ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

ವಿವಾದದ ಕೇಂದ್ರವಾದ ಕ್ವಿಂಟನ್ ಡಿಕಾಕ್ ಇನ್ನು ದಕ್ಷಿಣ ಆಫ್ರಿಕಾ ಪರ ಆಡೋದೆ ಅನುಮಾನ!

T20 World Cup: Quinton DeKock International career under dark cloud after his stand on BLM moment

ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ಪ್ರಮುಖ ಆಟಗಾರ ಕ್ವಿಂಟನ್ ಡಿಕಾಕ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಭವಿಷ್ಯ ಈಗ ಗೊಂದಲಮಯವಾಗಿದೆ. ಬ್ಲಾಕ್ ಲೈವ್ಸ್ ಮ್ಯಾಟರ್ ಅಭಿಯಾನದ ಅಂಗವಾಗಿ ಮೊಣಕಾಲೂರಿ ಬೆಂಬಲ ಸೂಚಿಸಲು ಲ್ಷಿಕೆಟ್ ದಕ್ಷಿಣ ಆಫ್ರಿಕಾ ಕರೆ ನೀಡಿದ ಹಿನ್ನೆಲೆಯಲ್ಲಿ ಕ್ವಿಂಟನ್ ಡಿಕಾಕ್ ಮಂಡಳಿಯ ಈ ನಿರ್ಧಾರಕ್ಕೆ ಬೆಂಬಲವನ್ನು ನೀಡಿರಲಿಲ್ಲ. ಅಲ್ಲದೆ ಬುಧವಾರ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಿಂದಲೇ ಕ್ವಿಂಟನ್ ಡಿ ಕಾಕ್ ಆಡುವ ಬಳಗದಿಂದ ಹೊರಗುಳಿದಿದ್ದರು. ಇದೀಗ ಕ್ವಿಂಟನ್ ಡಿಕಾಕ್ ಕ್ರಿಕೆಟ್ ಭವಿಷ್ಯವೂ ಅಸ್ಪಷ್ಟವಾದಂತೆ ಗೋಚರಿಸುತ್ತಿದೆ.

ಈ ಬೆಳವಣಿಗೆಯ ನಂತರ ದಕ್ಷಿಣ ಆಪ್ರಿಕಾ ತಂಡದ ಪ್ರಮುಖ ಆಟಗಾರನಾಗಿರುವ ಕ್ವಿಂಟನ್ ಡಿ ಕಾಕ್ ತಂಡವನ್ನು ತೊರೆದು ತವರಿಗೆ ವಾಪಾಸಾಗಿದ್ದಾರೆ ಎಂಬ ವರದಿಗಳು ಕೂಡ ಹರಿದಾಡುತ್ತಿದೆ. ಕ್ರಿಕೆಟ್ ದಕ್ಷಿಣ ಆಫ್ರಿಕಾ ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದೆ. ಈ ಬೆಳವಣಿಗೆಯಲ್ಲಿ ಕ್ವಿಂಟನ್ ಡಿಕಾಕ್ ನಿರ್ಧಾರದಷ್ಟೇ ಕ್ರಿಕೆಟ್ ದಕ್ಷಿಣ ಆಫ್ರಿಕಾದ ನಿರ್ಧಾರವೂ ಕೂಡ ಕುತೂಹಲ ಮೂಡಿಸಿದೆ. ಯುವ ಆಟಗಾರನ ಕ್ರಿಕೆಟ್ ಭವಿಷ್ಯದ ಬಗ್ಗೆ ಮಂಡಳಿಯ ನಿಲುವು ಕೂಡ ಅತ್ಯಂತ ಮಹತ್ವದ್ದಾಗಿದೆ.

'ಒಬ್ಬನಿಂದ ತಂಡವಲ್ಲ'; ಕೆಎಲ್ ರಾಹುಲ್ ಉಳಿಸಿಕೊಳ್ಳುವ ಕುರಿತು ತುಟಿಬಿಚ್ಚಿದ ಪಂಜಾಬ್ ಕಿಂಗ್ಸ್ ಮಾಲೀಕರು!'ಒಬ್ಬನಿಂದ ತಂಡವಲ್ಲ'; ಕೆಎಲ್ ರಾಹುಲ್ ಉಳಿಸಿಕೊಳ್ಳುವ ಕುರಿತು ತುಟಿಬಿಚ್ಚಿದ ಪಂಜಾಬ್ ಕಿಂಗ್ಸ್ ಮಾಲೀಕರು!

ಹಾಗಾದರೆ ಕ್ವಿಂಟನ್ ಡಿಕಾಕ್ ವಿಚಾರವಾಗಿ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿಯ ನಿಲುವೇನು? ಕ್ವಿಂಟನ್ ಡಿಕಾಕ್ ಕ್ರಿಕೆಟ್ ಭವಿಷ್ಯದ ಬಗ್ಗೆ ಕ್ರಿಕೆಟ್ ಸೌತ್ ಆಫ್ರಿಕಾ ಹೇಳಿಕೆ ಏನು? ಡಿ ಕಾಕ್ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡವನ್ನು ತೊರೆದ ಸುದ್ದಿಯ ವಿಚಾರವಾಗಿ ಸಿಎಸ್‌ಎ ಏನು ಹೇಳಿದೆ ಮುಂದೆ ಓದಿ..

ದಕ್ಷಿಣ ಆಫ್ರಿಕಾ ಪರ ಡಿ ಕಾಕ್ ಇನ್ನು ಆಡಲ್ಲ ಎನ್ನುತ್ತಿವೆ ವರದಿಗಳು

ದಕ್ಷಿಣ ಆಫ್ರಿಕಾ ಪರ ಡಿ ಕಾಕ್ ಇನ್ನು ಆಡಲ್ಲ ಎನ್ನುತ್ತಿವೆ ವರದಿಗಳು

ಬ್ಲ್ಯಾಕ್ ಲೈವ್ಸ್ ಮ್ಯಾಟರ್ ಅಭಿಯಾನಕ್ಕೆ ಕಡ್ಡಾಯವಾಗಿ ಬೆಂಬಲವನ್ನು ಆಟಗಾರರು ನೀಡಬೇಕು ಎಂದು ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿ ನೀಡಿದ ಸೂಚನೆಯನ್ನು ಕ್ವಿಂಟನ್ ಡಿ ಕಾಕ್ ವಿರೋಧ ವ್ಯಕ್ತಪಡಿಸಿದ್ದಾರೆ. ಇದೇ ಕಾರಣದಿಂದಾಗಿ ವಿಂಡೀಸ್ ವಿರುದ್ಧದ ಪಂದ್ಯದ ಆಡುವ ಬಳಗದಿಂದ ಡಿ ಕಾಕ್ ಹೊರಗುಳಿದಿದ್ದರು. ಈ ಬೆಳವಣಿಗೆಯ ನಂತರ ಕ್ವಿಂಟನ್ ಡಿಕಾಕ್ ಮುಂದೆ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡವನ್ನು ಪ್ರತಿನಿಧಿಸುವ ಸಾಧ್ಯತೆಯಿಲ್ಲ ಎಂದು ವರದಿಯಾಗಿದೆ. ಅಲ್ಲದೆ ಈ ಬಾರಿಯ ವಿಶ್ವಕಪ್‌ನ ಪಂದ್ಯಗಳು ನಡೆಯುತ್ತಿರುವಂತೆಯೇ ಟೂರ್ನಿಯನ್ನು ಬಿಟ್ಟು ಹೊರ ನಡೆಯಲು ಡಿ ಕಾಕ್ ಸಜ್ಜಾಗಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ವರದಿಯನ್ನು ಕ್ರಿಕೆಟ್ ದಕ್ಷಿಣ ಆಪ್ರಿಕಾ ತಳ್ಳಿ ಹಾಕಿದೆ.

ಕ್ವಿಂಟನ್ ಡಿ ಕಾಕ್ ಇನ್ನೂ ನಮ್ಮ ತಂಡದ ಭಾಗ

ಕ್ವಿಂಟನ್ ಡಿ ಕಾಕ್ ಇನ್ನೂ ನಮ್ಮ ತಂಡದ ಭಾಗ

ಕ್ವಿಂಟನ್ ಡಿ ಕಾಕ್ ಈ ಬಾರಿಯ ವಿಶ್ವಕಪ್‌ನ ಉಳಿದ ಪಂದ್ಯಗಳಿಂದ ಹೊರಗುಳಿಯಲಿದ್ದಾರೆ, ತವರಿಗೆ ವಾಪಾಸಾಗಲಿದ್ದಾರೆ ಎಂಬ ವರದಿಯನ್ನು ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿ ಸ್ಪಷ್ಟವಾಗಿ ನಿರಾಕರಿಸಿದೆ. ವಿಕೆಟ್ಕೀಪರ್ ಬ್ಯಾಟ್ಸ್‌ಮನ್ ಇನ್ನು ಕೂಡ ದಕ್ಷಿಣ ಆಫ್ರಿಕಾ ತಂಡದ ಭಾಗವಾಗಿದ್ದಾರೆ. ತಂಡದ ಪ್ರಮುಖ ಸದಸ್ಯನಾಗಿ ಇದ್ದಾರೆ. ಅವರು ತವರಿಗೆ ಮರಳಿದ್ದಾರೆ ಎಂಬ ವರದಿಗಳು ಆಧಾರ ರಹಿತ ಎಂದು ಕ್ರಕೆಟ್ ದಕ್ಷಿಣ ಆಫ್ರಿಕಾ ತಿಳಿಸಿದೆ. ಉಳಿದ ಪಂದ್ಯಗಳಲ್ಲಿ ಅವರು ಭಾಗಿಯಾಗುವ ಬಗ್ಗೆ ಶೀಘ್ರದಲ್ಲಿಯೇ ಮಾಹಿತಿಯನ್ನು ಹಂಚಿಕೊಳ್ಳಲಾಗುತ್ತದೆ ಎಂದು ಮಂಡಳಿ ತಿಳಿಸಿದೆ.

ಆಟಗಾರರಿಗೆ ದಿಗ್ಭ್ರಮೆಯಾಗಿದೆ

ಆಟಗಾರರಿಗೆ ದಿಗ್ಭ್ರಮೆಯಾಗಿದೆ

ಇನ್ನು ಇದಕ್ಕೂ ಮುನ್ನ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ನಾಯಕ ಟೆಂಬಾ ಬವುಮಾ ಕ್ವಿಂಟನ್ ಡಿ ಕಾಕ್ ಆವರ ಈ ನಿಲುವು ಆಟಗಾರರಿಗೆ ದಿಗ್ಭ್ರಮೆಯುಂಟು ಮಾಡಿದೆ ಎಂದಿದ್ದರು. ಆದರೆ ಡಿ ಕಾಕ್ ಅವರ ಈ ನಿರ್ಧಾರವನ್ನು ತಾನು ಹಾಗೂ ತಂಡದ ಇತರ ಆಟಗಾರರು ಗೌರವಿಸುತ್ತಾರೆ ಎಂದು ಹೇಳಿಕೆ ನೀಡಿದ್ದರು.

ಆಮೀರ್ ನಿಂಗಿದು ಬೇಕಿತ್ತಾ??ಕೇಳಿ ಇಸ್ಕೊಳ್ಳೋದು ಅಂದ್ರೆ ಇದೇ ಅನ್ಸತ್ತೆ | Oneindia Kannada
ಈ ಹಿಂದೆಯೂ ಮೊಣಕಾಲೂರಲು ವಿರೋಧಿಸಿದ್ದ ಡಿ ಕಾಕ್

ಈ ಹಿಂದೆಯೂ ಮೊಣಕಾಲೂರಲು ವಿರೋಧಿಸಿದ್ದ ಡಿ ಕಾಕ್

ದಕ್ಷಿಣ ಆಫ್ರಿಕಾದ ಪ್ರಮುಖ ಆಟಗಾರನಾಗಿರುವ ಕ್ವಿಂಟನ್ ಡಿ ಕಾಕ್ ಈ ಹಿಂದೆಯೂ ಮೊಣಕಾಲೂರಿ 'ಬ್ಲ್ಯಾಕ್ ಲೈವ್ಸ್ ಮ್ಯಾಟರ್' ಅಭಿಯಾನಕ್ಕೆ ಬೆಂಬಲಿಸಲು ಒಪ್ಪಿರಲಿಲ್ಲ. ಈ ಬಗ್ಗೆ ಸೈಂಟ್ ಲೂಸಿಯಾದಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಟೆಸ್ಟ್‌ನ ಸಂದರ್ಭದಲ್ಲಿ ವರ್ಚುವಲ್ ಪ್ರೆಸ್ ಕಾನ್ಫರೆನ್ಸ್‌ನಲ್ಲಿ ಡಿಕಾಕ್ ಬಳಿ ಪತ್ರಕರ್ತರೊಬ್ಬರು ಕಾರಣವನ್ನು ಕೇಳಿದ್ದರು. ಈ ಸಂದರ್ಭದಲ್ಲಿ ಕ್ವಿಂಟನ್ ಡಿ ಕಾಕ್ ಕಾರಣವನ್ನು ನೀಡಲು ನಿರಾಕರಿಸಿದ್ದರೂ ತಮ್ಮ ನಿಲುವನ್ನು ಸಮರ್ಥನೆ ಮಾಡಿ ಪ್ರತಿಕ್ರಿಯಿಸಿದ್ದರು. ಈಗ ಈ ವಿಚಾರ ಮತ್ತಷ್ಟು ಗಂಭೀರವಾಗುವ ಸಾಧ್ಯತೆಗಳು ದಟ್ಟವಾಗಿದೆ. ವರ್ಣಭೇದದ ಕರಾಳ ಹಿನ್ನೆಲೆ ಹೊಂದಿರುವ ದಕ್ಷಿಣ ಆಫ್ರಿಕಾದ ಆಟಗಾರನೇ ಈ ರೀತಿಯ ನಿಲುವು ಹೊಂದಿರುವುದು ಅಲ್ಲಿನ ಕ್ರಿಕೆಟ್ ಮಂಡಳಿಗೂ ತೀವ್ರ ಮುಜುಗರವುಂಟು ಮಾಡಿದೆ.

Story first published: Wednesday, October 27, 2021, 20:59 [IST]
Other articles published on Oct 27, 2021
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X