1. ಇಶಾನ್ ಕಿಶನ್
ಭಾರತ vs ಇಂಗ್ಲೆಂಡ್ ಟಿ20ಐ ಸರಣಿಯಲ್ಲಿ ಭಾರತದ ಯುವ ಬ್ಯಾಟ್ಸ್ಮನ್, ಮುಂಬೈ ಇಂಡಿಯನ್ಸ್ನ ಇಶಾನ್ ಕಿಶಾನ್ ಪಾದಾರ್ಪಣೆ ಮಾಡಿದ್ದರು. ಅಹ್ಮದಾಬಾದ್ನಲ್ಲಿ ನಡೆದಿದ್ದ ದ್ವಿತೀಯ ಟಿ20ಐ ಪಂದ್ಯದಲ್ಲಿ ಶಿಖರ್ ಧವನ್ ಬದಲಿಗೆ ಕಿಶನ್ಗೆ ಅವಕಾಶ ನೀಡಲಾಗಿತ್ತು. ಅಂದು ಭಾರತ ಪರ ಚೊಚ್ಚಲ ಅಂತಾರಾಷ್ಟ್ರೀಯ ಪಂದ್ಯ ಆಡಿದ್ದ ಕಿಶನ್ 32 ಎಸೆತಗಳಲ್ಲಿ 56 ರನ್ ಸಿಡಿಸಿದ್ದರು. ಇದರಲ್ಲಿ 5 ಫೋರ್ಸ್, 4 ಸಿಕ್ಸರ್ ಸೇರಿತ್ತು. ಅಷ್ಟೇ ಅಲ್ಲ ಕೇವಲ 28 ಎಸೆತಗಳಲ್ಲಿ ಕಿಶನ್ ಅರ್ಧ ಶತಕ ಚಚ್ಚಿದ್ದರು.
2. ಸೂರ್ಯಕುಮಾರ್ ಯಾದವ್
ಭಾರತ ತಂಡದಲ್ಲಿ ಅವಕಾಶ ನೀಡಬೇಕು ಎಂಬ ಮಾತುಗಳು ಕೇಳಲಾರಂಭಿಸಿ ಬಹು ಕಾಲದ ಬಳಿಕ ಕಡೇಗೂ ಸೂರ್ಯಕುಮಾರ್ ಯಾದವ್ ಭಾರತ ತಂಡದ ಪರ ಕಣಕ್ಕಿಳಿದಿದ್ದರು. ಇಂಗ್ಲೆಂಡ್ ಸರಣಿಯ 4ನೇ ಟಿ20ಐನಲ್ಲಿ ಯಾದವ್ ಚೊಚ್ಚಲ ಅಂತಾರಾಷ್ಟ್ರೀಯ ಪಂದ್ಯ ಆಡಿದ್ದರು. ಈ ವೇಳೆ 31 ಎಸೆತಗಳಲ್ಲಿ 57 ರನ್ ಕೊಡುಗೆ ತಂಡಕ್ಕೆ ನೀಡಿದ್ದರು. ಇದರಲ್ಲಿ 6 ಫೋರ್ಸ್, 3 ಸಿಕ್ಸರ್ ಸೇರಿತ್ತು. ಅಲ್ಲದೆ, ಮೊದಲ ಅಂತಾರಾಷ್ಟ್ರೀಯ ಪಂದ್ಯದಲ್ಲೇ ಯಾದವ್ 28 ಎಸೆತಗಳಲ್ಲಿ ಅರ್ಧ ಶತಕ ಬಾರಿಸಿದ್ದರು.
3. ಕೃನಾಲ್ ಪಾಂಡ್ಯ
ಭಾರತದ ಆಲ್ ರೌಂಡರ್ಗಳಾದ ಹಾರ್ದಿಕ್ ಪಾಂಡ್ಯ ಮತ್ತು ಕೃನಾಲ್ ಪಾಂಡ್ಯ ಇಬ್ಬರೂ ಮುಂಬೈ ಇಂಡಿಯನ್ಸ್ ಪರ ಆಡುತ್ತಾರೆ. ತಮ್ಮ ಹಾರ್ದಿಕ್ ಏಕದಿನದಲ್ಲಿ ಕಾಣಿಸಿಕೊಂಡ ಎಷ್ಟೋ ಸಮಯದ ಬಳಿಕ ಅಣ್ಣ ಕೃನಾಲ್ ಏಕದಿನ ಪ್ಲೇಯಿಂಗ್ XIನಲ್ಲಿ ಕಾಣಿಸಿಕೊಂಡಿದ್ದರು. ಇಂಗ್ಲೆಂಡ್ ವಿರುದ್ಧ ಮೊದಲ ಏಕದಿನ ಪಂದ್ಯದಲ್ಲಿ ಕಣಕ್ಕಿಳಿದಿದ್ದ ಕೃನಾಲ್ 31 ಎಸೆತಗಳಿಗೆ ಅಜೇಯ 58 ರನ್ ಬಾರಿಸಿದ್ದರು (7 ಫೋರ್, 2 ಸಿಕ್ಸರ್). ಕೃನಾಲ್ ಕೂಡ ಈ ಪಂದ್ಯದಲ್ಲಿ 26 ಎಸೆತಗಳಲ್ಲಿ ಅರ್ಧ ಶತಕ ಪೂರೈಸಿದ್ದರು.