ಮಧ್ಯಮ ಓವರ್ನಲ್ಲಿ ಭಾರತದ ವಿರುದ್ಧ ಬ್ಯಾಟಿಂಗ್ ಸುಲಭವಿಲ್ಲ
ಭಾರತದ ವಿರುದ್ಧ ಮಧ್ಯಮ ಓವರ್ಗಳಲ್ಲಿ ಕಣಕ್ಕಿಳಿದು ಬ್ಯಾಟಿಂಗ್ ನಡೆಸುವುದು ಸುಲಭವಲ್ಲ. ಯಾಕೆಂದರೆ ಭಾರತದ ಸ್ಪಿನ್ನರ್ಗಳು ಕಠಿಣವಾಗಿರುತ್ತಾರೆ. ಆದರೆ ಸ್ಟೀವ್ ಸ್ಮಿತ್ ನಿರಾಯಾಸವಾಗಿ ಬೌಲರ್ಗಳ ಮೇಲೆ ದಂಡೆತ್ತಿ ಹೋಗಿ ಸತತ ಎರಡು ಶತಕವನ್ನು ದಾಖಲಿಸಿದ್ದಾರೆ ಎಂದಿದ್ದಾರೆ.
ಶುದ್ಧ ಶಾಸ್ಟ್ರೀಯವಾದ ಆಟ
"ಇದೊಂದು ಶುದ್ಧ ಶಾಸ್ತ್ರೀಯವಾದ ಆಟವಾಗಿತ್ತು. ಆತ ವಿರಾಟ್ ಕೊಹ್ಲಿಗಿಂತ ತುಂಬಾ ದೂರದಲ್ಲೇನೂ ಇಲ್ಲ. ನಾವು ವಿರಾಟ್ ಕೊಹ್ಲಿಯ ಬಗ್ಗೆ ಯಾವಾಗಲೂ ಮಾತನಾಡುತ್ತೇವೆ. ವಿರಾಟ್ ಕೊಹ್ಲಿ ಯಾವಾಗಲೂ ವಿಶ್ವದ ನಂಬರ್ 1 ಬ್ಯಾಟ್ಸ್ಮನ್ ಆಗಿಯೇ ಮುಂದುವರಿಯುತ್ತಾರೆಯೇ? ಸ್ಮಿತ್ ಅದಕ್ಕಿಂತ ತುಂಬಾ ಹಿಂದೆ ಉಳಿದಿಲ್ಲ. 18 ಓವರ್ಗಳಲ್ಲಿ ಶತಕವನ್ನು ಬಾರಿಸುವುದು ಹಾಗೂ ಸತತವಾಗಿ ಎರಡು ಶತಕವನ್ನು ಬಾರಿಸುವುದು ಸಾಮಾನ್ಯವಾದ ಮಾತಲ್ಲ" ಎಂದು ಗಂಭೀರ್ ಹೇಳಿದ್ದಾರೆ.
ಅಂಕಿಸಂಖ್ಯೆಗಳಲ್ಲಿ ದೊಡ್ಡ ಅಂತರವಿದೆ
"ಹೌದು ವಿರಾಟ್ ಕೊಹ್ಲಿ ಅತ್ಯುತ್ತಮ ಅಂಕಿಸಂಖ್ಯೆಗಳನ್ನು ಹೊಂದಿದ್ದಾರೆ. ಈ ಅಂಕಿಗಳಲ್ಲಿ ವಿರಾಟ್ ಕೊಹ್ಲಿ ಮತ್ತು ಸ್ಮಿತ್ ಮಧ್ಯೆ ತುಂಬಾ ದೊಡ್ಡ ಅಂತರವಿದೆ. ಆದರೆ ಕಳೆದ ಎರಡು ಪಂದ್ಯಗಳಲ್ಲಿ ಸ್ಟೀವ್ ಸ್ಮಿತ್ ಬೀರಿದ ಪರಿಣಾಮವನ್ನು ನೋಡಿ. ಅದು ನಿಜಕ್ಕೂ ನಂಬಲು ಅಸಾಧ್ಯ" ಎಂದು ಗಂಭೀರ್ ವಿವರಿಸಿದ್ದಾರೆ.
ಕೊಹ್ಲಿ ಬಗ್ಗೆ ಗಂಭೀರ್ ನಿರಂತರ ಟೀಕೆ
ಗೌತಮ್ ಗಂಭೀರ್ ವಿರಾಟ್ ಕೊಹ್ಲಿ ಪ್ರದರ್ಶನ ಹಾಗೂ ನಾಯಕತ್ವದ ಬಗ್ಗೆ ಹಲವು ಸಂದರ್ಭಗಳಲ್ಲಿ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ. ಸದ್ಯ ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಸರಣಿಯಲ್ಲಿ ನಾಯಕನಾಗಿ ತೆಗೆದುಕೊಂಡ ನಿರ್ಧಾರಗಳ ಬಗ್ಗೆಯೂ ಪ್ರಶ್ನಿಸಿರುವ ಗಂಭೀರ್ ಕೊಹ್ಲಿಯ ನಿರ್ಧಾರಗಳಿಗೆ ಕಾರಣಗಳೇ ತಿಳಿಯುತ್ತಿಲ್ಲ ಎಂದಿದ್ದರು.