ್ ಬ್ಯಾಟಿಂಗ್ ಕ್ರಮಾಂಕದ ಚರ್ಚೆ: ಬಾಯ್ಬಿಚ್ಚಿದ ಕೆಎಲ್ ರಾಹುಲ್
ವಿಶ್ವದ ಒಟ್ಟು 10 ತಂಡಗಳು ಟೂರ್ನಿಯಲ್ಲಿ ಸೆಣಸಾಡಲಿದ್ದು,. ಪ್ರತಿಯೊಂದು ತಂಡವೂ ಲೀಗ್ನಲ್ಲಿ ಪರಸ್ಪರ ಒಂದು ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. 45 ಪಂದ್ಯಗಳ ಬಳಿಕ ಅಗ್ರ ನಾಲ್ಕು ಸ್ಥಾನಗಳಲ್ಲಿ ಉಳಿಯುವ ತಂಡಗಳು ಎರಡು ಸೆಮಿಫೈನಲ್ ಸವಾಲು ಸ್ವೀಕರಿಸಲಿವೆ.