ಪುಟಾಣಿಗಳ ವಿಡಿಯೋ ಶೇರ್
ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ವಿಡಿಯೋಗಳಲ್ಲಿ ರಶೀದ್ ಹಂಚಿಕೊಂಡಿರುವ ಪುಟಾಣಿಯ ವಿಡಿಯೋ ಅವರ ಸೋದರ ಸೊಸೆ ಹಸೀನಾಳದ್ದು. ಇನ್ನು ಸುರೇಶ್ ರೈನಾ ಮತ್ತು ಜಾಂಟಿ ರೋಡ್ಸ್ ತಮ್ಮ ತಮ್ಮ ಮಗುವಿನ ವಿಡಿಯೋ ಶೇರ್ ಮಾಡಿದ್ದಾರೆ.
|
ನನ್ನ ಪ್ರೀತಿಯ ಡೋಸ್
ಪುಟಾಣಿ ಮಗುವಿನ ಜೊತೆ ಆಡುತ್ತಿರುವ ವಿಡಿಯೋವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿರುವ ಸುರೇಶ್ ರೈನಾ, 'ಬೆಳಗಿನ ನನ್ನ ಪ್ರೀತಿಯ ಡೋಸ್' ಎಂದು ಬರೆದುಕೊಂಡಿದ್ದಾರೆ. ರೈನಾಗೆ ಗ್ರೇಸಿ ಎನ್ನುವ ಪುತ್ರಿಯಿದ್ದಾರೆ. ಈ ವಿಡಿಯೋದಲ್ಲಿರುವ ಮಗು ರೈನಾ ಪುತ್ರ ರಿಯೋ ರೈನಾ.
|
ಫ್ಲೈಯಿಂಗ್ ಕಿಸ್
ತನ್ನ ಪುಟಾಣಿ ಸೊಸೆಯ ವಿಡಿಯೋವನ್ನು ಟ್ವಿಟರ್ನಲ್ಲಿ ಹಾಕಿಕೊಂಡಿರುವ ರಶೀದ್ ಖಾನ್, 'ನನ್ನ ಮುದ್ದಾದ ಪುಟಾಣಿ ಸೊಸೆ ಹಸೀನಾಳಿಂದ ಸಿಕ್ಕ ಕೆಲ ಫ್ಲೈಯಿಂಗ್ ಕಿಸ್ಗಳು. ಮಿಸ್ ಯೂ ಸೋ ಮಚ್' ಎಂದು ಬರೆದುಕೊಂಡಿದ್ದಾರೆ. ರಶೀದ್ಗೆ ಇನ್ನೂ ಮದುವೆಯಾಗಿಲ್ಲ. ಬಹುಶಃ ಈ ಮಗು ತಂಗಿ ಅಥವಾ ಅಕ್ಕನ ಪುತ್ರಿಯಿರಬೇಕು.
|
ಪುತ್ರನ ಕಸರತ್ತು
ವಿಶ್ವದ ಬೆಸ್ಟ್ ಫೀಲ್ಡರ್ಗಳಲ್ಲಿ ಗುರುತಿಸಿಕೊಂಡಿರುವ ಜಾಂಟಿ ರೋಡ್ಸ್, ತನ್ನ ಪುತ್ರ ದೈಹಿಕ ಕಸರತ್ತು ಮಾಡುತ್ತಿರುವ ವಿಡಿಯೋ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ. 'ಇವತ್ತಿನ ಪಂದ್ಯಕ್ಕೆ ನೇತನ್ ರೋಡ್ಸ್ ವಾರ್ಮ್ ಅಪ್ ನಡೆಸುತ್ತಿದ್ದಾರೆ' ಎಂದು ರೋಡ್ಸ್ ಬರೆದುಕೊಂಡಿದ್ದಾರೆ.