ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಗಾಯ
ಆರ್ಸಿಬಿ ವಿರುದ್ಧದ ಪಂದ್ಯದ ಬೌಲಿಂಗ್ ವೇಳೆ ಮಿಚೆಲ್ ಮಾರ್ಶ್ ಪಾದದ ಗಾಯಕ್ಕೆ ತುತ್ತಾದರು. ಬಳಿಕ ಬೌಲಿಂಗ್ ಮಾಡುವುದು ಮಾರ್ಶ್ ಪಾಲಿಗೆ ಅಸಾಧ್ಯವಾಗಿತ್ತು. ಹೀಗಾಗಿ ಅಂಗಳದಿಂದ ಹೊರಗುಳಿದಿದ್ದರು ಮಿಚೆಲ್ ಮಾರ್ಶ್. ಬಳಿಕ ಬ್ಯಾಟಿಂಗ್ಗೆ ಇಳಿದ ಸಂದರ್ಭದಲ್ಲೂ ಮಾರ್ಶ್ ಸಾಕಷ್ಟು ನೋವು ಅನುಭವಿಸುತ್ತಿರುವುದು ವ್ಯಕ್ತವಾಗಿತ್ತು. ಇದೀಗ ಅವರು ಟೂರ್ನಿಯಿಂದಲೇ ಹೊರಗುಳಿಯಲಿದ್ದಾರೆ ಎಂಬುದನ್ನು ಸನ್ರೈಸರ್ಸ್ ಹೈದರಾಬಾದ್ ತಂಡ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಸ್ಪಷ್ಟಪಡಿಸಿದೆ.
ಬದಲಿ ಆಟಗಾರನ ಘೋಷಣೆ
ಇದೇ ಸಂದರ್ಭದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ ಮಿಚೆಲ್ ಮಾರ್ಶ್ ಸ್ಥಾನಕ್ಕೆ ಬದಲಿ ಆಟಗಾರನನ್ನು ಕೂಡ ಹೆಸರಿಸಿದೆ. ವೆಸ್ಟ್ ಇಂಡೀಸ್ ಟೆಸ್ಟ್ ಕ್ರಿಕೆಟ್ ತಂಡದ ನಾಯಕ ಜೇಸನ್ ಹೋಲ್ಡರ್ ಸನ್ ರೈಸರ್ಸ್ ಮಿಚೆಲ್ ಮಾರ್ಶ್ ಸ್ಥಾನವನ್ನು ತುಂಬಲಿದ್ದಾರೆ. ಐಪಿಎಲ್ನಲ್ಲೂ ಈ ಹಿಂದೆ ಆಡಿದ ಅನುಭವ ಹೊಂದಿದ್ದಾರೆ.
ಸಿಪಿಎಲ್ನಲ್ಲಿ ಹೋಲ್ಡರ್ ತಂಡವೊಂದರ ಕ್ಯಾಪ್ಟನ್
ಜೇಸನ್ ಹೋಲ್ಡರ್ ಕೆರಿಬಿಯನ್ ಪ್ರೀಮಿಯರ್ ಕ್ರಿಕೆಟ್ ಲೀಗ್ನಲ್ಲಿ ಇತ್ತೀಚೆಗೆ ಪಾಲ್ಗೊಂಡು ಬಾರ್ಬಡೋಸ್ ಟ್ರಿಡೆಂಟ್ಸ್ ತಂಡವನ್ನು ಮುನ್ನಡೆಸಿದ್ದಾರೆ. ಸನ್ ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ಈಗ ಮಿಚೆಲ್ ಮಾರ್ಶ್ ಸ್ಥಾನಕ್ಕೆ ಜೆಸನ್ ಹೋಲ್ಡರ್ ಆಯ್ಕೆಯಾಗಿದ್ದಾರೆ.
ಯಾವಾಗ ತಂಡ ಸೇರಲಿದ್ದಾರೆ ಹೋಲ್ಡರ್?
ಸದ್ಯ ತವರಿನಲ್ಲಿರುವ ಹೋಲ್ಡರ್ ಯಾವಾಗ ತಂಡವನ್ನು ಕೂಡಿಕೊಳ್ಳಲಿದ್ದಾರೆ ಎಂಬುದು ಇನ್ನಷ್ಟೇ ಖಚಿತವಾಗಬೇಕಿದೆ. ಯುಎಇಗೆ ತಲುಪಿದ ನಂತರ ಅವರು ಕಡ್ಡಾಯ ಕ್ವಾರಂಟೈನ್ ಅವಧಿಯನ್ನು ಪೂರೈಸಿದ ಬಳಿಕ ಅವರು ತಂಡದ ಬಯೋಬಬಲ್ಗೆ ಸೇರ್ಪಡೆಗೊಳ್ಳಬೇಕಿದೆ. ಹೀಗಾಗಿ ಮುಂದಿನ ಕೆಲ ಪಂದ್ಯಗಳಿಗಂತು ಹೋಲ್ಡರ್ ಲಭ್ಯರಾಗುವುದು ಸಾಧ್ಯವಿಲ್ಲ