Click it and Unblock the Notifications
ಉದ್ದೇಶಪೂರ್ವಕವಾಗಿ ಕೃತ್ಯ
ಸ್ಟೀವ್ ಸ್ಮಿತ್ ಉದ್ದೇಶಪೂರ್ವಕವಾಗಿ ಮಾಡಿರುವ ಈ ಕೃತ್ಯ ವಿಡಿಯೋದಲ್ಲಿ ಸೆರೆಯಾಗಿದೆ. ಬ್ಯಾಟಿಂಗ್‌ಗೆ ಬಂದ ಪಂತ್ ಮತ್ತೆ ಬ್ಯಾಟ್ಸ್ಮನ್ ಲೈನ್ ಎಳೆಯಲು ಮುಂದಾಗಿರುವುದು ವಿಡಿಯೋದಲ್ಲಿ ಕಾಣಿಸಿದೆ. 79.1ನೇ ಓವರ್‌ನಲ್ಲಿ ಪಂತ್ ಅವರು ನೇಥನ್ ಲಿಯಾನ್ ಎಸೆತಕ್ಕೆ ಪ್ಯಾಟ್ ಕಮಿನ್ಸ್‌ಗೆ ಕ್ಯಾಚ್ ನೀಡಿ ನಿರ್ಗಮಿಸುವಾಗ 97 ರನ್ ಬಾರಿಸಿದ್ದರು.
|
ಸ್ಟಂಪ್‌ ಕ್ಯಾಮರಾದಲ್ಲಿ ಸೆರೆ
ಮೊದಲ ಸೆಶನ್‌ ಬಳಿಕ ಡ್ರಿಂಕ್ಸ್‌ ಬ್ರೇಕ್‌ ವೇಳೆ ಆಟ ಕ್ಷಣ ಕಾಲ ನಿಲುಗಡೆಯಾಗಿತ್ತು. ಆಗ ಒಬ್ಬ ಆಟಗಾರ ಸ್ಪಂಪ್‌ ಬಳಿ ಬಂದು ಹೊಂಚು ಹಾಕಿ ಬ್ಯಾಟ್ಸ್ಮನ್ ಹಾಕಿದ್ದ ಮಾರ್ಕ್ ಅಳಿಸಿ ಅಲ್ಲಿಂದ ತೆರಳುತ್ತಾನೆ. ಆ ಬಳಿಕ ಬ್ಯಾಟಿಂಗ್‌ಗೆ ಬರುವ ಪಂತ್ ಮತ್ತೆ ಗೆರೆ ಎಳೆದು ಬ್ಯಾಟಿಂಗ್‌ ಮಾಡುತ್ತಾರೆ. ಈ ದೃಶ್ಯವೆಲ್ಲ ಸ್ಟಂಪ್‌ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮಾರ್ಕ್ ಅಳಿಸುವ ಆಟಗಾರನ ಮುಖ ಕಾಣಿಸುತ್ತಿಲ್ಲ. ಆದರೆ ಅಳಿಸಿದ್ದು ಸ್ಮಿತ್ ಎನ್ನಲಾಗುತ್ತಿದೆ.
ಮುಂದೇನಾಗಲಿದೆ?
ಬ್ಯಾಟ್ಸ್ಮನ್ ಮಾರ್ಕ್ ಅಳಿಸಿ ತಪ್ಪೆಸಗಿರುವ ಸ್ಮಿತ್‌ಗೆ ಮುಂದೇನಾಗಲಿದೆ? ಇಂಟರ್ ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಬಹುಶಃ ಸ್ಮಿತ್‌ಗೆ ಎಚ್ಚರಿಕೆ ನೀಡುವ ನಿರೀಕ್ಷೆಯಿದೆ. ಪಂತ್ ಅವರ ಬ್ಯಾಟಿಂಗ್‌ ಮಾರ್ಕ್ ಅಳಿಸಿದ್ದಕ್ಕಾಗಿ ಸ್ಮಿತ್‌ಗೆ ಐಸಿಸಿ ಎಚ್ಚರಿಕೆ ನೀಡಲಿದೆ. ಮತ್ತೂ ಇಂಥದ್ದು ಜರುಗಿದರೆ ಸ್ಮಿತ್ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವ ಸಾಧ್ಯತೆಯಿದೆ.
ನಿಷೇಧ ಶಿಕ್ಷೆಗೀಡಾಗಿದ್ದ ಸ್ಮಿತ್
ದಕ್ಷಿಣ ಆಫ್ರಿಕಾಕ್ಕೆ ಪ್ರವಾಸ ಹೋಗಿದ್ದ ಆಸ್ಟ್ರೇಲಿಯಾ, ಟೆಸ್ಟ್ ಸರಣಿಯಲ್ಲಿ ಚೆಂಡು ವಿರೂಪ ಪ್ರಕರಣದಲ್ಲಿ ಭಾಗಿಯಾಗಿತ್ತು. ಅಂದು ತಂಡದ ನಾಯಕರಾಗಿದ್ದ ಸ್ಟೀವ್ ಸ್ಮಿತ್ ಮತ್ತು ಡೇವಿಡ್ ವಾರ್ನರ್ ಪ್ರಕರಣದ ಪ್ರಮುಖ ರುವಾರಿಗಳಾಗಿದ್ದರು. ಚೆಂಡು ವಿರೂಪ ನಡೆಸಿದ್ದಕ್ಕಾಗಿ ಸ್ಮಿತ್-ವಾರ್ನರ್ ಇಬ್ಬರೂ 29 ಮಾರ್ಚ್ 2018ರಂದು ಕ್ರಿಕೆಟ್ ಆಸ್ಟ್ರೇಲಿಯಾದಿಂದ ಒಂದು ವರ್ಷದ ನಿಷೇಧಕ್ಕೆ ಗುರಿಯಾಗಿದ್ದರು. 2019 ಮಾರ್ಚ್ 29ಕ್ಕೆ ಇಬ್ಬರ ಮೇಲಿನ ನಿಷೇಧ ಕೊನೆಗೊಂಡಿತ್ತು.
