ರೋಹಿತ್‌ ಜೊತೆಗಿನ ವೈಮನಸ್ಸು: ಮೌನ ಮುರಿದ ವಿರಾಟ್‌ ಕೊಹ್ಲಿ

ಮುಂಬೈ, ಜುಲೈ 29: ಉಪನಾಯಕ ರೋಹಿತ್‌ ಶರ್ಮಾ ಜೊತೆಗೆ ವೈಮನಸ್ಸು ಹೊಂದಿರುವ ಊಹಾಪೋಹಗಳಿಗೆ ಕೊನೆಗೂ ತೆರೆ ಎಳೆದಿರುವ ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ, ಈ ರೀತಿಯ ವದಂತಿಗಳಿಂದ ತಮ್ಮ ಮನಸ್ಸಿಗೆ ಘಾಸಿಯುಂಟಾಗಿದೆ ಎಂದು ಹೇಳಿದ್ದಾರೆ.

ಟೀಮ್‌ ಇಂಡಿಯಾ ವೆಸ್ಟ್‌ ಇಂಡೀಸ್‌ ಪ್ರವಾಸ ಕೈಗೊಳ್ಳಲಿದ್ದು, ಆಗಸ್ಟ್‌ 3ರಂದು ಮೊದಲ ಟಿ20 ಪಂದ್ಯ ನಡೆಯಲಿದೆ. ಭಾರತ ತಂಡ ವಿಂಡೀಸ್‌ ಪ್ರವಾಸ ಕೈಗೊಳ್ಳುವುದಕ್ಕೂ ಮುನ್ನ ಸೋಮವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ವಿರಾಟ್‌, ತಮ್ಮ ಮತ್ತು ರೋಹಿತ್‌ ನಡುವೆ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ ಎಲ್ಲವೂ ಸರಿಯಾಗೇ ಇದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಟಿ20 ಸರಣಿಯಲ್ಲಿ ಭಾರತಕ್ಕೆ ವಿಂಡೀಸ್‌ನ ಈ ಆಟಗಾರರಿಂದ ಅಪಾಯ!

"ನನಗಂತೂ ಇದು ಅಚ್ಚರಿ ತಂದಿದೆ. ಈ ರೀತಿಯ ಸಂಗತಿಗಳನ್ನು ಹುಟ್ಟುಹಾಕುವುದು ನಿಜಕ್ಕೂ ಹಾಸ್ಯಾಸ್ಪದ ಸಂಗತಿ. ಈ ರೀತಿಯ ಸಂಗತಿಗಳನ್ನು ಹಿಂದಿನಿಂದಲೂ ಕೇಳುತ್ತಾ ಬಂದಿದ್ದೇನೆ. ವೈಯಕ್ತಿಕ ಜೀವನವನ್ನು ಎಳೆದು ತರುವುದು ನಿಜಕ್ಕೂ ಅಗೌರವ ತರುವಂಥದ್ದು. ನನ್ನ ಮತ್ತು ರೋಹಿತ್‌ ನಡುವೆ ಯಾವುದೇ ರೀತಿಯ ವೈಮನಸ್ಸಿಲ್ಲ," ಎಂದು ಪತ್ರಿಕಾಗೋಷ್ಠಿಯಲ್ಲಿ ವಿರಾಟ್‌ ಮೌನ ಮುರಿದಿದ್ದಾರೆ.

"ನಮ್ಮಿಬ್ಬರ ಮಧ್ಯೆ ಯಾವುದೇ ಸಮಸ್ಯೆ ಇಲ್ಲ. ಒಂದುವೇಳೆ ನನಗೆ ಯಾರಾದರೂ ಹಿಡಿಸಿಲ್ಲವಾದರೆ, ಅದು ನನ್ನ ಮುಖಭಾವನೆಯಲ್ಲೇ ತಿಳಿದುಬಿಡುತ್ತದೆ. ಇನ್ನು ತಂಡದಲ್ಲಿನ ವಾತಾವರಣವೇ ಸರಿ ಇಲ್ಲವೆಂದಲ್ಲಾ ಸುದ್ದಿಯಾಗಿರುವುದನ್ನು ಕೇಳಿದ್ದೇನೆ. ಹೀಗಿದ್ದರೆ ನಮ್ಮ ತಂಡ ಅಷ್ಟು ಉತ್ತಮ ಆಟವಾಡಲು ಖಂಡಿತಾ ಸಾಧ್ಯವಾಗುತ್ತಿರಲಿಲ್ಲ. ಅವಾಕಶ ಸಿಕ್ಕ ಸಂದರ್ಭದಲ್ಲೆಲ್ಲಾ ರೋಹಿತ್‌ ಅವರನ್ನು ಕೊಂಡಾಡಿದ್ದೇನೆ. ನಮ್ಮಿಬ್ಬರ ಮಧ್ಯೆ ಏನೂ ಇಲ್ಲ," ಎಂದು ಕೊಹ್ಲಿ ವಿವರಿಸಿದ್ದಾರೆ.

ಕೊಹ್ಲಿ-ಶಾಸ್ತ್ರಿ ಜೋಡಿ ಬೇರ್ಪಟ್ಟರೆ ಟೀಮ್‌ ಇಂಡಿಯಾಗೆ ಅಪಾಯವಂತೆ!

ವಿಶ್ವಕಪ್‌ ಟೂರ್ನಿ ವೇಳೆ ಟೀಮ್‌ ಇಂಡಿಯಾ ಆಟಗಾರರು ಕೋಚ್‌ ಮತ್ತು ನಾಯಕನ ಅನುಮತಿ ಇಲ್ಲದೇ ತಮ್ಮ ಪತ್ನಿ ಹಾಗು ಕುಟುಂಬದವರೊಡನೆ ಹೆಚ್ಚು ಸಮಯ ಕಳೆದಿದ್ದಾರೆ ಎಂಬ ಸುದ್ದಿ ಸ್ಫೋಟವಾದ ಬಳಿಕ ವಿರಾಟ್‌ ಮತ್ತು ರೋಹಿತ್‌ ನಡುವೆ ಯಾವುದೂ ಸರಿಯಿಲ್ಲ ಎಂಬ ವದಂತಿಗಳು ಹಬ್ಬಿದವು.

I have praised @ImRo45 whenever I have had an opportunity because he has been that good. We have had no issues. We are working towards getting Indian Cricket to the top: @imVkohli #TeamIndia pic.twitter.com/ijGqyKDxtS

— BCCI (@BCCI) July 29, 2019

ಇದೇ ವೇಳೆ ಸುಪ್ರೀಂ ನೇಮಿತ ಬಿಸಿಸಿಐ ಆಡಳಿತ ಸಮಿತಿ ಕೂಡ ಆಟಗಾರರ ಜೊತೆಗೆ ಪತ್ನಿ ಹಾಗೂ ಕುಟುಂಬ ಸದಸ್ಯರು ಕೂಡ ಪ್ರಯಾಣ ಬೆಳೆಸುವುದರ ಕುರಿತಾಗಿ ನಾಯಕ ಮತ್ತು ಕೋಚ್‌ ನಿರ್ಧಾರ ತೆಗೆದುಕೊಳ್ಳಲಿ ಎಂದು ಸೂಚಿಸಿರುವುದನ್ನು ಮಾಜಿ ಸಿಜೆಐ ಆರ್‌.ಎಂ ಲೋಧಾ ಮತ್ತು ಬಿಸಿಸಿಐನ ಅಧಿಕಾರಿಗಳು ಪ್ರಶ್ನಿಸಿದ್ದರು.

ವಿಂಡೀಸ್‌ ಪ್ರವಾಸದಲ್ಲಿ ಮಿಂಚುವ ತುಡಿತದಲ್ಲಿರುವ ಪ್ರತಿಭೆಗಳಿವರು

ಇದರ ಬೆನ್ನಲ್ಲೇ ಈರೀತಿಯ ಯಾವುದೇ ಆಟಗಾರರ ತಮ್ಮ ಗಮನಕ್ಕೆ ತರದೇ ಇರುವ ಸಂದರ್ಭದಲ್ಲಿ ಈ ರೀತಿಯ ಊಹಾಪೋಹಗಳಿಗೆ ಬಿಸಿಸಿಐನ ಆಡಳಿತ ಸಮಿತಿ (ಸಿಒಎ) ಉತ್ತರಿಸುವುದಿಲ್ಲ ಎಂದು ಸಿಒಎನ ಸದಸ್ಯರೊಬ್ಬರು ಹೇಳಿಕೆ ನೀಡಿದ್ದರು.

ಟೆನಿಸ್‌ ಬಾಲ್‌ ಕ್ರಿಕೆಟರ್‌ಗೆ ಇಂದು ಟೀಮ್‌ ಇಂಡಿಯಾ ಟಿಕೆಟ್‌!

"ಮಾಧ್ಯಮಗಳಲ್ಲಿ ವರದಿಯಾಗುವು ಎಲ್ಲಾ ವಿಷಯಗಳಿಗೂ ಸಿಒಎ ಪ್ರತಿಕ್ರಿಯೆ ನೀಡಲು ಸಾಧ್ಯವಿಲ್ಲ. ಆಟಗಾರರು ಯಾವುದೇ ರೀತಿಯ ಗೊಂದಲ ಅಥವಾ ಸಮಸ್ಯೆ ಎದುರಿಸಿದರೆ ಅವರೇ ನಮ್ಮ ಗಮನಕ್ಕೆ ತರಬೇಕು. ಆಟಗಾರರು ನಮ್ಮೊಂದಿಗೆ ಏನನ್ನೂ ಹೇಳದೇ ಇರುವ ಸಂದರ್ಭದಲ್ಲಿ ಭಿನ್ನಾಭಿಪ್ರಾಯ ಮೂಡಿದೆ ಎಂಬುದರಲ್ಲಿ ಯಾವುದೇ ಹುರುಳಿಲ್ಲ," ಎಂದು ಸಿಒಎ ಸದಸ್ಯರೊಬ್ಬರು ಹೇಳಿಕೆ ನೀಡಿದ್ದರು.