ಮತ್ತೆ ಗಾಯಕ್ವಾಡ್ ವಿಫಲ; ಸಂಜು, ಹೂಡಾ ಆಸರೆ
ಇನ್ನು 150 ರನ್ಗಳ ಗುರಿಯನ್ನು ಪಡೆದ ಭಾರತ ತಂಡ ಆರಂಭಿಕ ಆಟಗಾರ ಋತುರಾಜ್ ಗಾಯಕ್ವಾಡ್ ಅವರನ್ನು ಶೀಘ್ರವಾಗಿ ಕಳೆದುಕೊಂಡಿತು. ಈ ಮೂಲಕ ತಮ್ಮ ಕಳಪೆ ಪ್ರದರ್ಶನ ಮುಂದುವರಿದಿದ್ದಾರೆ ಗಾಯಕ್ವಾಡ್. ನಂತರ ಜೊತೆಯಾದ ಸಂಜು ಸ್ಯಾಮ್ಸನ್ ಹಾಗೂ ದೀಪ್ ಹೂಡಾ 51 ರನ್ಗಳ ಉತ್ತಮ ಜೊತೆಯಾಟ ನೀಡಿದರು. ಈ ಜೋಡಿ ಬೇರ್ಪಟ್ಟ ಬಳಿಕ ಹೂಡಾ ಜೊತೆ ಸೇರಿದ ಸೂರ್ಯಕುಮಾರ್ ಯಾದವ್ ಗೆಲುವಿನ ಸನಿಹಕ್ಕೆ ತಲುಪಿಸಿದರು.
ಸಿಕ್ಕ ಅವಕಾಶ ಭರ್ಜರಿಯಾಗಿ ಬಳಸಿಕೊಳ್ಳುತ್ತಿರುವ ಹೂಡಾ
ಇನ್ನು ದೀಪಕ್ ಹೂಡಾ ಇತ್ತೀಚೆಗೆ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಈ ಬಾರಿಯ ಐಪಿಎಲ್ನಲ್ಲಿ ನಿಡಿದ ಅದ್ಭುತ ಪ್ರದರ್ಶನದ ಬಳಿಕ ಭಾರತ ತಂಡದಲ್ಲಿ ಸ್ಥಾನ ಪಡೆದುಕೊಂಡ ದೀಪಕ್ ಹೂಡಾ ಐರ್ಲೆಂಡ್ ವಿರುದ್ಧಧ ಸರಣಿಯಲ್ಲಿ ತಮ್ಮ ಚೊಚ್ಚಲ ಟಿ20 ಶತಕ ಬಾರಿಸಿ ಸಂಭ್ರಮಿಸಿದ್ದಾರೆ. ಇದೀಗ ಈ ಫಾರ್ಮ್ಅನ್ನು ಅಭ್ಯಾಸ ಪಂದ್ಯದಲ್ಲಿಯೂ ಮುಂದುವರಿಸಿದ್ದು ಎಲ್ಲರ ಗಮನ ತಮ್ಮತ್ತ ಸೆಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಡರ್ಬಿಶೈರ್ ವಿರುದ್ಧದ ಪಂದ್ಯದಲ್ಲಿ 59 ರನ್ಗಳಿಸಿದರು ಇವರಿಗೆ ಉತ್ತಮವಾಗಿ ಸಾಥ್ ನೀಡಿದ ಸೂರ್ಯಕುಮಾರ್ ಯಾದವ್ 36 ರನ್ ಗಳಿಸಿದ್ದಾರೆ.
ಗಮನಸೆಳೆದ ಯುವ ಬೌಲಿಂಗ್ ಪಡೆ
ಇನ್ನು ಈ ಪಂದ್ಯದಲ್ಲಿ ಭಾರತದ ಬೌಲಿಂಗ್ ವಿಭಾಗ ಸಂಪೂರ್ಣ ಯುವ ಆಟಗಾರರಿಂದಲೇ ತುಂಬಿತ್ತು ಎಂಬುದು ಗಮನಾರ್ಹ. ಭಾರತದ ಈ ಯುವ ಆಟಗಾರರು ಅದ್ಭುತ ಪ್ರದರ್ಶನ ನೀಡುವಲ್ಲಿ ಯಶಸ್ವಿಯಾಗಿದ್ದು ಡರ್ಬಿಶೈರ್ ತಂಡವನ್ನು 150 ರನ್ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. ಅರ್ಷ್ದೀಪ್ ಸಿಂಗ್ ಹಾಗೂ ಉಮ್ರಾನ್ ಮಲಿಕ್ ತಲಾ ಎರಡು ವಿಕೆಟ್ ಪಡೆದು ಮಿಂಚಿದರೆ ಅಕ್ಷರ್ ಪಟೇಲ್ ಹಾಗೂ ವೆಂಕಟೇಶ್ ಐಯ್ಯರ್ ತಲಾ ಒಂದು ವಿಕೆಟ್ ಸಂಪಾದಿಸಿದ್ದಾರೆ.
ಇತ್ತಂಡಗಳ ಆಡುವ ಬಳಗ
ಪ್ಲೇಯಿಂಗ್ XI: ಶಾನ್ ಮಸೂದ್ (ನಾಯಕ), ಲೂಯಿಸ್ ರೀಸ್, ವೇಯ್ನ್ ಮ್ಯಾಡ್ಸೆನ್, ಲೆಯುಸ್ ಡು ಪ್ಲೂಯ್, ಬ್ರೂಕ್ ಅತಿಥಿ (ವಾಕ್), ಮ್ಯಾಟಿ ಮೆಕಿರ್ನಾನ್, ಅಲೆಕ್ಸ್ ಹ್ಯೂಸ್, ಬೆನ್ ಐಚಿಸನ್, ಮಾರ್ಕ್ ವ್ಯಾಟ್, ಜಾರ್ಜ್ ಸ್ಕ್ರಿಮ್ಶಾ, ಹಿಲ್ಟನ್ ಕಾರ್ಟ್ರೈಟ್
ಬೆಂಚ್: ಹೇಡನ್ ಕೆರ್, ಅಲೆಕ್ಸ್ ಥಾಮ್ಸನ್, ಅನುಜ್ ದಾಲ್, ಸ್ಯಾಮ್ಯುಯೆಲ್ ಕಾನರ್ಸ್, ಹ್ಯಾರಿ ಕ್ಯಾಮ್
ಇಂಡಿಯನ್ಸ್ ಪ್ಲೇಯಿಂಗ್ XI
ಋತುರಾಜ್ ಗಾಯಕ್ವಾಡ್, ದೀಪಕ್ ಹೂಡಾ, ಸೂರ್ಯಕುಮಾರ್ ಯಾದವ್, ಸಂಜು ಸ್ಯಾಮ್ಸನ್, ವೆಂಕಟೇಶ್ ಅಯ್ಯರ್, ದಿನೇಶ್ ಕಾರ್ತಿಕ್ (c & wk), ಅಕ್ಷರ್ ಪಟೇಲ್, ರವಿ ಬಿಷ್ಣೋಯ್, ಅವೇಶ್ ಖಾನ್, ಅರ್ಷ್ದೀಪ್ ಸಿಂಗ್, ಉಮ್ರಾನ್ ಮಲಿಕ್
ಬೆಂಚ್: ಇಶನ್ ಕಿಶನ್, ಹಾರ್ದಿಕ್ ಪಾಂಡ್ಯ, ಹರ್ಷಲ್ ಪಟೇಲ್, ಭುವನೇಶ್ವರ್ ಕುಮಾರ್, ಯುಜ್ವೇಂದ್ರ ಚಾಹಲ್, ರಾಹುಲ್ ತ್ರಿಪಾಠಿ