ನವದೆಹಲಿ, ನವೆಂಬರ್ 5: ಮುಂಬರಲಿರುವ ಐಪಿಎಲ್ 12ನೇ ಆವೃತ್ತಿಯ ಆಟಗಾರರ ಹರಾಜಿಗೂ ಮುನ್ನ ಶಿಖರ್ ಧವನ್ ಅವರನ್ನು ಡೆಲ್ಲಿ ಡೇರ್ ಡೆವಿಲ್ಸ್ ಫ್ರಾಂಚೈಸಿ ಕೊಂಡುಕೊಂಡಿರುವುದಕ್ಕೆ ಹಣಕಾಸಿನ ವಿಚಾರ ಕಾರಣ ಎಂದು ಸನ್ ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿ ಖಾತರಿಪಡಿಸಿದೆ.
ವಿಸ್ತೃತ ವರದಿ ಇಲ್ಲಿದೆ
ಐಪಿಎಲ್: ತವರು ತಂಡ ಡೆಲ್ಲಿ ಡೇರ್ ಡೆವಿಲ್ಸ್ ಬಳಗಕ್ಕೆ ಮರಳಿದ ಶಿಖರ್ ಧವನ್
ಕಳೆದ ವಾರವೇ ಶಿಖರ್ ಧವನ್ ಸನ್ ರೈಸರ್ಸ್ ತೊರೆದು ಡೆಲ್ಲಿ ಸೇರುತ್ತಿರುವುದಾಗಿ ವರದಿಯಾಗಿತ್ತು. ಅದಕ್ಕೂ ಮುನ್ನ ಧವನ್ ಅವರು ಮುಂಬೈ ಇಂಡಿಯನ್ಸ್ ಸೇರುವ ಮೂಲಕ ಭಾರತ ತಂಡಕ್ಕೆ ಆರಂಭಿಕ ಆಟಗಾರರಾಗಿ ಇಳಿವಂತೆ ಐಪಿಎಲ್ ನಲ್ಲೂ ಆರಂಭಿಕರಾಗಿ ರೋಹಿತ್ ಜೊತೆ ಬ್ಯಾಟ್ ಎತ್ತಿಕೊಳ್ಳುವುದರಲ್ಲಿದ್ದಾರೆ ಎನ್ನಲಾಗಿತ್ತು. ಆದರೆ ಅಂತಿಮವಾಗಿ ಧವನ್ ತನ್ನ ತವರು ಫ್ರಾಂಚೈಸಿ ಡೆಲ್ಲಿಗೇ ಮರಳಿದ್ದಾರೆ.
We have traded Shikhar Dhawan to Delhi Daredevils for Vijay Shankar, Shahbaz Nadeem and Abhishek Sharma. We thank Shikhar for his contribution to the team over the years and wish him the very best. pic.twitter.com/oEqwJ61yw1
— SunRisers Hyderabad (@SunRisers) November 5, 2018
ಧವನ್, ಡೆಲ್ಲಿ ಸೇರಿಕೊಕೊಳ್ಳುತ್ತಿರುವುದು ಕೊಡು-ಕೊಳ್ಳು ವ್ಯಾಪಾರದ ಮೂಲಕ. ಧವನ್ ಗೆ ಬದಲಾಗಿ ಡೆಲ್ಲಿ ಫ್ರಾಂಚೈಸಿ ವಿಜಯ್ ಶಂಕರ್, ಅಭಿಷೇಕ್ ಶರ್ಮಾ ಮತ್ತು ಶಬಾಝ್ ನದೀಮ್ ಅವರನ್ನು ಸನ್ ರೈಸರ್ಸ್ ಗೆ ಮಾರಾಟ ಮಾಡಿದೆ! ಆಟಗಾರರನ್ನು ಬದಲಿಸಿಕೊಳ್ಳುತ್ತಿರುವುದನ್ನು ಸನ್ ರೈಸರ್ಸ್ ಪತ್ರಿಕಾ ಪ್ರಕಟನೆ ಮೂಲಕ ಸೋಮವಾರ (ನ.5) ಖಾತರಿ ಪಡಿಸಿದೆ.