ನಾಯಕನಾಗಿ ಉದಾಹರಣೆಯಾಗಬೇಕಿತ್ತು
ದಿ ಡೈಲಿ ಮೇಲ್ ಪತ್ರಿಕೆಗೆ ಪರೆದ ಅಂಕಣದಲ್ಲಿ ಡೇವಿಡ್ ಲಾಯ್ಡ್ ವಿಕೆಟ್ ಹಿಂದಿನಿಂದ ಪೈನ್ನ ವರ್ತನೆ 'ಚಡಪಡಿಸುವಂತೆ ಮಾಡಿದೆ' ಎಂದು ಲಾಯ್ಡ್ ಬರೆದಿದ್ದಾರೆ. ಯಾರಾದರೂ ತನ್ನೊಂದಿಗೆ ಆ ರೀತಿ ಮಾತನಾಡಿದ್ದರೆ, ನಾನು ಆತನ ಮೇಲಿನ ಎಲ್ಲ ಗೌರವವನ್ನು ಕಳೆದುಕೊಳ್ಳುತ್ತಿದ್ದೆ ಎಂದು ಹೇಳಿದ್ದಾರೆ. ನಾಯಕನಾಗಿ ಪೈನ್ ತನ್ನ ಆಟಗಾರರನ್ನು ನಿಯಂತ್ರಿಸಬೇಕಾಗಿತ್ತು. ಆತ ತನ್ನ ಸಹ ಆಟಗಾರರಿಗೆ ಉದಾಹರಣೆಯಾಗಬೇಕಿತ್ತು ಎಂದು ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ.
ಸ್ಲೆಡ್ಜ್ ಮಾಡಿದರೂ ಕುಳಿತು ಡ್ರಿಂಕ್ಸ್ ಮಾಡಬಹುದಾಗಿತ್ತು
"ನಾನು ಸುಮಾರು ಎರಡು ದಶಕಗಳ ಕಾಲ ಕ್ರಿಕೆಟ್ ಆಡಿದ್ದೆ. ಸ್ಲೆಡ್ಜಿಂಗ್ ಬಗ್ಗೆ ಜನರು ಮಾತನಾಡಿದರೆ ಮಾಜಿ ನಾಯಕ ಇಯಾನ್ ಚಾಪೆಲ್ ಅವರ ನೇತೃತ್ವದ ತಂಡವನ್ನು ತೋರಿಸಿ ಈಗಿನದ್ದು ಸ್ಲೆಡ್ಜಿಂಗ್ ಅಲ್ಲ ಎನ್ನುತ್ತಾರೆ. ಆದರೆ ಆಗ ಡೆನ್ನಿಸ್ ಲಿಲ್ಲಿ ಮತ್ತು ಜೆಫ್ ಥಾಮ್ಸನ್ ಅವರಂತವರು ಬಂಟರ್ಗಳನ್ನು ಮಾತ್ರವೇ ಮಾಡುತ್ತಿದ್ದರು. ಅವರು ಯಾವತ್ತು ಕೂಡ ಪಂದ್ಯ ಮುಗಿದ ಬಳಿಕ ಜೊತೆಯಾಗಿ ಕುಳಿತು ಬೀಯರ್ ಕುಡಿಯಲು ಬಯಸದಂತೆ ಏನನ್ನೂ ಹೇಳುತ್ತಿರಲಿಲ್ಲ" ಎಂದಿದ್ದಾರೆ ಡೇವಿಡ್ ಲಾಯ್ಡ್. ಆರ್ ಅಶ್ವಿನ್ಗೆ ಹೇಳಿದಂತಾ ಮಾತನ್ನು ಆಡಿದರೆ ಪಂದ್ಯ ಮುಗಿದ ಬಳಿಕ ಅಶ್ವಿನ್ ಆಸ್ಟ್ರೇಲಿಯನ್ನರ ಜೊತೆಯಾಗಿ ಕುಳಿತು ಪಾನೀಯ ಸೇವಿಸಲು ಹೇಗೆ ಸಾಧ್ಯವಾಗಬಲ್ಲದು? ಎಂದು ಅವರು ಖಾರವಾಗಿ ಪ್ರಶ್ನಿಸಿದ್ದಾರೆ.
ಅವರು ಪಾಠ ಕಲಿತಿಲ್ಲ
"ಸ್ಯಾಂಡ್ ಪೃಪರ್ ಪ್ರಕರಣದ ನಂತರ ಆಸ್ಟ್ರೇಲಿಯನ್ನರು ತಮ್ಮ ವರ್ತನೆ ಹಾಗೂ ಭಾಷೆಯನ್ನು ಸುಧಾರಿಸಿಕೊಳ್ಳುತ್ತಾರೆ ಎಂದು ನೀವು ಅಂದುಕೊಳ್ಳಬಹುದು. ಆದರೆ ಅವರು ಅದರಿಂದ ಪಾಠ ಕಲಿತಂತೆ ಕಾಣಿಸುತ್ತಿಲ್ಲ. ಈ ಭೂಮಿಯ ಮೇಲೆ ಅವರಿಗೆ ಏನು ತಪ್ಪಾಗಿದೆ" ಎಂದು ಆಸ್ಟ್ರೇಲಿಯಾ ನಾಯಕನ ವರ್ತನೆಯನ್ನು ಮುಂದಿಟ್ಟುಕೊಂಡು ಇಡೀ ಆಸ್ಟ್ರೇಲಿಯಾ ತಂಡದ ವರ್ತನೆಯ ಬಗ್ಗೆ ಇಂಗ್ಲೆಂಡ್ ತಂಡದ ಮಾಜಿ ಕ್ರಿಕೆಟಿಗ ಡೇವಿಡ್ ಲಾಯ್ಡ್ ಕಟು ಮಾತುಗಳಲ್ಲಿ ಟೀಕೆಯನ್ನು ಮಾಡಿದ್ದಾರೆ.