ಚೆನ್ನೈ, ಮೇ 2: ಐಪಿಎಲ್ನಲ್ಲಿ ಅತೀ ಹೆಚ್ಚಿನಸಾರಿ ಅರ್ಧ ಶತಕ ಬಾರಿಸಿ ದಾಖಲೆ ನಿರ್ಮಿಸಿದ್ದ ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ಅವರನ್ನು ಸುರೇಶ್ ರೈನಾ ಹಿಂದಿಕ್ಕಿದ್ದಾರೆ. ಬುಧವಾರ (ಮೇ 1) ನಡೆದ ಚೆನ್ನೈ ಸೂಪರ್ ಕಿಂಗ್ಸ್ vs ಡೆಲ್ಲಿ ಕ್ಯಾಪಿಟಲ್ಸ್ ಪಂದ್ಯದಲ್ಲಿ ರೈನಾ ಈ ಸಾಧನೆ ಮೆರೆದರು.
ಐಪಿಎಲ್: ಡೆಲ್ಲಿ ಕಾಡಿದ ಧೋನಿ-ತಾಹಿರ್-ಜಡೇಜಾ, ಚೆನ್ನೈಗೆ ಸುಲಭ ಜಯ
ಚೆನ್ನೈಯ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದಿದ್ದ ಐಪಿಎಲ್ 50ನೇ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ ಕಣಕ್ಕಿಳಿದಿದ್ದ ಚೆನ್ನೈ ಪರ ರೈನಾ 37 ಎಸೆತಗಳಿಗೆ 59 ರನ್ ಬಾರಿಸಿದರು. ಈ ಪಂದ್ಯದಲ್ಲಿ ಚೆನ್ನೈ ಭರ್ಜರಿ 80 ರನ್ಗಳ ಗೆಲುವು ದಾಖಲಿಸಿತು.
#CSKvDC
— Vinoth vijay (@Vinoth45054053) May 1, 2019
Suresh Raina Set a platform in today match. pic.twitter.com/WFmnxhICIE
ಪಂದ್ಯದಲ್ಲಿ ಐಪಿಎಲ್ 37ನೇ ಅರ್ಧ ಶತಕ ಬಾರಿಸಿದ ರೈನಾ ಅತೀ ಹೆಚ್ಚಿನ ಅರ್ಧ ಶತಕಕ್ಕಾಗಿ ಶಿಖರ್ ಧವನ್ ಜೊತೆ ದ್ವಿತೀಯ ಸ್ಥಾನ ಹಂಚಿಕೊಂಡಿದ್ದಾರೆ. ಧವನ್-ರೈನಾ ಇಬ್ಬರೂ 37 ಐಪಿಎಲ್ ಅರ್ಧ ಶತಕಗಳನ್ನು ಬಾರಿಸಿದ್ದಾರೆ. ಇದೇ ಸಾಧನೆಗಾಗಿ ಡೇವಿಡ್ ವಾರ್ನರ್ ಮೊದಲ ಸ್ಥಾನದಲ್ಲಿದ್ದಾರೆ.
ಭಾರತ ಬಿಟ್ಟು ಹೊರಡೋ ಮುನ್ನ ಭಾವನಾತ್ಮಕ ಸಂದೇಶ ಬರೆದ ವಾರ್ನರ್
ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ತಲಾ 36 ಅರ್ಧ ಶತಕಗಳಿಂದ ಈ ಯಾದಿಯಲ್ಲಿ ತೃತೀಯ ಸ್ಥಾನ ಹಂಚಿಕೊಂಡಿದ್ದಾರೆ. ಐಪಿಎಲ್ ವೃತ್ತಿ ಜೀವನದಲ್ಲಿ ಒಟ್ಟು 44 ಸಾರಿ ಅರ್ಧಶತಕ ಬಾರಿಸಿರುವ ಸನ್ ರೈಸರ್ಸ್ ಹೈದರಾಬಾದ್ ದಾಂಡಿಗ ಡೇವಿಡ್ ವಾರ್ನರ್ ನಂ.1 ಸ್ಥಾನ ಕಾಯ್ದಿರಿಸಿಕೊಂಡಿದ್ದಾರೆ.