ತ್ರಿಕೋನ ಸರಣಿಯ ಪಂದ್ಯ
ಇದು ಭಾರತ, ಪಾಕಿಸ್ತಾನ ಮತ್ತು ದಕ್ಷಿಣ ಆಫ್ರಿಕಾ ತಂಡಗಳ ನಡುವಣ ತ್ರಿಕೋನ ಸರಣಿಯ 4ನೇ ಏಕದಿನ ಪಂದ್ಯದ ಕತೆ. ಯುನೈಟೆಡ್ ಅರಬ್ ಎಮಿರೇಟ್ಸ್ನ ಶಾರ್ಜಾ ಮೈದಾನದಲ್ಲಿ ಪಂದ್ಯ ನಡೆದಿತ್ತು. ಸಚಿನ್ ತೆಂಡೂಲ್ಕರ್ ಮತ್ತು ನವಜೋತ್ ಸಿಧು ಶತಕ ಬಾರಿಸಿ ಭಾರತಕ್ಕೆ ಗೆಲುವಿನ ಉಡುಗೊರೆ ನೀಡಿದ್ದರು (ಸಾಂದರ್ಭಿಕ ಚಿತ್ರ).
ಸಚಿನ್-ಸಿಧು ಭರ್ಜರಿ ಬ್ಯಾಟಿಂಗ್
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಭಾರತ, ವಿಕ್ರಮ್ ರಾಥೋರ್ 2, ಸಚಿನ್ 118, ಸಿಧು 101, ಅಜಯ್ ಜಡೇಜಾ 17, ಜಾವಗಲ್ ಶ್ರೀನಾಥ್ 16, ಮೊಹಮ್ಮದ್ ಅಝರುದ್ದೀನ್ 29 ರನ್ನೊಂದಿಗೆ 50 ಓವರ್ಗೆ 5 ವಿಕೆಟ್ ನಷ್ಟದಲ್ಲಿ 305 ರನ್ ಕಲೆ ಹಾಕಿತ್ತು. ಸಚಿನ್ 8 ಬೌಂಡರಿ, 2 ಸಿಕ್ಸರ್ ಬಾರಿಸಿದ್ದರೆ, ಸಿಧು 3 ಬೌಂಡರಿ, 3 ಸಿಕ್ಸರ್ಗಳನ್ನು ಸೇರಿಸಿದ್ದರು.
ಗೆಲುವಿನ ಸಮೀಪ ಎಡವಿದ ಪಾಕ್
ಗುರಿ ಬೆನ್ನಟ್ಟಿದ ಪಾಕಿಸ್ತಾನ ತಂಡ, ಆಮೀರ್ ಸೊಹೈಲ್ 78, ರಶೀದ್ ಲತೀಫ್ 50, ಇಜಾಝ್ ಅಹ್ಮದ್ 42, ಸಲೀಮ್ ಮಲಿಕ್ 42 ರನ್ನೊಂದಿಗೆ 46.1 ಓವರ್ಗೆ ಎಲ್ಲಾ ವಿಕೆಟ್ ಕಳೆದು 277 ರನ್ ಬಾರಿಸಿ 28 ರನ್ಗಳಿಂದ ಭಾರತಕ್ಕೆ ಶರಣಾಗಿತ್ತು. ಸಚಿನ್ ತೆಂಡೂಲ್ಕರ್ ಪಂದ್ಯಶ್ರೇಷ್ಠರೆನಿಸಿದ್ದರು.
ಮಿಂಚಿದ್ದ ಕರ್ನಾಟಕದ ಬೌಲರ್ಗಳು
ಅಂದಿನ ಪಂದ್ಯದಲ್ಲಿ ಭಾರತ ಗೆಲ್ಲಲು ಬ್ಯಾಟ್ಸ್ಮನ್ಗಳಷ್ಟೇ ಅಲ್ಲ ಬೌಲರ್ಗಳೂ ಪ್ರಮುಖ ಕಾರಣರಾಗಿದ್ದರು. ಅದೂ ಕರ್ನಾಟಕದ ಬೌಲರ್ಗಳೇ ಮಿಂಚಿದ್ದು ವಿಶೇಷವೆನಿಸಿತ್ತು. ಆವತ್ತು ಜಾವಗಲ್ ಶ್ರೀನಾಥ್ 3, ವೆಂಕಟೇಶ್ ಪ್ರಸಾದ್ 2, ಅನಿಲ್ ಕುಂಬ್ಳೆ 2, ಸಚಿನ್ ತೆಂಡೂಲ್ಕರ್ 2 ವಿಕೆಟ್ ಮುರಿದಿದ್ದರು.