ಬ್ರೇಕ್ ದಿ ಬಿಯರ್ಡ್ ಚಾಲೆಂಜ್ ಪೂರೈಸಿದ ಸೂರ್ಯಕುಮಾರ್ ಯಾದವ್ , ಇಸುರು ಉದಾನ

ಬುಧವಾರ ಶೇಖ್ ಜಾಯೆದ್ ಸ್ಟೇಡಿಯಂನಲ್ಲಿ ನಡೆಯಲಿರುವ ಆರ್‌ಸಿಬಿ ಮತ್ತು ಮುಂಬೈ ಇಂಡಿಯನ್ಸ್‌ ನಡುವಿನ ಪಂದ್ಯಕ್ಕೂ ಮೊದಲು ಮುಂಬೈ ಇಂಡಿಯನ್ಸ್ ಬ್ಯಾಟ್ಸ್‌ಮನ್ ಸೂರ್ಯಕುಮಾರ್ ಯಾದವ್ ಹಾಗೂ ಆರ್‌ಸಿಬಿ ಬೌಲರ್ ಇಸುರು ಉದಾನ ಬ್ರೇಕ್ ದಿ ಬಿಯರ್ಡ್ ಚಾಲೆಂಜ್ ಪೂರ್ಣಗೊಳಿಸಿದ್ದಾರೆ.

ಪ್ಲೇ ಆಫ್ ಅರ್ಹತೆ ಪಡೆಯಲು ಎದುರು ನೋಡುತ್ತಿರುವ ಎರಡು ತಂಡಗಳು (ಮುಂಬೈ-ಆರ್‌ಸಿಬಿ) ಅಬುಧಾಬಿಯಲ್ಲಿ ಮುಖಾಮುಖಿಯಾಗುತ್ತಿವೆ. ಇದರ ನಡುವೆ ಉಭಯ ತಂಡದ ಇಬ್ಬರು ಆಟಗಾರರು BreakTheBeard ಕ್ಲಬ್‌ಗೆ ಸೇರ್ಪಡೆಗೊಂಡಿದ್ದಾರೆ.

ಸೂರ್ಯಕುಮಾರ್ ಯಾದವ್, ಅಕ್ಷರ್ ಪಟೇಲ್ ತಪ್ಪಾದ ಯುಗದಲ್ಲಿ ಆಡಿದ್ದಾರೆ: ಮನೋಜ್ ತಿವಾರಿ ಟ್ವೀಟ್

ಶ್ರೀಲಂಕಾದ ವೇಗಿ, ಇಸುರು ಉದಾನ ಫ್ರೆಂಚ್ ಗಡ್ಡದ ಮೂಲಕ ಕಾಣಿಸಿಕೊಂಡಿದ್ದು, ಸೂರ್ಯ ಕುಮಾರ್ ಯಾದವ್ ಫುಲ್‌ ಶೇವ್‌ ಮೂಲಕ ಕ್ಲಾಸಿಯಾಗಿ ಕಾಣುತ್ತಿದ್ದಾರೆ.

ಐಪಿಎಲ್ 2020 ರ 48 ನೇ ಪಂದ್ಯದಲ್ಲಿ ಬುಧವಾರ (ಅಕ್ಟೋಬರ್ 28) ಮುಂಬೈ ಇಂಡಿಯನ್ಸ್ ತಂಡವು ವಿರಾಟ್ ಕೊಹ್ಲಿಯ ನೇತೃತ್ವದ ಆರ್‌ಸಿಬಿಯನ್ನು ಎದುರಿಸಲಿದೆ. ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ತಲಾ 14 ಪಾಯಿಂಟ್ಸ್‌ ಹೊಂದಿದ್ದು, ಗೆಲುವು ಸಾಧಿಸಿದ ತಂಡವು 16 ಪಾಯಿಂಟ್‌ಗಳೊಂದಿಗೆ ಪ್ಲೇ-ಆಫ್ ಪ್ರವೇಶಿಸಲಿದೆ.