ವಿಷಾದ ವ್ಯಕ್ತಪಡಿಸಿದ ಬಕ್ನರ್
ಈ ಬಗ್ಗೆ ಇದೀಗ ಮಾತನಾಡಿರುವ ಸ್ಟೀವ್ ಬಕ್ನರ್ ತನ್ನ ತೀರ್ಪು ತಪ್ಪಾಗಿದ್ದರ ಬಗ್ಗೆ ವಿಷಾದವನ್ನು ವ್ಯಕ್ತಪಡಿಸಿದ್ದಾರೆ. ಅಂದು ಜೇಸನ್ ಗಿಲೆಸ್ಪಿ ಅವರ ಬೌಲಿಂಗ್ನಲ್ಲಿ ಸಚಿನ್ ಪ್ಯಾಡ್ಸ್ಗೆ ಬಡಿದಿದ್ದ ಚೆಂಡು ಬಹುಶಃ ಸ್ಟಂಪ್ಸ್ನಿಂದ ಮೇಲೆ ಹೋಗುತ್ತಿತ್ತು ಎಂದಿದ್ದಾರೆ.
ಪಾಕ್ ವಿರುದ್ಧವೂ ತಪ್ಪು ಮಾಡಿದ್ದ ಬಕ್ನರ್
ಸಚಿನ್ಗೆ ಎರಡನೇ ಬಾರಿ ತಪ್ಪು ತೀರ್ಪು ನೀಡಿದ್ದು ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ. 2005ರಲ್ಲಿ ಪಾಕಿಸ್ತಾನ ವಿರುದ್ಧ ಈಡನ್ ಗಾರ್ಡನ್ಸ್ನಲ್ಲಿ ನಡೆದ ಪಂದ್ಯದಲ್ಲೂ ಸಚಿನ್, ವೇಗಿ ಅಬ್ದುಲ್ ರಝಾಕ್ ಬೌಲಿಂಗ್ನಲ್ಲಿ ಎಡ್ಜ್ ಮಾಡಿ ಕೀಪರ್ಗೆ ಕ್ಯಾಚ್ ನೀಡಿದ್ದರು ಎಂದು ತಪ್ಪಾಗಿ ಗ್ರಹಿಸಿದ್ದಾಗಿ ಬಾಯ್ಬಿಟ್ಟಿದ್ದಾರೆ.
ತಪ್ಪುಗಳು ಶಾಶ್ವತವಾಗಿ ಉಳಿದು ಬಿಡುತ್ತವೆ!
ಸಚಿನ್ಗೆ ನೀಡಿದ್ದ ಆ ಎರಡೂ ತೀರ್ಪುಗಳು ತಪ್ಪಾಗಿದೆ. ಆದರೆ ಅಂಪಾಯರ್ಗಳು ಎಂದಿಗೂ ತಪ್ಪು ತೀರ್ಪು ನೀಡಬೇಕು ಎಂದು ಬಯಸುವುದಿಲ್ಲ. ಯಾಕೆಂದರೆ ಆ ತಪ್ಪು ತೀರ್ಪುಗಳು ಶಾಶ್ವತವಾಗಿ ಉಳಿದುಕೊಳ್ಳುತ್ತದೆ ಎಂದು ಬಕ್ನರ್ ರೇಡಿಯೋ ಕಾರ್ಯಕ್ರಮವೊಂದಲ್ಲಿ ಹೇಳಿಕೊಂಡಿದ್ದಾರೆ.
ಬದಲಾವಣೆ ಸ್ವಾಗತಾರ್ಹ
ಇನ್ನು ಅಂಪೈರಿಂಗ್ನಲ್ಲಿ ತಾಂತ್ರಿಕವಾಗಿ ಬದಲಾವಣೆಯಾಗಿರುವುದು ಅಂಪೈರ್ಗಳಿಗೆ ಸಹಕಾರಿಯಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಹಿಂದೆ ಅಂಪೈರ್ಗಳು ತಪ್ಪು ತೀರ್ಪನ್ನು ನೀಡಿದರೆ ಬಳಿಕ ಅವರನ್ನು ಇಡೀ ರಾತ್ರಿ ನಿದ್ದೆಗೆಡುವಂತೆ ಮಾಡುತ್ತಿತ್ತು. ಆದರೆ ಈಗ ಹಾಗಿಲ್ಲ, ಕ್ಷಣದಲ್ಲೇ ಅದನ್ನು ತಿದ್ದಿಕೊಂಡು ತೀರ್ಪು ಬದಲಾಯಿಸುವ ಅವಕಾಶವಿದೆ. ಮರು ಕ್ಷಣದಲ್ಲೇ ನಿರಾಳತೆಯನ್ನು ಹೊಂದಬಹುದು ಎಂದು ಬಕ್ನರ್ ಹೇಳಿದ್ದಾರೆ.