ಜೈಪುರ, ಏಪ್ರಿಲ್ 20: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫ್ರಾಂಚೈಸಿಗಳಲ್ಲಿ ಒಂದಾದ ರಾಜಸ್ಥಾನ್ ರಾಯಲ್ಸ್, ನಾಯಕತ್ವದಿಂದ ಅಜಿಂಕ್ಯ ರಹಾನೆ ಅವರನ್ನು ಕೆಳಗಿಳಿಸಿದೆ. ನೂತನ ನಾಯಕನಾಗಿ ಆಸ್ಟ್ರೇಲಿಯಾ ಆಟಗಾರರಾದ ಸ್ಟೀವ್ ಸ್ಮಿತ್ ಅವರನ್ನು ನೇಮಿಸಲಾಗಿದೆ.
ಐಪಿಎಲ್ 2019: ರಾಜಸ್ಥಾನ್ vs ಮುಂಬೈ ಪಂದ್ಯ, Live Score ಕೆಳಗಿದೆ
2019ರ ಐಪಿಎಲ್ ಸೀಸನ್ನಲ್ಲಿ ಆಡಿರುವ ಒಟ್ಟು 8 ಪಂದ್ಯಗಳಲ್ಲಿ ಕೇವಲ ಎರಡರಲ್ಲಷ್ಟೇ ರಾಯಸ್ಥಾನ್ ರಾಯಲ್ಸ್ ಜಯಿಸಿದೆ. ಸದ್ಯ ಐಪಿಎಲ್ ಅಂಕಪಟ್ಟಿಯಲ್ಲಿ ರಾಸ್ಥಾನ್ ರಾಯಲ್ಸ್ 7ನೇ ಸ್ಥಾನದಲ್ಲಿದೆ. ತಂಡದ ಕಳಪೆ ಪ್ರದರ್ಶನದಿಂದ ಅಜಿಂಕ್ಯ ರಹಾನೆಯವನ್ನು ಕೆಳಗಿಳಿಸಿರುವುದಾಗಿ ಹೇಳಲಾಗಿದೆ.
JUST IN: Steve Smith to replace Ajinkya Rahane as the captain of Rajasthan Royals for the remainder of #IPL2019 pic.twitter.com/zHUon52T5r
— Cricbuzz (@cricbuzz) April 20, 2019
'ಮುಂಬರಲಿರುವ ಐಪಿಎಲ್ ಪಂದ್ಯಗಳಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಆಸ್ಟ್ರೇಲಿಯಾ ಬ್ಯಾಟ್ಸ್ಮನ್ ಸ್ಟಿವ್ ಸ್ಮಿತ್ ಮುನ್ನಡೆಸಲಿದ್ದಾರೆ. ಕಳೆದ ವರ್ಷ ತಂಡ ಪ್ಲೇ ಆಫ್ ಪ್ರವೇಶಿಸುವಲ್ಲಿ ನಾಯಕ ಅಜಿಂಕ್ಯ ರಹಾನೆ ಅದ್ಭುತವಾಗಿ ಶ್ರಮಿಸಿದ್ದರು. ಆದರೆ ಈ ಬಾರಿ ತಂಡ ಮತ್ತೆ ಗೆಲುವಿನ ದಾರಿ ಹಿಡಿಯಲು ಹೊಸ ನಾಯಕನ ಅಗತ್ಯವನ್ನು ಫ್ರಾಂಚೈಸಿ ಬಯಸಿದೆ' ಎಂದು ರಾಜಸ್ಥಾನ್ ಹೇಳಿಕೆಯಲ್ಲಿ ತಿಳಿಸಿದೆ.
ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019: ಎಲ್ಲ ತಂಡಗಳ ಸಂಪೂರ್ಣ ವಿವರ ಇಲ್ಲಿದೆ
ಸದ್ಯ ಐಪಿಎಲ್ ಅಂಕಪಟ್ಟಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕೆಳ ತುದಿಯಲ್ಲಿದೆ. ಅನಂತರ ರಾಜಸ್ಥಾನ ತಂಡವಿದೆ. ಈ ಸಾರಿ ಆಡಿರುವ ಅಷ್ಟೂ ಪಂದ್ಯಗಳಲ್ಲಿ ರಹಾನೆ ಗಮನಾರ್ಹ ಪ್ರದರ್ಶನ ನೀಡಿಲ್ಲ. ಆದರೆ ಸ್ಮಿತ್, ಹಲವಾರು ಪಂದ್ಯಗಳಲ್ಲಿ ತಂಡದ ಗೆಲುವಿಗಾಗಿ ಕೊಸರಾಡಿದ್ದಿದೆ. ಆರ್ಆರ್ ನಾಯಕತ್ವ ಬದಲಾವಣೆಗೆ ಇದೂ ಕಾರಣವಿರಬಹುದು ಎಂಬ ಮಾತುಗಳು ಕೇಳಿ ಬಂದಿವೆ.